شي جينپيڭ رەسەي زۇڭتۇڭى پۋتينمەن تەلەفوندا سويلەستى

شينحۋا اگەنتتىگى، 8 - ايدىڭ 8 - كۇنى، بەيجيڭ. 8 - ايدىڭ 8 - كۇنى مەملەكەت ءتوراعاسى شي جينپيڭ ۋادە بويىنشا رەسەي زۇڭتۇڭى پۋتينمەن تەلەفوندا سويلەستى.

پۋتين رەسەي جاقتىڭ ۋكراينا داعدارىسىنىڭ قازىرگى جاعدايى جونىندەگى كوزقاراسىن جانە رەسەي مەن امەريكانىڭ تاياۋدان بەرگى بارىس - كەلىس جاساۋ، تىلدەسۋ جاعدايىن تانىستىرىپ، مىنالاردى ءبىلدىردى: رەسەي جاق جۇڭگو جاقتىڭ داعدارىستى ساياسي جولمەن شەشۋدە اتقارعان سىندارلى رولىن بارىنشا القايدى. رەسەي مەن جۇڭگونىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسى ءارقانداي جاعدايدا وزگەرمەيدى، رەسەي جاق جۇڭگو جاقپەن ۇزدىكسىز تىعىز بايلانىستى ساقتاۋدى قالايدى.

شي جينپيڭ جۇڭگو جاقتىڭ پرينسيپتىك تۇرعىسىن بايىمداپ، مىنالاردى اتاپ كورسەتتى: كۇردەلى ماسەلەلەردى شەشۋدىڭ قاراپايىم ءادىسى جوق. جاعداي مەيلى قالاي وزگەرسە دە، جۇڭگو جاق دايەكتى تۇرعىدان، تاتۋلاسۋعا ءناسيحاتتاۋدان، كەڭەسۋدى جەبەۋدەن جازبايدى. جۇڭگو جاق رەسەي مەن امەريكا ەكى جاقتىڭ بايلانىستى ساقتاپ، ءوزارا قارىم - قاتىناستى جاقسارتىپ، ۋكراينا داعدارىسىن ساياسي جولمەن شەشۋ اياق الىسىن ىلگەرىلەتۋىن قۋانا كورۋدى قالايدى.

ەكى ەلدىڭ مەملەكەت باسشىلارى جۇڭگو مەن رەسەيدىڭ جوعارى دەڭگەيدەگى ساياسي ءوزارا سەنىمدىلىگى مەن ستراتەگيالىق سەلبەستىگىنە بەلسەندى باعا بەرىپ، ەكى ەل قارىم - قاتىناسىنىڭ اناعۇرلىم زور دامۋعا قول جەتكىزۋىن بىرگە ىلگەرىلەتۋگە ءبىر اۋىزدان قوسىلدى. ەكى جاق تىزە قوسا سەلبەسىپ، شاڭحاي سەلبەستىك ۇيىمىنىڭ تيانجين باسشىلار ماجىلىسىنە ويداعىداي دايىندالىپ، ءبىر كەزەك دوسجار، ىنتىماقتى، تابىسى مول باسشىلار ءماجىلىسىن وتكىزىپ، شاڭحاي سەلبەستىك ۇيىمىنىڭ جوعارى ساپالى دامۋدى جۇزەگە اسىرۋىن ىلگەرىلەتەدى.

كەلۋ قاينارى: حالىق تورابى