«اۋىل - قىستاق تاس جولى ەرەجەسىن» جاريالادى

شينحۋا اگەنتتىگى، 7 - ايدىڭ 22 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ بىرنەشە كۇننىڭ الدىندا مەملەكەتتىك كەڭەستىڭ بۇيرىعىنا قول قويىپ، «اۋىل - قىستاق تاس جولى ەرەجەسىن» (تومەندە قىسقاشا «ەرەجە» دەلىنەدى) جاريالادى، «ەرەجە» 2025 - جىلى 9 - ايدىڭ 15 - كۇنىنەن باستاپ اتقارىلادى.

«ەرەجە» اۋىل - قىستاق تاس جولىنىڭ جوعارى ساپالى دامۋىن ىلگەرىلەتىپ، اۋىل - قىستاقتى جاپپاي گۇلدەندىرۋدى ىلگەرىلەتۋدىڭ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋدىڭ قاجەتىنە ۇيلەسۋدى ماقسات ەتەدى. «ەرەجە» جالپى 28 تارماقتان قۇرالعان، وندا نەگىزىنەن مىناداي مازمۇندار بەلگىلەنگەن:

ءبىرىنشى، دامۋ بەتالىسىن ايقىندادى. اۋىل - قىستاق تاس جولىن دامىتۋدا پارتيا مەن مەملەكەتتىڭ لۋشيان، باعىت - ساياساتتارىن، شەشىمدەرى مەن ورنالاستىرۋلارىن دايەكتىلەندىرىپ، جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس جوسپارلاۋعا قاتىستى تالاپتارمەن سايكەسىپ، ۇكىمەت جەتەكشىلىك ەتۋگە، ءبىر تۇتاس پلانداۋعا، جەرگىلىكتى جاعدايعا قاراي ىستەۋگە تاباندى بولىپ، قۇرىلىس جۇرگىزۋ، باسقارۋ، كۇتىمدەۋ، اينالىمعا سالۋعا تەڭ ءمان بەرۋگە تاباندى بولىپ، تۇتاس ءوڭىردى قامتىعان، جالپىعا ءتيىمدى، ورتاق يگىلىكتەنەتىن، حاۋىپسىز، ۇيلەسىمدى، قولايلى، جوعارى ءونىمدى اۋىل - قىستاق قاتىناس نەگىزدىك قۇرىلعىلار تورابىن بىرتىندەپ كەمەلدەندىرۋ كەرەك.

ەكىنشى، جاۋاپكەرشىلىك سۋبيەكتىلەرىن ناقتىلاندىردى. اۋدان دارەجەلى ۇكىمەتتەردىڭ ءوز اكىمشىلىك وڭىرىندەگى اۋىل - قىستاق تاس جولىنىڭ دامۋى جونىنەن سۋبيەكتتىك جاۋاپكەرشىلىك ارقالايتىندىعىن ايقىندادى، مەملەكەتتىك كەڭەستىڭ قاتىناس - تاسىمال سياقتى قاتىستى تاراۋلارى، رايوندارعا بولىنگەن قالا دارەجەلىدەن جوعارى جەرگىلىكتى ۇكىمەتتەر جانە ونىڭ قاتىستى تاراۋلارى جەتەكشىلىك ەتۋدى، باقىلاۋدى كۇشەيتۋى كەرەك.

ءۇشىنشى، جول تورابىنىڭ ساپاسىن جوعارىلاتۋ كەرەك. اۋىل - قىستاق تاس جولى قۇرىلىسىندا جول تورابىنىڭ ساپاسىن جوعارىلاتۋدى ءتۇيىن ەتىپ، مەملەكەت تاس جولى، ولكە تاس جولى قۇرىلىسىمەن ۇشتاسىپ، سايكەسىپ، قالا مەن اۋىلدىڭ قاتىناس - تاسىمالىنىڭ ءبىر تۇلعالانۋىن جەبەۋ؛ جاڭادان سالىنعان اۋىل - قىستاق تاس جولى تاس جولدىڭ تەحنيكالىق دارەجە تالابىنا ۇيلەسۋى، قازىر ەڭ تومەنگى تەحنيكالىق دارەجە تالابىنا ۇيلەسپەيتىن جولدار بولسا، دارەجەسىن جوعارىلاتىپ، قايتا سالۋ كەرەك.

ءتورتىنشى، باسقارۋدى، كۇتىمۋدى كۇشەيتۋ كەرەك. قىستاق جولى قۇرىلىسىن مەڭگەرۋ رايونىن بەلگىلەۋ جانە باسقارۋ، شەكتەن تىس تاسىمالدى جونگە سالۋ، اۋىر تۇرپاتتى جۇك اۆتوموبيلدەرىنىڭ قاتىناۋى، جول ءوڭىرى ورتاسىن جان - جاقتى جونگە سالۋ سياقتى تالاپتار ايقىندالدى؛ اۋىل - قىستاق تاس جولىن باسقارۋ، قورعاۋ جاۋاپكەرشىلىك ءتۇزىمىن ورناتىپ جانە كەمەلدەندىرىپ، اۋىل - قىستاق تاس جولىن كۇتىمدەۋدى ۇيىمداستىرۋ، اتقارۋ سۋبيەكتىن ايقىنداپ، كاسىپتىك تاس جول كۇتىمدەۋ جۇمىس ورىندارىن اۋىل - اۋىل تاس جولىن كۇتىمدەۋگە قاتىناسۋعا شابىتتاندىرۋ، جەتەكتەۋ كەرەك.

بەسىنشى، حاۋىپسىزدىكتى قامتاماسىز ەتۋدى كۇشەيتۋ كەرەك. اۋىل - قىستاق تاس جولىن كۇندەلىكتى ارالاپ تەكسەرۋ جانە حاۋىپسىزدىك كومەسكى قاتەرىن تەكسەرۋ، جونگە سالۋ قىزمەتىن ورىستەتىپ، اۋىل - قىستاق تاس جولىنىڭ شۇعىل جاعدايعا توتەپ بەرۋدى قامتاماسىزداندىرۋ جانە اپاتتان ساقتانۋ، اپاتقا قارسى اتتانۋ قۋاتى قۇرىلىسىن كۇشەيتىپ، جول قاتىناس حاۋىپسىزدىگى زاڭ - ەرەجەلەرى مەن جول قورعاۋ ۇگىت - تاربيەسىن ورىستەتۋ تالاپ ەتىلدى.

التىنشى، توعىسپالى دامۋدى جەبەۋ كەرەك. جەرگىلىكتى ءار دارەجەلى ۇكىمەتتەر شارا قولدانىپ، اۋىل - قىستاق تاس جولى مەن جەلى بويىنداعى سايكەستى قۇرىلعىلار، كاسىپ سالاسى باقشا رايونى، ساياحات كورىنىس رايونى سياقتىلاردى ءبىر تۇلعالاندىرۋ قۇرىلىسىن ىلگەرىلەتىپ، اۋىل - قىستاق جولاۋشى تاسىمالى، زات تاسىمالى، زات اينالىمى، پوچتا جەدەل جەتكىزۋ ىستەرىنىڭ توعىسپالى دامۋىن جەبەپ، اۋىل - قىستاق تاس جولى قىزمەت وتەۋىنىڭ قالا مەن اۋىلدىڭ ەكونوميكالىق اينالىمىن ىركىلىسسىزدەندىرۋ قابىلەتىن جوعارىلاتۋ بەلگىلەندى.

كەلۋ قاينارى: حالىق تورابى