ەكى توپتاعى ەڭ جاڭا ساندى مالىمەتتەن قاراعاندا، جۇمىستانۋ ورنىقتى، تۇتىنۋ كۇسەت بولعان

قالا - قالاشىقتارداعى جۇمىستانۋ جاعدايى جالپى جاقتان ورنىقتى بولدى

الدىڭعى جارتى جىلدا قالا - قالاشىقتاردا 6 ميلليون 950 مىڭ ادام تىڭنان جۇمىستاندى

«حالىق گازەتى»، 7 - ايدىڭ 22 - كۇنى، بەيجيڭ (ءتىلشى چيۋ چاۋ - ي). ءتىلشىنىڭ 7 - ايدىڭ 22 - كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگىنەن ۇعىسۋىنشا، الدىڭعى جارتى جىلدا بۇكىل ەل بويىنشا قالا - قالاشىقتاردا جاڭادان 6 ميلليون 950 مىڭ ادام جۇمىستانىپ، تۇتاس جىلدىق نىسانالىق مىندەتتىڭ %58 ى ورىندالعان.

بيىل جىل باسىنان بەرى ادام كۇشى بايلىعى جانە قوعامدىق قامتاماسىزداندىرۋ تاراۋلارى كوپ ءتۇرلى شارانى قاتار قولدانىپ، نەگىزىنەن ءتورت جاقتان كۇش سالىپ، ەلىمىزدىڭ جۇمىستانۋ جاعدايىنىڭ جالپى تۇلعالىق ورنىقتىلىعىن ساقتاۋىن ىلگەرىلەتتى. ناقتى مىنالاردى قامتيدى: نازاردى كاسىپورىنداردىڭ دامۋىن قولداۋعا شوعىرلاندىرىپ، ساياسات ارقىلى جۇمىس ورنىن ورنىقتىرۋعا، جۇمىس ورنىن كەڭەيتۋگە دەم بەردى؛ نازاردى جوعارى مەكتەپ بىتىرگەن وقۋشىلار سياقتى ءتۇيىندى قاۋىمعا شوعىرلاندىرىپ، جۇمىستانۋدى قولداۋ، قامتاماسىز ەتۋ تەبىنىن اناعۇرلىم ارتتىردى؛ نازاردى ەڭبەكشىلەردىڭ قابىلەتىن جوعارىلاتۋعا شوعىرلاندىرىپ، كاسىپتىك شەبەرلىككە باۋلۋدىڭ باعىتتامالىلىعىن، ناقتى ونىمدىلىگىن كۇشەيتتى؛ نازاردى ادام كۇشى بايلىعى جاعىنداعى قامداۋ مەن قاجەتسىنۋدى ۇشتاستىرۋعا شوعىرلاندىرىپ، جۇمىستانۋعا الەۋمەتتىك قىزمەت وتەۋ دەڭگەيىن جوعارىلاتتى.

الدىڭعى جارتى جىلدا جۇمىسسىزدىقتى قامسىزداندىرۋ اقى شاماسىن تومەندەتىپ، كاسىپورىنداردىڭ جۇمىسشى ىستەتۋ وزىندىك قۇنىن 90 ميلليارد يۋاننان استام ازايتىپ، 815 مىڭ كاسىپورىنعا 6 ميلليارد 200 ميلليون يۋان جۇمىس ورنىن ورنىقتىرۋ قارجىسىن تاراتىپ، تاربيەلەۋ سياقتى جۇمىستانۋدى جەبەۋ شىعىسىنا 11 ميلليارد 300 ميلليون يۋان قولداۋ كورسەتتى.

جۇمىستانۋدى ورنىقتىرۋ قىزمەتىن ۇزدىكسىز ويداعىداي ىستەۋ جونىندە، ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستانۋدىڭ ارتۋ مولشەرىن اشۋ، جەتىلدىرۋ، جۇمىستانۋدىڭ قازىرگى مولشەرىن ورنىقتىرۋدى قولداۋ، ءتۇيىندى قاۋىمعا دالمە - ءدال كومەكتەسۋ، قىزمەت وتەۋ كۋرسىن ساپالىلاندىرۋ، ادام كۇشى بايلىعى قىزمەت وتەۋ كاسىبىنىڭ جوعارى ساپالى دامۋىن جەبەۋ سياقتى 5 جاقتان كۇش سالادى.

بيىل ەلىمىزدە جوعارى مەكتەپ بىتىرگەن وقۋشىلاردىڭ كولەمى تاعى دا تاريحتاعى ەڭ جوعارى دەڭگەيگە كوتەرىلىپ، 12 ميلليون 220 مىڭ ادامعا جەتتى. ادام كۇشى بايلىعى جانە قوعامدىق قامتاماسىزداندىرۋ تاراۋلارى جۇمىستانۋعا قىزمەت وتەۋدەن قامال الۋدى جەتەكشى ەتىپ، وسى ءتۇيىندى قاۋىمنىڭ جۇمىستانۋىن، يگىلىك جاراتۋىن جەبەپ، قىزمەت وتەۋ تىزىمدىگىن شوعىرلى كورسەتۋ، دالمە - ءدال سۇيەمەلدەۋ، قىزمەت ورنى ينفورماتسياسىن شوعىرلى جەتكىزۋ، شوعىرلى تاربيەلەۋ، پراكتيكا جاساۋ، قيىنشىلىعى بارلارعا كومەكتەسۋ سياقتى قىزمەتتەردى ءتۇيىندى تۇردە ويداعىداي ىستەپ، جوعارى مەكتەپ بىتىرگەن وقۋشىلار سياقتى جاستاردىڭ ەرتە جۇمىستانۋىن، جاقسى جۇمىس تابۋىن بار كۇشپەن جەبەيدى (قاتىستى حابارلاردى «حالىق گازەتىنىڭ» 2 -، 10 - بەتتەرىنەن وقي الاسىزدار).

كونەنى جاڭاعا اۋىستىرىپ، تۇتىنۋدىڭ كومەسكى كۇشىن اشتى

بيىل جىل باسىنان بەرى 12 ۇلكەن تۇردەگى ءۇي ەلەكتر جابدىقتارىنىڭ كونەسىن جاڭاسىنا اۋىستىرۋ ءونىمى 109 ميلليون دانادان استى

«حالىق گازەتى»، 7 - ايدىڭ 22 - كۇنى، بەيجيڭ (ءتىلشى ۋاڭ كى). ءتىلشىنىڭ 7 - ايدىڭ 22 - كۇنى ساۋدا مينيسترلىگىنەن ۇعىسۋىنشا، بيىل جىل باسىنان بەرى ەلىمىزدىڭ تۇتىنۋ بۇيىمدارىنىڭ كونەسىن جاڭاسىنا اۋىستىرۋ ساياساتىنىڭ ونىمدىلىگى جاقسى بولىپ، تۇتىنۋ كومەسكى قۋاتى ۇزدىكسىز جارىققا شىعىپ، 66 ميلليوننان استام تۇتىنۋشىنىڭ 12 ءىرى تۇردەگى ءۇي ەلەكتر جابدىقتارىن ساتىپ الىپ، كونەسىن جاڭاسىنا اۋىستىرۋى 109 ميلليون دانادان اسىپ، 69 ميلليوننان استام تۇتىنۋشى قول تەلەفون سياقتى سيفرلى ونىمدەردەن 74 ميلليوننان استامىن ساتىپ العان، بۇكىل ەل بويىنشا 82 مىڭ ساتۋ دۇكەنى ەلەكترلى ۆەلوسيپەدتىڭ كونەسىن جاڭاسىنا اۋىستىرۋ قيمىلىن وتكىزىپ، جيىنى 9 ميلليون 56 مىڭ ەلەكترلى ۆەلوسيپەدتى جاڭاسىنا اۋىستىرعان.

مەملەكەتتىك ساناق مەكەمەسىنىڭ ساندى مالىمەتىنە قاراعاندا، الدىڭعى جارتى جىلدا ەلىمىزدىڭ تولايىم ساتۋ جانە بولشەك ساتۋ كاسىبىنىڭ ارتقان قۇنى 6 تريلليون 800 ميلليارد يۋان بولىپ، سايكەس مەزگىلدەگىدەن %5.9 ارتىپ، ىشكى ءوندىرىستىڭ جالپى قۇنىنداعى سالىستىرماسى %10.3 بولعان. تولايىم ساتۋ جانە بولشەك ساتۋ كاسىبىنىڭ دامۋى ورنىقتىلىق بارىسىندا جاقسارىپ، ىشكى سۇرانىمدى جان - جاقتى كەڭەيتۋگە، ەل ىشىندەگى ۇلكەن اينالىمدى كۇشەيتۋگە پارمەندى تىرەك ازىرلەگەن. الدىڭعى جارتى جىلدا تولايىم ساتۋ كاسىبىنەن قاراعاندا، ساۋدا مينيسترلىگى تاۋار بازارىمەن ءتۇيىندى تۇردە بايلانىس جاساعان ساۋدا سوماسى 2 تريلليون 800 ميلليارد يۋان بولعان؛ بولشەك ساتۋ كاسىبىنەن قاراعاندا، تاۋاردىڭ بولشەك ساتىلۋ سوماسى 21 تريلليون 800 ميلليارد يۋان بولىپ، سايكەس مەزگىلدەگىدەن %5.1 ارتقان.

قالا - اۋىل بازارى جاندانىپ، جولاۋشىلار اعىنىنىڭ تۇتىنۋى ورنىقتىلىق بارىسىندا جوعارىلادى. الدىڭعى جارتى جىلدا ساۋدا مينيسترلىگى ءتۇيىندى باقىلاعان بۇكىل ەلدەگى 50 جاياۋلار كوشەسىنىڭ (ساۋدا شەڭبەرىنىڭ) جولاۋشى مولشەرى، تيجارات سوماسى سايكەس مەزگىلدەگىدەن جەكە - جەكە %5.2، %3.4 ارتتى. قازىرگە دەيىن بۇكىل ەلدەگى 210 سىناق ءتۇيىنى رايونى حالىققا قولايلى 5510 تۇرمىس شەڭبەرىن قۇرىپ، الەۋمەتتىك اۋماق تۇرعىندارىنان 125 ميلليون ادامعا قىزمەت وتەدى. بۇكىل ەل بويىنشا اۋدان، اۋىل، قىستاقتاردا ءار تۇردەگى 155 مىڭ ساۋدا ءتۇيىنى قۇرىلدى جانە جاڭالاندى.

كەلۋ قاينارى: حالىق تورابى