ساياسي جاۋاپكەرشىلىكتى جاپپاي ناقتىلاندىرىپ، تاسقىننان ساقتانۋ شارالارىن ناقتى، ەگجەي - تەگجەيلى تياناقتاندىرىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىز ەتۋ كەرەك

شينحۋا اگەنتتىگى، 7 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاسقىننان ساقتانۋ، اپاتتان قۇتقارۋ قىزمەتى جونىندە ماڭىزدى نۇسقاۋ بەردى.

شي جينپيڭ بىلاي دەپ اتاپ كورسەتتى: تاياۋدا شىعىس جۇڭگو، سولتۇستىك جۇڭگو، شىعىس سولتۇستىك جۇڭگو سياقتى جەرلەردە ءۇرتىس نوسەر جاۋىپ، تاسقىن جانە گەولوگيالىق اپات تۋىلىپ، بەيجيڭ، حىبەي، جيلين، شاندۇڭ سياقتى جەرلەردە اۋىر ءولىم - ءجىتىم جانە مال - مۇلىك زيانى تۋىلدى. تاسقىننان ساقتانۋ، قاتەردەن اراشالاۋ، اپاتتان قۇتقارۋ قىزمەتتەرىن تىڭعىلىقتى ىستەپ، دەرەكسىز كەتكەندەردى بار كۇشپەن ىزدەپ، قۇتقارىپ، حاۋىپكە ۇشىراعان بۇقارانى باتىل كوشىرىپ ورنالاستىرىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك.

شي جينپيڭ بىلاي دەپ باسا دارىپتەدى: قازىر تاسقىننان ساقتانۋدىڭ 7 - ايدىڭ سوڭى، 8 - ايدىڭ باسى سىندى شەشۋشى كەزەڭىندە تۇرمىز، جەر - جەر جانە قاتىستى تاراۋلار تومەنگى شەكتە ويلاۋدى، شەكتى ويلاۋدى بەرىك ورناتىپ، ساياسي جاۋاپكەرشىلىكتى جاپپاي ناقتىلاندىرىپ، تاسقىننان ساقتانۋ شارالارىن ناقتى، ەگجەي - تەگجەيلى تياناقتاندىرىپ، ءالسىز بۋىندار مەن ءتۇيىندى ورىنداردى ءجىتى قاداعالاپ، مىقتاپ ساقتاپ، قۇتقارۋ كۇشتەرى مەن اپاتتان قۇتقارۋ زاتتىق ماتەريالدارىن عىلمي سەپتەپ، توسىن شۇعىل جاعداي تۋىلعاننان كەيىن دەر كەزىندە ءۇن قوسۋعا، دەر كەزىندە ءبىر جاقتى ەتۋگە شىنايى كەپىلدىك ەتىپ، حالىقتىڭ ءومىرى مەن مال - مۇلكىنىڭ حاۋىپسىزدىگىن بار كۇشپەن قامتاماسىزداندىرۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: بەيجيڭ قالاسى مييۇن رايونىندا نوسەر جاۋىپ، تاسقىن ءجۇرىپ، اۋىر ءولىم - ءجىتىم تۋىلدى، دەرەكسىز كەتكەندەردى بار كۇشپەن ىزدەپ قۇتقارىپ، اپاتقا ۇشىراعان بۇقارانى ۇيلەسىمدى ورنالاستىرىپ، ءولىم - ءجىتىمدى مۇمكىندىكتىڭ بارىنشا ازايتۋ كەرەك. تاياۋدا سولتۇستىك جۇڭگونىڭ ءىشىنارا رايوندارىندا ارت - ارتىنان نوسەر جاۋدى، مەملەكەتتىك تاسقىننان ساقتانۋ باس قولباسشىلىق شتابى قاتىستى جەرلەردىڭ نوسەر، تاسقىن اپاتىنان ساقتانۋدى، وعان توتەپ بەرۋدى ونان ارى كۇشەيتىپ، ەرەكشە اۋا رايىن باقىلاۋ - ولشەۋدى، ساقتاندىرۋدى ويداعىداي ىستەپ، وزەن - داريالاردى، سۋ قويمالارىن، توسپالاردى شارلاۋدى، قورعاۋدى جانە قالا ىشىندەگى تاسقىن اپاتىنىڭ كومەسكى قاتەرىن تەكسەرۋدى كۇشەيتىپ، حاۋىپ - قاتەر تونگەن جەردەگى بۇقارانى دەر كەزىندە جوتكەپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىزداندىرۋىنا جەتەكشىلىك ەتتى.