دەرەكسىز كەتكەندەردى ءار ءتۇرلى ءادىس - شارامەن ىزدەپ - قۇتقارىپ، تاسقىننان ساقتانۋ، اپاتتان قۇتقارۋدىڭ ءتۇرلى قىزمەتتەرىن باعىتتامالى تۇردە ويداعىداي ىستەپ، بۇقارانىڭ تاسقىننان امان - ەسەن وتۋىنە شىنايى كەپىلدىك ەتۋ كەرەك

شينحۋا اگەنتتىگى، 8 - ايدىڭ 8 - كۇنى، بەيجيڭ. 8 - ايدىڭ 7 - كۇنىنەن بەرى گانسۋدىڭ لانجوۋ قالاسى يۇيجۇڭ اۋدانى سياقتى جەرلەردە ءۇرتىس نوسەر جاۋىپ، تاسقىن اپاتى تۋىلىپ، 8 - ايدىڭ 8 - كۇنى ساعات 15 تەن 30 مينۋت وتكەنگە دەيىن 10 ادام قازا بولىپ، 33 ادام دەرەكسىز كەتتى.

اپات تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ، بىلاي دەپ اتاپ كورسەتتى: گانسۋدىڭ لانجوۋ قالاسى يۇيجۇڭ اۋدانى سياقتى جەرلەردە ءۇرتىس نوسەر جاۋىپ، تاسقىن اپاتى تۋىلىپ، اۋىر ءولىم - ءجىتىم تۋىلدى. كەزەكتەگى شۇعىل مىندەت دەرەكسىز كەتكەندەردى ءار ءتۇرلى ءادىس - شارامەن ىزدەپ، قۇتقارىپ، حاۋىپكە ۇشىراعان بۇقارانى كوشىرىپ ورنالاستىرىپ، ءولىم - ءجىتىمدى مۇمكىندىكتىڭ بارىنشا ازايتۋ، حابارلاسۋ مەن قاتىناستى تەز ارادا قالپىنا كەلتىرۋ. تاياۋدان بەرى، ناشار اۋا رايى كوپ تۋىلۋ سياقتى جاعدايلارعا مەڭزەس، وڭىرلەر جانە قاتىستى تاراۋلار بەيعامدىققا سالىنۋ يدەياسىن باتىل جەڭىپ، حاۋىپ - قاتەردەن الدىن الا مالىمەت بەرۋدى، ساقتاندىرۋدى كۇشەيتىپ، كومەسكى قاتەرلەردى ءبىر - بىردەن تەكسەرۋدى، جونگە سالۋدى كۇشەيتىپ، شۇعىل جاعدايعا توتەپ بەرۋ بويىنشا كەزەكشىلىكتى كۇشەيتىپ، تاسقىننان ساقتانۋ، اپاتتان قۇتقارۋ قىزمەتتەرىن باعىتتامالى تۇردە ويداعىداي ىستەپ، بۇقارانىڭ تاسقىن مەزگىلىنەن امان - ەسەن وتۋىنە شىنايى كەپىلدىك ەتۋى كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ، بىلاي دەپ اتاپ كورسەتتى: دەرەكسىز كەتكەن، قامالىپ قالعان ادامداردى جەدەل تەكسەرىپ، ىزدەپ قۇتقارىپ، قاتەردەن اراشالاۋ، قۇتقارۋ - كومەكتەسۋ قىزمەتىن بار كۇشپەن ورىستەتىپ، حابارلاسۋ، قاتىناس سياقتى بۇلىنگەن قۇرىلعىلاردى تەز ارادا قالپىنا كەلتىرىپ، اپاتقا ۇشىراعان بۇقارانى دەر كەزىندە كوشىرىپ ورنالاستىرۋ كەرەك. قازىر ءالى دە 7 - ايدىڭ سوڭى مەن 8 - ايدىڭ باسىنداعى تاسقىننان ساقتانۋدىڭ شەشۋشى مەزگىلى، مەملەكەتتىك تاسقىننان ساقتانۋ، قۋاڭشىلىققا قارسى اتتانۋ باس قولباسشىلىق شتابى جەر - جەردىڭ، قاتىستى جاقتاردىڭ قىراعىلىقتى ونان ارى جوعارىلاتىپ، جاۋاپكەرشىلىكتى تياناقتاندىرۋىنا، جاۋىن - شاشىن، تاسقىن جاعدايىن باقىلاۋ - ولشەۋدى، ساقتاندىرۋدى جانە اپاتتان ساقتانۋدى، وعان توتەپ بەرۋدى كۇشەيتىپ، ءولىم - ءجىتىمدى مۇمكىندىكتىڭ بارىنشا ازايتۋعا جەتەكشىلىك ەتۋى كەرەك.

شي جينپيڭنىڭ ماڭىزدى نۇسقاۋى مەن لي چياڭنىڭ تالابىنا ساي شۇعىل جاعدايعا توتەپ بەرۋدى باسقارۋ مينيسترلىگى قىزمەت گرۋپپاسىن ناقتى ورىنعا جىبەرىپ، ىزدەۋ - قۇتقارۋ قىزمەتىنە جەتەكشىلىك ەتتى، گانسۋ ولكەلىك پارتكومداعى نەگىزگى جاۋاپتى جولداستار ناق مايداندا قاتەردەن اراشالاۋ، اپاتتان قۇتقارۋ قىزمەتىنە قولباسشىلىق ەتتى. قازىر ءتۇرلى قىزمەتتەر قاربالاس، ءتارتىپتى جۇرگىزىلۋدە.