شي جينپيڭ مەن حانىمى كامبودجانىڭ پاتشاسى سيحاموني جانە پاتشايىمى مونيلەمەن كەزدەستى

8 - ايدىڭ 26 - كۇنى تۇستەن بۇرىن مەملەكەت ءتوراعاسى شي جينپيڭ مەن حانىمى پىڭ لييۋان بەيجيڭدەگى جۇڭنانحايدا كامبودجانىڭ پاتشاسى سيحامونيمەن جانە پاتشايىمى مونيلەمەن كەزدەستى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 8 - ايدىڭ 26 - كۇنى، بەيجيڭ. 8 - ايدىڭ 26 - كۇنى تۇستەن بۇرىن مەملەكەت ءتوراعاسى شي جينپيڭ مەن حانىمى پىڭ لييۋان جۇڭنانحايدا كامبودجانىڭ پاتشاسى سيحامونيمەن جانە پاتشايىمى مونيلەمەن ىقىلاسپەن كەزدەستى.

شي جينپيڭ سيحاموني پاتشا مەن مونيلە پاتشايىمنىڭ جۇڭگوعا تاعى كەلگەندىگىن قىزۋ قارسى الدى، سونداي - اق سيحاموني پاتشانىڭ جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋىن قارسى الدى. شي جينپيڭ مىنالاردى ءبىلدىردى: بيىل 4 - ايدا مەن كامبودجادا مەملەكەتتىك ساپاردا بولىپ، مارتەبەلى پاتشا مەن كامبودجا حالقىنىڭ ىستىق ىقىلاستى كۇتىپ الۋىنا يە بولدىم، ەسىمە السام، كۇنى كەشەگىدەي توتەنشە ىقىلاستى سەزىنىپ كەلەمىن. جۇڭگو - كامبودجا قارىم - قاتىناسى حالىقارالىق اۋمالى - توكپەلى جاعدايدى باستان كەشىرىپ، تار جول، تايعاق كەشۋلەردى بىرگە وتكەرەتىن قۇرىش دوستىق ورناتىپ، ەكى ەل حالقىنىڭ باعالى بايلىعىنا اينالدى، بۇل ەكى جاقتىڭ بارىنشا قاستەرلەۋىنە تاتيدى. قىم - قۋىت حالىقارالىق جاعداي الدىندا، جۇڭگو مەن كامبودجا اناعۇرلىم تاباندىلىقپەن بىرگە تۇرىپ، ءداستۇرلى دوستىقتى جالعاستىرىپ، ىنتىماقتى، سەلبەستىكتى كۇشەيتىپ، جاڭا داۋىردەگى بارلىق جاعدايدا بىردەي جۇڭگو - كامبودجا تاعدىرلاس ورتاق تۇلعاسىن جەدەل قۇرىپ، ەكى ەل حالقىنا اناعۇرلىم كوپ باقىت جاراتۋى كەرەك. جۇڭگو جاق كامبودجا حالقىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرىپ، مەملەكەتتىڭ باياندى تىنىشتىعىن جۇزەگە اسىرۋىن باتىل قولدايدى.

سيحاموني مەن مونيلە مىنالاردى ءبىلدىردى: جۇڭگوعا تاعى دا كەلگەنىمىزگە ءارى ۇسىنىس بويىنشا جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسقانىمىزعا توتەنشە قۋانىشتامىز، جۇڭگو حالقى دۇنيە ءجۇزىنىڭ بەيبىتشىلىگىن قورعاۋعا كەلەلى ۇلەس قوستى، بۇل ماڭگى ەستە ساقتاۋعا تاتيدى. ءتوراعا شي جينپيڭ 4 - ايدا كامبودجادا تاريحي مەملەكەتتىك ساپاردا بولدى، ەكى جاق دوستىقتى اقتارىلا اڭگىمەلەپ، سەلبەستىكتى بىرگە اقىلداسىپ، ماڭىزدى تابىستارعا قول جەتكىزدىك. كامبودجا جاق كامبودجا - جۇڭگو قارىم - قاتىناسىنا باستان - اياق ستراتەگيالىق تۇرعىدان مامىلە جاسايدى، كامبود مەن جۇڭگونىڭ ءداستۇرلى دوستىق قارىم - قاتىناسىن ساۋلەلەندىرىپ، جاڭا داۋىردەگى بارلىق جاعدايدا بىردەي كامبود - جۇڭگو تاعدىرلاس ورتاق تۇلعاسىن بىرگە قۇرۋدى قالايمىز.

ۋاڭ ي كەزدەسۋدە بىرگە بولدى.

كەلۋ قاينارى: حالىق تورابى