گۇيجوۋ سيفرلى ەكونوميكانى ۇزدىكسىز كۇشەيتتى، ساپالىلاندىردى

3 توپ ساندى مالىمەت گۇيجوۋدىڭ سيفرلى ەكونوميكانىڭ جاڭا ورايىن مىقتى يگەرۋدە ۇزدىكسىز قۇلشىنۋىنا كۋا بولدى:

ادام بالاسى ءبىر رەت كىرپىك قاعۋعا 100 دە 400 ميللي سەكۋند ۋاقىت كەتەدى، ال گۇيجوۋدىڭ گۇيياڭىنان گۋاڭدۇڭنىڭ گۋاڭجوۋىنا ساندى مالىمەتتەردى جەتكىزۋگە 10 ميللي سەكۋند قانا ۋاقىت كەتەدى؛

24 ءتۇيىندى كاسىپ سالاسى 100 گە جۋىق ۇلكەن مودەلدىڭ قولدانىلۋ جاعدايىن قالىپتاستىردى، الداعى 3 جىلدا تاعى 500 دەن استام مودەل تىڭنان قوسىلادى؛

2024 - جىلى بۇكىل ولكەنىڭ جۇمساق بولشەك جانە ينفورماتسيا تەحنيكاسى قىزمەت وتەۋ كاسىبىنىڭ كىرىسى 100 ميلليارد يۋاننان اسىپ، سيفرلى ەكونوميكانىڭ ارتۋ قارقىنى ءۇرتىس 9 جىل بۇكىل ەل بويىنشا الدىڭعى قاتارعا ءوتتى.

2021 - جىلى 2 - ايدا باس شۋجي شي جينپيڭ گۇيجوۋعا بارىپ قىزمەت تەكسەرىپ، تەكسەرۋ - زەرتتەۋ جۇرگىزىپ، گۇيجوۋدىڭ ”سيفرلى ەكونوميكا ستراتەگياسىن اتقارۋدا جاڭا ورايعا قول جەتكىزۋىن“ ءۇمىت ەتتى. بيىل 3 - ايدا باس شۋجي شي جينپيڭ گۇيجوۋ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداعاندا بىلاي دەپ اتاپ كورسەتتى: ”سيفرلى ەكونوميكا، جاڭا ەنەرگيا سياقتى كاسىپ سالالارىن كۇشەيتۋ، ساپالىلاندىرۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن جەتەكشى ەتكەن گۇيجوۋ نازاردى ەسەپتەۋ قۋاتىنا، ساندى مالىمەتكە، قولدانۋعا، كاسىپ سالاسىنا شوعىرلاندىرىپ، سيفرلى ەكونوميكانى ۇزدىكسىز كۇشەيتىپ، ساپالىلاندىرىپ، سيفرلى ەكونوميكانى دامىتۋدا جاڭالىق اشۋ رايونىن جوعارى ساپامەن قۇرىپ، سيفرلى اقىل - پاراسات ارقىلى قوعامدى جونگە سالۋعا، تۇرمىسقا قىزمەت وتەۋگە، كاسىپ سالاسى دارەجەسىن جوعارىلاتۋعا جەتەكشىلىك ەتۋدى تەرەڭدەتتى.

اقىل - پاراسات ەسەپتەۋ تۇعىرىن بەكەمدەپ، ەسەپتەۋ قۋاتى بيىگىن قالىپتاستىردى.

شوفەرسىز شاعىن اۆتوبۋز كەسكىن ءتۇسىرۋ اپپاراتى، لازەرلى رادار، ۋلترا دىبىس تولقىنى رادارى سياقتى جالپىلىق سەزۋ جۇيەسىنەن پايدالانىپ، جۇرگىنشى، اۆتوموبيل، قىزىل، جاسىل شىراق سياقتى جول ينفورماتسيالارىنا دالمە - ءدال يە بولىپ، اۆتوماتتى جۇرگىزۋدى جۇزەگە اسىردى.

”وسى اۆتوبۋزعا ورناتىلعان چيپ سەكۋندىنا ءبىر تريلليون رەت جىلجىمالى نۇكتەلىك ەسەپتەۋ جۇرگىزە الادى، توسىن جاعدايعا تاپ بولعاندا 10 ميللي سەكۋند ىشىندە مەڭگەرۋ ارەكەتىن جاساي الادى“. گۇيجوۋ حانكايسى زەردەلى تەحنيكا شەكتى سەرىكتەستىگىنىڭ ينجەنەرى ۋ ي - حۇي تانىستىرىپ بىلاي دەدى: وسى شاعىن اۆتوبۋز 30 نەشە مەملەكەت پەن رايونعا ساتىلۋدا.

ەسەپتەۋ قۋاتى − سيفرلى ەكونوميكانىڭ نەگىزى. قازىر گۇيجوۋدا سالىنىپ جاتقان جانە ىسكە قوسىلعان ءتۇيىندى ساندى مالىمەت ورتالىعى 49 بولىپ، ەسەپتەۋ قۋاتىنىڭ كولەمى سەكۋندىنا 860 ميلليارد رەتتەن (EFLOPS) اسىپ، اقىل - پاراسات ەسەبىنىڭ ۇستايتىن سالىستىرماسى، ەلىمىزدە ءوندىرىلۋ شاماسى، وڭىرلىك شوعىرلانۋ دارەجەسى تۇگەلدەي %90 تەن اسىپ، بۇكىل ەلدەگى اقىل - پاراسات ەسەپتەۋ قۋاتى ەڭ كۇشتى، اقىل - پاراسات بايلىعى ەڭ كوپ رايونداردىڭ بىرىنە اينالدى.

بىلتىر 11 - ايدا گۇيجوۋ ەسەپتەۋ دوكۋمەنتىن باسقارۋ ءادىسىن جاريالاپ، ەلىمىزدە وندىرىلگەن ەسەپتەۋ قۋاتىنا ۇيلەسىمدى قىزمەت وتەۋدى، مودەل جاتتىعۋىنا قىزمەت وتەۋدى ساياساتتىق شابىتتاندىرۋ كولەمىنە ەنگىزدى. 6 - ايدىڭ سوڭىنا دەيىن جيىنى 333 ەسەپتەۋ دوكۋمەنتى تاراتىلىپ، ەسەپتەۋ قۋاتى ساۋداسىنىڭ 14 ميلليارد يۋاننان اسۋىن جەبەپ، گۇيجوۋدىڭ ساندى مالىمەتتەردى ساقتاۋدان ەسەپتەۋ قۋاتىمەن قامداۋعا بۇرىلىس جاساۋىنا دەم بەرىلدى.

ساندى مالىمەتپەن قامداۋدى كۇشەيتىپ، ساندى مالىمەتتىڭ قۇنىن جانداندىردى.

7 - ايدىڭ سوڭىندا شيڭ - ي قالاسى ۋانفىڭلين ساياحات توبى شەكتى سەرىكتەستىگىنىڭ 45 ءتۇرلى وزەكتى ساندى مالىمەت فاكتورى گۇيياڭ ءىرى ساندى مالىمەت ساۋدا ورنى مەن گۇيجوۋ ولكەسىنىڭ ساندى مالىمەت ءبىلىم مەنشىك ۇقىعىن تىزىمدەۋ تۇعىرىندا قوس تىزىمگە الىپ كۋالاندىرۋدى ورىندادى.

”قوس تىركەۋ دەگەنىمىز ساندى مالىمەتكە ’ازاماتتىق كۋالىك‘ جانە ’سەنىمدىلىك كۋالىگىن‘ ءبىتىرىپ، ’سەرۆەردە‘ جاتقان ساندى مالىمەتتى مال - مۇلىككە اينالدىرۋ، كاسىپورىنداردىڭ قارجى قۇراۋى ءداستۇرلى كەپىلگە قويىلعان زاتقا ەندىگارى يەك سۇيەمەيدى“ دەدى گۇيياڭ ءىرى ساندى مالىمەت ساۋدا ورنىنىڭ باس جوراسى چىن ۋەي مىسال كەلتىرىپ.

ساندى مالىمەت قۇنىن جانداندىرعان گۇيجوۋ ساندى مالىمەتتەردى بازارلاندىرۋ جولىن جەدەل قاراستىرىپ، ساندى مالىمەت ۇقىعىن تۇراقتاندىرۋ، ساۋدا ءتاسىلى، بازار باعاسى جانە پايدا ۇلگىسى سياقتى جاقتاردا الدىمەن اتقارىپ، الدىمەن سىناق ەتتى. گۇيياڭ ءىرى ساندى مالىمەت ساۋدا ورنى جيىنى 5 مىڭ 122 رەتكى ساۋدانى ورىنداپ، ءبىر مىڭ 11 ساندى مالىمەت ساۋداگەرى ىرگە تەۋىپ، 2 مىڭ 677 ءونىم سورەگە شىعارىلدى.

مەملەكەتتىڭ تۇڭعىش توپتاعى الەۋمەتتىك ساندى مالىمەت بايلىعىن اشۋ، پايدالانۋ سىناق ءتۇيىنى رايونى رەتىندە، گۇيجوۋ الەۋمەتتىك ساندى مالىمەتتەردى اشىق ۇستاۋ تەبىنىن ارتتىرىپ، ەلەكتر، اۋا رايى سياقتى سالالاردا 104 ساندى مالىمەت بايلىعىن تىزىمگە الىپ، فينانس حاۋىپ - قاتەرىن مەڭگەرۋ، نەكە جاعدايىن تەكسەرۋ سياقتى 19 ساندى مالىمەت ءونىمىن جەلىدە ىسكە قوستى.

قولدانىس جاعدايىن بايىتىپ، سان - سيفر، زەردەلى جۇيە ارقىلى كۇش - قۋات ۇستەۋدى تەرەڭدەتتى.

مەحانيكالىق بىلەك بۇلعاقتاپ، اۆتوماتتى تاسىمال اۆتوموبيلى قايشالىسادى. گۇيجوۋ بالون شەكتى جارنا سەرىكتەستىگىنىڭ سەحىندا 25 سەكۋندتا ءبىر اۆتوموبيل بالونى جاسالادى.

”زەردەلىلەنگەن ءوندىرىس ءونىم ساپاسى ماسەلەسىنىڭ %57 ازايۋىنا، قامبادا ساقتاۋ دەڭگەيىنىڭ %34 تومەندەۋىنە دەم بەردى“ دەدى گۇيجوۋ بالون شەكتى جارنا سەرىكتەستىگى باس ديرەكتورىنىڭ كومەكشىسى حان حۇڭچۋان.

گۇيجوۋ ونەركاسىپ، ساياحات، اۋىل شارۋاشىلىعى سياقتى سالالارداعى ”شاعىن تۇيىندەردەن“ قامال الىپ، ”AI + كاسىپ“ ەكولوگياسىن جەدەل قالىپتاستىرىپ، 2027 - جىلعا بارعاندا 500 دەن استام ۇلكەن مودەلدەن پايدالانۋ كورىنىسىن قالىپتاستىرۋعا كۇش سالىپ، گۇيجوۋ ەرەكشەلىگىنە يە جاساندى زەردە كاسىپ سالاسى ەكولوگيالىق تىزبەگىن العاشقى ادىمدا قالىپتاستىردى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاعان گۇيجوۋ سيفرلى ەكونوميكانى دامىتۋدىڭ نىسانالارىن، مىندەتتەرىن مىقتاپ يگەرىپ، ءدوپ كەلگەن جاڭا جاعدايدى، جاڭا سىن - سايىستاردى سەرگەكتىكپەن تانىپ، ۇزاق بولاشاقتىق جوبا جاساۋمەن بىرگە قىسقا مەرزىمدى ارەكەت جوباسىن دا جاساپ، قادام سايىن ىلگەرىلەتىپ، سيفرلى ەكونوميكا دامۋىنىڭ جىل سايىن ناتيجە بەرۋىنە، 3 جىلدا تىڭ ساتىعا كوتەرىلۋىنە شىنايى كەپىلدىك ەتەدى“ گۇيجوۋ ولكەلىك پارتكومنىڭ شۋجيى شۇي لين.

كەلۋ قاينارى: حالىق تورابى