مەملەكەتتىك ەكولوگيالىق ورتانى قورعاۋ ماجىلىسىندە سويلەنگەن ءسوز

شينحۋا اگەنتتىگى، 7 - ايدىڭ 31 - كۇنى، بەيجيڭ. 8 - ايدىڭ 1 - كۇنى باسپادان شىعاتىن «ىزدەنۋ» جۋرنالىنىڭ 15 - سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ 2023 - جىلى 7 - ايدىڭ 17 - كۇنگى «مەملەكەتتىك ەكولوگيالىق ورتانى قورعاۋ ءماجىلىسىندە سويلەنگەن ءسوزى» جاريالانادى.

ماقالادا بىلاي دەپ باسا دارىپتەلدى: پارتيانىڭ 18 - قۇرىلتايىنان بەرى ءبىز ەكولوگيالىق وركەنيەت قۇرىلىسىن جۇڭحۋا ۇلتىنىڭ باياندى دامۋىنا ساياتىن ءتۇبىرلى ۇلى جوسپار ەتىپ، ءبىرقىدىرۋ جاسامپازدىق قىزمەت ورىستەتتىك، بەكىمنىڭ مىعىم، سەرپىنىنىڭ كۇشتى، ونىمدىلىكتىڭ زور بولۋى بۇرىن بولماعان دەڭگەيگە جەتتى، ەكولوگيالىق وركەنيەت قۇرىلىسىندا نازاريادان امالياتقا دەيىن تاريحي سيپاتتى، بۇرىلىستىق، جالپى جاعدايلىق وزگەرىستەر جارىققا شىقتى، ءتۇيىندى جونگە سالۋدان جۇيەلى جونگە سالۋعا، ىرىقسىز توتەپ بەرۋدەن ىرىقتىلىقپەن ءىس تىندىرۋعا، دۇنيە جۇزىلىك قورشاعان ورتانى جونگە سالۋعا قاتىناسۋشىدان باستاۋشىعا، امالياتتىق ىزدەنىستەن عىلمي نازاريانىڭ جەتەكشىلىگىنە دەيىنگى كەلەلى بۇرىلىستى جۇزەگە اسىردىق. جاڭا داۋىردەگى ەكولوگيالىق وركەنيەت قۇرىلىسىنىڭ تابىستارى دۇنيە ءجۇزىن جالت قاراتتى، بۇل جاڭا داۋىردەگى پارتيا مەن مەملەكەت ىستەرىندە تاريحي تابىسقا قول جەتكىزۋدىڭ، تاريحي وزگەرىس تۋىلۋىنىڭ كورنەكتى بەلگىسىنە اينالدى.

ماقالادا بىلاي دەپ اتاپ كورسەتىلدى: ەلىمىزدىڭ ەكونوميكالىق، قوعامدىق دامۋى جاسىل، تومەن كومىرتەكتى جوعارى ساپالى دامۋ كەزەڭىنە ءوتتى، ەكولوگيالىق وركەنيەت قۇرىلىسى ءالى دە قىسىم قاباتتاسقان، اۋىر جۇك ارقالاپ العا ىلگەرىلەگەن شەشۋشى كەزەڭدە تۇر. جاڭا جورىقتا ەكولوگيالىق وركەنيەت قۇرىلىسىن ۇزدىكسىز ىلگەرىلەتۋ بىرنەشە كەلەلى قاتىناستى ءبىر جاقتى ەتۋدى قاجەت ەتەدى.

ءبىرىنشى، جوعارى ساپالى دامۋ مەن جوعارى دەڭگەيدە قورعاۋدىڭ قاتىناسى. ادام مەن تابيعاتتىڭ جاراسىمدىلىعى تۇرعىسىنان دامۋدى جوسپارلاپ، جوعارى دەڭگەيدە قورعاۋ ارقىلى دامۋدىڭ جاڭا قوزعاۋشى كۇشىن، جاڭا باسىمدىعىن ۇزدىكسىز سومداپ، دامۋدىڭ كومەسكى كۇشى مەن تەبىنىن ۇزدىكسىز كۇشەيتۋ كەرەك. ەكىنشى، ءتۇيىندى قامال الۋ مەن سەلبەسىپ جونگە سالۋدىڭ قاتىناسى.

جۇيە كوزقاراسىنا تاباندى بولىپ، باستى قايشىلىق پەن قايشىلىقتىڭ باستى جاعىن يگەرىپ، كورنەكتى ەكولوگيالىق ورتا ماسەلەلەرىنە پارمەندى شارا قولدانۋمەن بىرگە، نىسانانى، كوپ لاستاۋشى زاتتى، تاراۋلاردى، وڭىرلەردى، ساياساتتاردى سايكەستىرۋدى كۇشەيتىپ، ءتۇرلى قىزمەتتەردىڭ جۇيەلىلىگىن، تۇتاستىعىن، سايكەسىمدىلىگىن ۇزدىكسىز كۇشەيتۋ كەرەك. ءۇشىنشى، تابيعي قالپىنا كەلتىرۋ مەن جاساندى جولمەن قالپىنا كەلتىرۋدىڭ قاتىناسى. تابيعي قالپىنا كەلتىرۋ مەن جاساندى جولمەن قالپىنا كەلتىرۋدى ورگانيكالى ۇشتاستىرىپ، ۋاقىتقا، وڭىرگە قاراي تۇرلەرگە ءبولىپ شارا قولدانىپ، ەكولوگيانى قورعاۋدىڭ، قالپىنا كەلتىرۋدىڭ ەڭ تاماشا شەشۋ جوباسىن قۇلشىنا تابۋ كەرەك. ءتورتىنشى، سىرتقى تەجەم مەن ىشكى قوزعاۋشى كۇشتىڭ قاتىناسى. تۇتاس قوعامنىڭ ەكولوگيالىق ورتانى بىرگە قورعاۋداعى ىشكى قوزعاۋشى كۇشىن تاسقىنداتىپ، ەڭ قاتاڭ ءتۇزىم، ەڭ قاتاڭ زاڭمەن جونگە سالۋ ارقىلى ەكولوگيالىق ورتانى قورعاۋعا باستان - اياق تاباندى بولىپ، ۇدايىلانعان سىرتقى قىسىمدى ساقتاۋ كەرەك. بەسىنشى، ”قوس كومىرتەگى“ ۋادەسى مەن دەربەس ارەكەتتىڭ قاتىناسى. ءبىز ۋادە بەرگەن ”قوس كومىرتەگى“ نىساناسىنان جازبايمىز، ءبىراق وسى نىساناعا جەتۋدىڭ جولى مەن ءتاسىلىن، ريتىمى مەن تەبىنىن ءوزىمىز بەلگىلەۋگە ءتيىسپىز، وونىڭ ۇستىنە، ءسوزسىز، باسقالاردىڭ ىرقىمەن جۇرمەۋىمىز كەرەك.

ماقالادا بىلاي دەپ اتاپ كورسەتىلدى: كورىكتى جۇڭگو قۇرىلىسى ارقىلى ادام مەن تابيعات جاراسىمدى قاتار ءومىر سۇرەتىن وسىزامانداندىرۋدى جاپپاي ىلگەرىلەتۋ كەرەك. ءبىرىنشى، لاستانۋدان ساقتانۋ جانە ونى جونگە سالۋدان قامال الۋ شايقاسىن ۇزدىكسىز ىشكەرىلەي جۇرگىزۋ كەرەك. لاستانۋدى دالمە - ءدال جونگە سالۋعا، لاستانۋدى عىلمي جونگە سالۋعا، لاستانۋدى زاڭ بويىنشا جونگە سالۋعا تاباندى بولىپ، سەرپىندى ساقتاپ، تەرەڭدىكتى كەڭەيتىپ، قورشاعان ورتانىڭ لاستانۋىنان ساقتانۋ جانە ونى جونگە سالۋدى ىشكەرىلەي ىلگەرىلەتىپ، ەكولوگيالىق ورتانىڭ ساپاسىن ۇزدىكسىز جاقسارتۋ كەرەك.

ەكىنشى، دامۋ ءتاسىلىن جاسىل، تومەن كومىرتەكتى تيپكە وزگەرتۋدى جەدەل ىلگەرىلەتۋ كەرەك. جاسىل، تومەن كومىرتەكتى دامۋدى ەكولوگيالىق ورتا ماسەلەسىن شەشۋدىڭ نەگىزى ەتۋگە تاباندى بولىپ، جاسىل ءوندىرىس ءتاسىلى مەن تۇرمىس ءتاسىلىن جەدەل قالىپتاستىرىپ، جوعارى ساپالى دامۋدىڭ جاسىل ءتۇسىن بەكەمدەۋ كەرەك. ءۇشىنشى، ەكولوگيالىق جۇيەنىڭ الۋان تۇرلىلىگىن، ورنىقتىلىعىن، تۇراقتىلىعىن كۇش سالا جوعارىلاتۋ كەرەك. مەملەكەتتىڭ ەكولوگيالىق حاۋىپسىزدىگىن قورعاۋ، جۇڭحۋا ۇلتىنىڭ باياندى دامۋىنا جانە ادامزات وركەنيەتىنە جاۋاپتى بولۋ تۇرعىسىندا تۇرىپ، ەكولوگيانى قورعاۋدى جانە قالپىنا كەلتىرۋدى كۇشەيتىپ، ۇرپاقتارعا تاۋى جاسىل، سۋى تۇنىق ەكولوگيالىق كەڭىستىك قالدىرۋ كەرەك. ءتورتىنشى، كومىر قىشقىل گازىنىڭ شىعارىلۋىن جوعارى مانگە جەتكىزۋدى، كومىر قىشقىل گازىن بەيتاراپتاندىرۋدى بەلسەنە، ورنىقتى ىلگەرىلەتىپ، بۇكىل ەل بويىنشا ءبىر تۇتاس جوسپارلاۋ، ۇنەمشىلدىكتى الدىڭعى ورىنعا قويۋ، قوس تەگەرشىكپەن جەبەۋ، ءىش پەن سىرت ىركىلسسىز بولۋ، حاۋىپ - قاتەردەن ساقتانۋ پرينسيبىنە تاباندى بولىپ، كومىر قىشقىل گازىنىڭ شىعارىلۋىن جوعارى مانگە جەتكىزۋ، كومىر قىشقىل گازىن بەيتاراپتاندىرۋ جانە ”1+N“ ساياسات جۇيەسىن ويداعىداي تياناقتاندىرۋ كەرەك. بەسىنشى، كورىكتى جۇڭگو قۇرىلىسىنىڭ حاۋىپسىزدىك تومەنگى شەگىن بەرىك ساقتاۋ كەرەك. جالپى تۇلعالىق مەملەكەت حاۋىپسىزدىگى كوزقاراسىن دايەكتىلەندىرىپ، ءتۇرلى حاۋىپ - قاتەر مەن سىن - سايىسقا بەلسەنە، ءونىمدى توتەپ بەرىپ، ءبىزدىڭ ءومىر سۇرۋدە، دامۋدا سۇيەنەتىن جاراتىلىستىق ورتامىز مەن شارت - جاعدايىمىزدىڭ حاۋىپ - قاتەرگە جانە بۇلدىرۋگە ۇشىراماۋىن قامتاماسىز ەتۋىمىز كەرەك. التىنشى، كورىكتى جۇڭگو قۇرىلىسىن قامتاماسىز ەتۋ جۇيەسىن اقاۋسىزداندىرۋ كەرەك. ءار سالاداعى بايلىقتى ءبىر تۇتاس جوسپارلاپ، ءار جاقتىڭ كۇشىن توپتاپ، زاڭمەن جونگە سالۋ، بازار، عىلىم - تەحنيكا، ساياسات سىندى ”كەشەندى شارالاردى“ ويداعىداي اتقارىپ، كورىكتى جۇڭگو قۇرىلىسىن نەگىزدىك تىرەكپەن جانە پارمەندى كەپىلمەن قامداۋ كەرەك.

ماقالادا بىلاي دەپ باسا دارىپتەلدى: كورىكتى جۇڭگو قۇرۋ − جاپپاي سوتسياليستىك وسىزاماندانعان مەملەكەت قۇرۋدىڭ ماڭىزدى نىساناسى، ءسوز جوق، پارتيانىڭ جاپپاي باسشىلىعىنا تاباندى بولۋ جانە ونى كۇشەيتۋ كەرەك. جەر - جەر، تاراۋلار جاۋاپكەرلىك سەزىمدى، بورىشتىلىق سەزىمدى ۇزدىكسىز كۇشەيتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرۋى كەرەك. ورتالىقتىڭ ەكولوگيالىق ورتانى قورعاۋدى باقىلاۋ - تەكسەرۋىنىڭ وتكىر سەمسەرلىك رولىن ۇزدىكسىز ساۋلەلەندىرۋ كەرەك.