جينان فينانستىڭ جاندى سۋىمەن عىلىم - تەحنيكادا جاڭالىق اشۋدىڭ قۇنارلى توپىراعىن نارلەندىردى (ەرلىكپەن العا ۇمتىلىپ، ”14 - بەسجىلدىقتىڭ“ شەشۋشى شايقاسىنىڭ شەشۋشى جەڭىسىنە جەتەيىك)

كاسىپورىننىڭ قۇرىلۋ ۋاقىتى قىسقا، كەپىلگە قويۋعا بولاتىن مال - مۇلكى از، ءوندىرىس جەلىسىن قۇرۋدا اقشا كەمشىل بولسا قايتۋ كەرەك؟ شاندۇڭ شينحۇي ميكرو ەلەكترون عىلىم - تەحنيكا شەكتى سەرىكتەستىگى قارجى قۇراۋدان الاڭداعان كەزدە، ”عىلىم - تەحنيكادا جاڭالىق اشۋ كوپىرى“ دەپ اتالاتىن فينانستىق قىزمەت وتەۋ ءونىمى شۇعىل جاعدايدى شەشتى − ءبىلىم مەنشىك ۇقىعى، عىلىم - تەحنيكا دارىندىلارى سياقتى فاكتورلاردى جان - جاقتى باعالاعاننان كەيىن، جۇڭگو قۇرىلىس بانكەسىنىڭ شاندۇڭ ولكەلىك بولىمشە بانكەسى وسى كاسىپورىنعا تۇڭعىش رەت 2 ميلليون يۋان قارىز اقشا بەردى.

عىلىم - تەحنيكادا جاڭالىق اشۋ فينانستىق قولداۋدان ايرىلا المايدى. باس شۋجي شي جينپيڭ بىلاي دەپ باسا دارىپتەدى: ”نازاردى فينانستىڭ عىلىم - تەحنيكادا جاڭالىق اشۋعا قىزمەت وتەۋىندەگى ولقىلىقتارعا، ءالسىز تۇستارعا شوعىرلاندىرىپ، فينانستىڭ جاڭالىق اشۋعا قولداۋ كورسەتۋ جۇيەسىن كەمەلدەندىرىپ، فينانس جۇيەسىنىڭ جاڭا داۋىردەگى عىلىم - تەحنيكادا جاڭالىق اشۋ قاجەتىنە اناعۇرلىم ويداعىداي ۇيلەسۋىن ىلگەرىلەتۋىمىز كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان شاندۇڭ ولكەسىنىڭ جينان قالاسى نازاردى عىلىم - تەحنيكاعا، فينانسقا شوعىرلاندىرىپ، ”عىلىم - تەحنيكا، كاسىپ سالاسى جانە فينانستىڭ“ تاماشا اينالىم قالىپتاستىرۋىنا مۇمكىندىك جاساپ، قۇرىلىمى ۇيلەسىمدى عىلىم - تەحنيكادا جاڭالىق اشۋعا فينانستىق قىزمەت وتەۋ جۇيەسىن قۇلشىنا قالىپتاستىرىپ، عىلىم - تەحنيكادا جاڭالىق اشۋدىڭ تۇتاس تىزبەگىن قامتىعان فينانس ەكولوگيالىق تىزبەگىن ورناتىپ جانە كەمەلدەندىرىپ، ءونىمدى بازار مەن ۇكىمەت ءۇشىن اناعۇرلىم ويداعىداي ۇشتاسۋدى جەبەدى.

فينانستىق قولداۋ جۇيەسى اناعۇرلىم كەمەلدەندى −

”ەرتە قارجى قوسۋ، شاعىن قارجى قوسۋ، ۇزاق ۋاقىت قارجى قوسۋ، كۇردەلى عىلىم - تەحنيكاعا قارجى قوسۋدا ءبىز عىلىم - تەحنيكالىق كاسىپورىندارعا كوپ نەگىزدى، ۇتىلمالى، جان - جاقتى جالپىلىق فينانستىق قىزمەت وتەيمىز“ دەدى جۇڭگو قۇرىلىس بانكەسى شاندۇڭ ولكەلىك بولىمشە بانكەسىنىڭ باستىعى ۋىن جىجۇن. شينحۇي ميكرو ەلەكترون عىلىم - تەحنيكا شەكتى سەرىكتەستىگى قازىر ”كوشباسى“ كاسىپورنىنا اينالدى.

جينان عىلىم - تەحنيكا جاسامپازدىعى فينانس رەفورماسى سىناق رايونى 2021 جىلى بەكىتىلگەننەن بەرى، ءبىر توپ عىلىم - تەحنيكا جاسامپازدىعى كاسىپورىندارى جالپىلىق فينانستىق قىزمەت وتەۋدىڭ قولداۋىندا ەسەيىپ ەرجەتتى.

شاندۇڭ تۇڭعىش رەت عىلىم - تەحنيكادا جاڭالىق اشۋدىڭ ەكىنشى دارەجەلى زايومىن تاراتىپ، بۇكىل ولكە بويىنشا قالا دارەجەلى ءبىلىم مەنشىك ۇقىعىن اينالىمعا سالۋ قورىن الدىمەن قۇرىپ، عىلىم - تەحنيكا كاسىپورىندارىنىڭ امانات قارىز حاۋىپ قاتەرىن ءبولىپ كوتەرۋ مەحانيزمىن كەمەلدەندىردى ... جاڭالىق اشۋ شارالارى عىلىم - تەحنيكادا جاڭالىق اشۋ كاسىپورىندارىنىڭ قارجى قۇراۋ ونىمدىلىگىن جوعارىلاتۋدى ىلگەرىلەتتى. جينان عىلىم - تەحنيكا جاسامپازدىعى كاسىپورىندارىنىڭ قارىز اقشا قالدىق سوماسى 2021 - جىلدىڭ سوڭىنداعى 109 ميلليارد 840 ميلليون يۋاننان بيىل 2 - توقساننىڭ سوڭىنداعى 303 ميلليارد 978 ميلليون يۋانعا ارتتى؛ عىلىم - تەحنيكا جاسامپازدىعى كاسىپورىندارىنىڭ قارىز اقشا الۋ مولشەرى %42 بولىپ، 2021 - جىلداعىدان 3.7 پايىز جوعارىلادى.

8 - ايدىڭ 5 - كۇنى جينان شاندۇڭدا تۇراتىن فينانس قۇرىلىمدارىنىڭ اڭگىمە ءماجىلىسىن اشىپ، جيناننىڭ ولكە دارەجەلى فينانس باسقارۋ تاراۋلارىمەن، اكتسيا ورىندارىمەن جانە شاندۇڭدا تۇراتىن فينانس قۇرىلىمدارىمەن بىرگە ورتاق ۇندەۋ شىعارىپ، بىرگە كۇش سالىپ، ”وڭىرلىك عىلىم - تەحنيكادا جاڭالىق اشۋ بيىگىن“ قالىپتاستىرۋ نىساناسىنىڭ ءبىرى ەكەندىگىن العا قويدى.

عىلىم - تەحنيكادا جاڭالىق اشۋ كاسىپورىندارىنىڭ قوزعاۋشى كۇشى اناعۇرلىم كۇشەيدى −

سەرىكتەستىكتىڭ مەملەكەت دارەجەلى جوعارى دەڭگەيلى دارىندىلارىنىڭ ارقاسىندا، 10 ميلليون يۋاندىق ”دارىندى قارىز اقشاسىن“ الدى، سونىمەن دەربەس زەرتتەپ جاساعان جوعارى يقۋاتتى جۇقا جارعاقتى نيوبي قىشقىل ليتي كريستال شەڭبەرى جاڭا ءوندىرىس جەلىسى قۇرىلىسى ءساتتى ىلگەرىلەتىلدى ... ”دارىندىلاردى باعاعا سىندىرۋعا بولادى، بۇل كاسىپورىن جونىنەن العاندا جاقسى ءىس“ دەدى جينان جيڭجىڭ ەلەكترون عىلىم - تەحنيكا شەكتى سەرىكتەستىگىنىڭ ءتوراعاسى حۋ ۋىن.

”تاجىريبەحانادان ءوندىرىس جەلىسىنە دەيىن، فينانستىڭ دەمەۋى ماڭىزدى شەشۋشى ءتۇيىن“. جينان قالالىق عىلىم - تەحنيكا مەكەمەسىنىڭ باستىعى حۋاڭ بو بىلاي دەپ تانىستىردى: بۇكىل قالادا 124 نىسان (كانديدات) 2024 جىلعى شاندۇڭ ولكەسىنىڭ عىلىم - تەحنيكا سيلىعىنا يە بولىپ، بۇكىل ولكەنىڭ %42.76 ىن ۇستادى.

فينانستىڭ جاندى سۋىمەن ۇزدىكسىز سۋارىلىپ، جاڭالىق اشۋ سۋبيەكتىلەرى ۇزدىكسىز زورايدى. جينانداعى عىلىم - تەحنيكالىق جاڭالىق اشۋ كاسىپورىندارى 2021 - جىلعى 6800 دەن استامنان قازىرگى 10 مىڭنان استى، مۇنىڭ ىشىندە عىلىم - تەحنيكالىق ورتا، شاعىن كاسىپورىندار، جوعارى، جاڭا تەحنيكا كاسىپورىندارى، ارنايىلاندىرىلعان، كەمەلدەندىرىلگەن، ەرەكشەلەندىرىلگەن، جاڭاشالاندىرىلعان ”شاعىن قۋاتتى“ كاسىپورىندار جەكە - جەكە %58، %63، 3.6 ەسە ارتتى. بيىل 1 - ايدان 6 - ايعا دەيىن جينانداعى 569 عىلىم - تەحنيكالىق قىزمەت وتەۋ كاسىپورنىنىڭ تيجارات كىرىسى 27 ميلليارد 810 ميلليون يۋاننان استى.

عىلىم - تەحنيكادا جاڭالىق اشۋ فينانس ەكولوگياسى اناعۇرلىم كەمەلدەندى −

100 دەن استام عىلىم - تەحنيكا كاسىپورنى مەن 100 دەن استام فينانس قۇرىلىمى جيناننىڭ ليشيا رايوندارىنداعى چيلۋ عىلىم - تەحنيكا فينانس عيماراتىندا عىلىم - تەحنيكا مەن فينانستىڭ قوس باعىتىمەن العا تارتىپ بارادى. ”باقشا رايونى نىسانداردى جەتىلدىرۋ، قارجى قۇراۋدى قولداۋ، عىلىم - تەحنيكا جەتىستىكتەرىن كادەگە جاراتۋ سياقتى يقۋاتتاردى ءبىر تۇلعالاندىرۋعا كۇش سالىپ، عىلىم - تەحنيكادا جاڭالىق اشۋ كاسىپورىندارىنىڭ تۇتاس تىرشىلىك پەريودىن قامتىعان عىلىم - تەحنيكادا جاڭالىق اشۋعا فينانستىق جالپىلىق قىزمەت وتەۋ تۇعىرىن قۇرادى“ دەدى ليشيا رايوندىق پارتكومنىڭ شۋجيى ياڭ چۋانجۇن.

عىلىم - تەحنيكادا جاڭالىق اشۋشى كاسىپورىنداردىڭ ”قارجى قۇراۋى قيىن ەمەس“، فينانس قۇرىلىمدارى ”باتىلدىقپەن قارىز اقشا بەرىپ، قارجى قوسۋدى قالايدى“، كاسىپ سالاسىنىڭ دارەجەسىن جوعارىلاتۋ ”جۇگىرۋ قارقىنىن تەزدەتتى“، سونىمەن جينان ”عىلىم - تەحنيكا، كاسىپ سالاسى جانە فينانستىڭ“ تاماشا اينالىمىنىڭ تاماشا ەكولوگياسىن جەدەل قالىپتاستىردى.

”ءبىز <التى ارناۋلى، ءتورت باعا> قىزمەت جۇيەسىن قالىپتاستىرىپ، عىلىم - تەحنيكادا جاڭالىق اشۋشى كاسىپورىنداردىڭ قارجى قۇراۋداعى قيىنشىلىعىن كۇش سالا شەشىپ، عىلىم - تەحنيكادا جاڭالىق اشۋشى كاسىپورىنداردىڭ <ءپىشىنسىز مال - مۇلكىنىڭ> <ناعىز التىنعا> اينالۋىن ىلگەرىلەتتىك“. جينان قالالىق پارتكوم فينانس قىزمەت كوميتەتى شۋجيىنىڭ ارناۋلى ورىنباسارى جيا حۇڭفي بىلاي دەپ تانىستىردى: بۇنداعى ”التى ارناۋلى“ دەگەنىمىز: ”ارناۋلى تيجارات قۇرىلىمىن تىرەك ەتۋ، ارناۋلى ونىمدەردى قولداۋ، ارناۋلى ساياساتتىق جەتەكتەۋ، ماماندار ۇجىمىنىڭ قىزمەت وتەۋى، ارناۋلى بولىكتەردى جەتىلدىرۋ، كاسىپتىك دانەكەرگە شوعىرلاندىرۋدى“ مەڭزەسە؛ ”ءتورت باعا“ دەگەنىمىز: ”دارىندىلار ۇجىمىنىڭ باعا قويۋىنا، سەنىمدىلىك ساندى مالىمەتتەرىنىڭ باعا قويۋىنا، ءبىلىم مەنشىك ۇقىعىن مەجەلەۋىنە، عىلىم - تەحنيكادا جاڭالىق اشۋ كاسىپورىندارىنىڭ باعالاۋىنا بولادى“ دەگەندى مەڭزەيدى.

”باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، ءبىز عىلىم - تەحنيكادا جاڭالىق اشۋ سۇرانىسىنا كوپ نەگىزدى فينانستىق قولداۋ كورسەتىپ، كوپ تاراۋ ات سالىساتىن عىلىم - تەحنيكا فينانسىن ءبىر تۇتاس جوسپارلاپ ىلگەرىلەتۋ مەحانيزمىن ورناتىپ، عىلىم - تەحنيكا فينانسى سىندى كەلەلى ءىستى قۇلشىنا ويداعىداي جازامىز“. دەدى شاندۇڭ ولكەلىك پارتكومنىڭ تۇراقتى مۇشەسى، جينان قالالىق پارتكومنىڭ شۋجيى ليۋ چياڭ.

كەلۋ قاينارى: حالىق تورابى