ديڭ شۋەشياڭ ازيا وركەندەتۋ بانكەسىنىڭ اتقارۋشى جورالار ساپار ۇيىرمەسىندەگىلەرمەن كەزدەستى

شينحۋا اگەنتتىگى، 8 - ايدىڭ 28 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى ديڭ شۋەشياڭ 8 - ايدىڭ 28 - كۇنى بەيجيڭدە ازيا وركەندەتۋ بانكەسىنىڭ اتقارۋشى جورالار ساپار ۇيىرمەسىندەگىلەرمەن كەزدەستى.

ديڭ شۋەشياڭ بىلاي دەپ اتاپ كورسەتتى: ازيا وركەندەتۋ بانكەسى ازيا - تىنىق مۇحيت وڭىرىندەگى ماڭىزدى كوپ جاقتى اشۋ قۇرىلىمى رەتىندە، جۇڭگونىڭ دامۋىن قولداۋ جاعىندا بەلسەندى ۇلەس قوستى. جۇڭگو جاق ازيا وركەندەتۋ بانكەسىنىڭ جۇڭگو ۇلگىسىندەگى وسىزامانداندىرۋ اياق الىسىنا ۇزدىكسىز ىشكەرىلەي ات سالىسۋىن ءۇمىت ەتەدى، ازيا وركەندەتۋ بانكەسىمەن تىلدەسۋدى، سايكەسۋدى كۇشەيتىپ، سەلبەستىك سالاسىن كەڭەيتۋ جونىندە ىزدەنىس جاساپ، جۇڭگونىڭ جوعارى ساپالى دامۋىن اناعۇرلىم ويداعىداي ىلگەرىلەتىپ، تۇتاس ازيا - تىنىق مۇحيت وڭىرىنە تيىمدىلىك جاساۋدى قالايدى. بيىل جىل باسىنان بەرى جۇڭگونىڭ ەكونوميكالىق اينالىمى ورنىقتىلىق بارىسىندا ىلگەرىلەپ، مىعىم ومىرشەڭدىك كۇش پەن توزىمدىلىكتى ايگىلەدى، ءبىز جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، ەكونوميكانىڭ قايتا ورلەۋ، جاقسارۋ جاعدايىن بەكەمدەپ جانە كەڭەيتىپ، دۇنيە ءجۇزىنىڭ دامۋىنا اناعۇرلىم كوپ تۇراقتىلىق قوسامىز.

ازيا وركەندەتۋ بانكەسىنىڭ اتقارۋشى جوراسى جۇڭگونىڭ دامۋ جەتىستىكتەرىن جوعارى باعالاپ، ەكى جاقتىڭ سەلبەستىك قارىم - قاتىناس ورناتقاندىعىنىڭ 40 جىلدىعىن وراي ەتىپ، سەلبەستىكتى اناعۇرلىم تەرەڭدەتىپ، جۇڭگو ەكونوميكاسىنىڭ جوعارى ساپالى دامۋىن قولدايتىندىعىن ءبىلدىردى.

كەلۋ قاينارى: حالىق تورابى