اسكەري ىستەر - عارىش قوسىنىنىڭ، ينتەرنەت كەڭىستىگى قوسىنىنىڭ، ينفورماتسيالىق كومەك قوسىنىنىڭ، بىرلەسكەن ارتقى شەپ قامتاماسىزداندىرۋ قوسىنىنىڭ ارميا تۋى ۇلگىسىن جاريالادى

شينحۋا اگەنتتىگى، 7 - ايدىڭ 31 - كۇنى، بەيجيڭ. ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويىپ، اسكەري ىستەر - عارىش قوسىنىنىڭ، ينتەرنەت كەڭىستىگى قوسىنىنىڭ، ينفورماتسيالىق كومەك قوسىنىنىڭ، بىرلەسكەن ارتقى شەپ قامتاماسىزداندىرۋ قوسىنىنىڭ ارميا تۋى ۇلگىسىن جاريالادى ءارى 1 - تامىز ارميا مەرەكەسى قارساڭىندا بارشا حالىق ازاتتىق ارمياسىنىڭ كوماندير - جاۋىنگەرلەرىن، قارۋلى ساقشى بولىمدەرىنىڭ وفيتسەر - اسكەرلەرىن، ارميانىڭ اكىمشىلىك قىزمەتكەرلەرىن، زاپاستاعى حالىق جاساقتارىن مەرەكە بايلانىسىمەن قۇتتىقتادى.

وسى رەت جاريالانعان اسكەر ءتۇرى ارميا تۋلارى 1 - تامىز ارميا تۋىن نەگىز ەتىپ جوبالانىپ، پارتيانىڭ ارمياعا مىزعىماس باسشىلىعىن تولىق ايگىلەدى، حالىق ارمياسىنىڭ باستان - اياق وسكەلەڭ شوعىرلانعان بىرلىگىن، اياق الىستى بىرلىككە كەلتىرىپ العا ىلگەرىلەۋىن بەينەلەدى، تۋ نۇسقالارى ارميا تۇرىندەگى ارميا تۋىنىڭ جوعارى - تومەن بولۋ، ەرەكشە ولشەم بويىنشا ءبولۋ نەگىزگى نۇسقاسىن جالعاستىرىپ، سايكەستى اسكەر ءتۇرى سالاسىنداعى ەرەكشەلىككە يە نۇسقالاردى تاڭداپ، ستراتەگيالىق اسكەر ءتۇرىنىڭ ورنىن بارىنشا كۇشەيتىپ، اسكەري قوسىنداردىڭ داڭق سەزىمى مەن بورىشتىلىق سەزىمىن تاسقىنداتتى. اسكەر تۇرلەرى ارميا تۋىنىڭ جاريالانۋى ارميامىزدىڭ 1 - تامىز ارميا تۋى جانە قۇرلىق ارمياسىنىڭ، تەڭىز ارمياسىنىڭ، اۋە ارمياسىنىڭ، راكەتا ارمياسىنىڭ ارميا تۋى، اسكەري ىستەر - عارىش قوسىنى، ينتەرنەت كەڭىستىگى قوسىنى، ينفورماتسيالىق كومەك قوسىنى، بىرلەسكەن ارتقى شەپ قامتاماسىزداندىرۋ قوسىنى ارميا تۋىنان قالىپتاسقان جاڭا عاسىرداعى حالىق ارمياسىنىڭ ارميا تۋى جۇيەسىنىڭ قۇرىلعاندىعىن ايگىلەپ، قالىڭ كوماندير - جاۋىنگەرلەردى ارميا قۇرۋدىڭ 100 جىلدىعى كۇرەس نىساناسىن ۋاعىندا جۇزەگە اسىرۋ، حالىق ارمياسىن دۇنيە جۇزىندەگى ماڭداي الدى ارميا ەتىپ جەدەل قۇرىپ شىعۋ جولىندا قاجىماي - تالماي كۇرەس جۇرگىزۋگە شابىتتاندىرىپ، ارميا تۋىنا تىڭ شۇعىلا قوستى. اسكەر تۇرلەرىنىڭ ارميا تۋى 2025 - جىلى 8 - ايدىڭ 1 - كۇنىنەن باستاپ ىسكە قوسىلادى.

ارميا تۋى جۇيەسىنىڭ دامۋ قاجەتىنە ۇيلەسۋ ءۇشىن، ورتالىق اسكەري ىستەر كوميتەتى تاعى «ارميا تۋىن باسقارۋ بەلگىلەمەسىنە (سىناق رەتىندە اتقارىلاتىن نۇسقاسى)» وزگەرىس ەنگىزۋ جونىندەگى قاۋلىنى جاريالاپ، ارميا تۋىنىڭ ءتۇرى، قۇرىلىمى، پايدالانۋ ۋاقىتى مەن ورنى سياقتىلارعا وزگەرىس ەنگىزىپ، ارميا تۋىن باسقارۋدى ارناعا ءتۇسىرۋدى، ارميا تۋىنىڭ بەدەلىن قورعاۋدى زاڭمەن باسقارۋ جاعىنان قامتاماسىزداندىردى.