جاۋ لىجي، ۋاڭ حۋنيڭ ماداگاسكار كەڭەس پالاتاسىنىڭ باستىعى لاۆالۋمانامەن جەكە - جەكە كەزدەستى

شينحۋا اگەنتتىگى، 7 - ايدىڭ 22 - كۇنى بەيجيڭنەن بەرگەن حابارى. مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ 7 - ايدىڭ 22 - كۇنى بەيجيڭدە ماداگاسكار كەڭەس پالاتاسىنىڭ باستىعى لاۆالۋمانامەن جەكە - جەكە كەزدەستى.

جاۋ لىجي كەزدەسۋدە مىنالاردى ءبىلدىردى: جۇڭگو مەن ماداگاسكاردىڭ دوستىعى ارىدان باستاۋ الادى، ۋاقىت وتكەن سايىن بەكەمدەلە ءتۇستى. تاياۋ جىلداردان بەرى ءتوراعا شي جينپيڭ مەن لاچولينا زۇڭتۇڭنىڭ ستراتەگيالىق جەتەكشىلىگىندە، ەكى ەل قارىم - قاتىناسىنىڭ دامۋ بەتالىسى تەبىندى بولدى. جۇڭگو جاق ماداگاسكار جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن جانە جۇڭگو - افريكا سەلبەستىك تالقى مىنبەرى بەيجيڭدەگى باسشىلار ءماجىلىسىنىڭ جەتىستىكتەرىن تياناقتاندىرىپ، ەكى ەلدىڭ دوستىق سەلبەستىگىنىڭ اناعۇرلىم كوپ تىڭ تابىستارعا قول جەتكىزۋىن ىلگەرىلەتىپ، جاڭا داۋىردەگى جۇڭگو - افريكا تاعدىرلاس ورتاق تۇلعاسىن قۇرۋعا ۇلەس قوسۋدى قالايدى. ەكى ەلدىڭ زاڭ شىعارۋ قۇرىلىمدارىنىڭ اۋىس - كۇيىستى، سەلبەستىكتى كۇشەيتىپ، جۇڭگو مەن ماداگاسكاردىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ ۇزدىكسىز العا دامۋىنا دەم بەرۋىن ءۇمىت ەتەمىن.

لاۆالۋمانا مىنالاردى ءبىلدىردى: ماداگاسكار مەن جۇڭگونىڭ ءداستۇرلى دوستىعى تەرەڭ، ەكى ەل قارىم - قاتىناسى ءوزارا پايدا جەتكىزىپ، تەڭ يگىلىككە كەنەلۋ نەگىزىندە قۇرىلعان. ەكى ەل مەملەكەت باسشىلارىنىڭ تىعىز بارىس - كەلىستى ساقتاۋى ماداگاسكار - جۇڭگو قارىم - قاتىناسىنىڭ دامۋىنا ايقىن باعدار كورسەتتى. ماداگاسكار كەڭەس پالاتاسى جۇڭگو جاقپەن بىرگە زاڭ شىعارۋ قۇرىلىمدارىنىڭ بارىس - كەلىسىن كۇشەيتىپ، ەكونوميكا - ساۋدا، قارجى قوسۋ، جەرگىلىكتى ورىندار سياقتى سالالارداعى سەلبەستىكتى جەبەۋدە بەلسەندى رول اتقارۋدى قالايدى.

ۋاڭ حۋنيڭ كەزدەسۋدە مىنالاردى ءبىلدىردى: جۇڭگو مەن ماداگاسكار _ وسىزامانداندىرۋ جولىنداعى ساپارلاس، ناعىز دوس. ءتوراعا شي جينپيڭ لاچولينا زۇڭتۇڭمەن بىرگە جۇڭگو مەن ماداگاسكاردىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن ورناتۋدى ۇيعارىپ، جۇڭگو - ماداگاسكار قارىم - قاتىناسىنىڭ دامۋىنا ايقىن باعدار كورسەتتى. جۇڭگو جاق ماداگاسكار جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرىپ، اناعۇرلىم كوپ ناقتى سەلبەستىك جەتىستىكتەرى ارقىلى ەكى ەل حالقىن يگىلىككە كەنەلتۋدى قالايدى. جۇڭگو مەملەكەتتىك ساياسي كەڭەسى ماداگاسكار كەڭەس پالاتاسىمەن دوستىق بارىس - كەلىستى كۇشەيتىپ، جۇڭگو مەن ماداگاسكاردىڭ جالپى بەتتىك ستراتەگيالىق سەلبەستىك سەرىكتەستىك قارىم - قاتىناسىنىڭ دامۋىنا دەم بەرۋدى قالايدى.

لاۆالۋمانا جۇڭگونىڭ باستان - اياق ءوزارا تيىمدىلىك جەتكىزىپ، تەڭ يگىلىككە كەنەلۋ پرينسيبىن ۇستانىپ، ماداگاسكارعا تەڭ مامىلە جاساعاندىعىن ايرىقشا القاپ، مىنالاردى ءبىلدىردى: ماداگاسكار جاق جۇڭگومەن قارىم - قاتىناستى دامىتۋعا ايرىقشا ءمان بەرەدى، جۇڭگونىڭ دامۋ جەتىستىكتەرىنە سۇيىنەدى، جۇڭگونىڭ تاجىريبەلەرىن ۇيرەنىپ، ماداگاسكار مەن جۇڭگونىڭ ءار سالاداعى سەلبەستىگىن ىلگەرىلەتىپ، ەكى ەل حالقىنا باقىت جاراتۋدى قالايدى. ماداگاسكار كەڭەس پالاتاسى جۇڭگو مەملەكەتتىك ساياسي كەڭەسىمەن ەل باسقارۋ تاجىريبەلەرىن اۋىستىرۋدى كۇشەيتىپ، ماداگاسكار - جۇڭگو قارىم - قاتىناسىنىڭ ىشكەرىلەي دامۋىن ىلگەرىلەتۋدى قالايدى.

مۋ حۇڭ، ۋاڭ دۇڭفىڭ قاتارلىلار قاتىستى كەزدەسۋلەردە بىرگە بولدى.

كەلۋ قاينارى: حالىق تورابى