جۇڭگو كوممۋنيستىك پارتياسى ورتالىق كوميتەتى ساياسي بيۋروسى ءماجىلىس اشتى

شينحۋا اگەنتتىگىنىڭ 8 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 8 ـ ايدىڭ 29 ـ كۇنى ءماجىلىس اشىپ، «جۇڭگو كوممۋنيستىك پارتياسىنىڭ يدەيا ـ ساياسي قىزمەتى ەرەجەسىن» قارادى، «جۇڭحۋا حالىق رەسپۋبليكاسىنىڭ ۇلتتار ىنتىماعىن، العاباسارلىعىن جەبەۋ زاڭىن (جوبا)» اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

ءماجىلىس مىنالاردى اتاپ كورسەتتى: يدەيا ـ ساياسي قىزمەتى پارتيانىڭ تاڭداۋلى ءداستۇرى، ايقىن ەرەكشەلىگى جانە كورنەكتى ساياسي ابزالدىلىعى، «جۇڭگو كوممۋنيستىك پارتياسىنىڭ يدەيا ـ ساياسي قىزمەتى ەرەجەسىن» بەلگىلەپ شىعارۋ پارتيانىڭ يدەيا ـ ساياسي قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، يدەيا ـ ساياسي قىزمەتىنىڭ عىلميلانۋ، تۇزىمدەنۋ، جۇيەلىلەنۋ دەڭگەيىن جوعارىلاتۋ جونىنەن ماڭىزدى ءمان الادى.

ءماجىلىس مىنالاردى باسا دارىپتەدى: يدەيا ـ ساياسي قىزمەتىنىڭ جەتەكشىلىك رولىن تولىق ساۋلەلەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرىپ، رۋحتى سومداۋدى ماڭداي الدى ورىنعا قويۋعا تاباندى بولىپ، مۇرات ـ سەنىم تاربيەسىن وزەك ەتىپ، ءىس جۇزىندىك جاعدايمەن تىعىز ۇشتاستىرا وتىرىپ ۇيرەنۋدى، ۇگىتتى، تاربيەنى كۇشەيتىپ، اناعۇرلىم ويداعىداي يدەيانى بىرلىككە كەلتىرۋ، ورتاق تانىم ۇيىستىرۋ، سەنىمدى بەكەمدەۋ، كۇرەس جىگەرىنە شابىت بەرۋ كەرەك. جاڭا جاعدايداعى يدەيا ـ ساياسي قىزمەتىن كۇشەيتىپ جانە جاقسارتىپ، قوعامداعى قاۋىمنىڭ دامۋ وزگەرىسىنە ۇيلەسىپ، قىزمەتتىڭ باعىتتامالىلىعى مەن ناقتى ونىمدىلىگىن كۇشەيتۋ كەرەك. پارتيانىڭ يدەيا ـ ساياسي قىزمەتىنە جالپى بەتتىك باسشىلىعىنا تاباندى بولۋ جانە ونى كۇشەيتۋ كەرەك، پارتكوم (پارتيا باسشىلىق گرۋپپاسى) ۇيىمدىق باسشىلىقتى كۇشەيتىپ، دايەكتىلەندىرۋدى، تياناقتاندىرۋدى ويداعىداي يگەرۋى كەرەك. بارلىق پارتيا مۇشەلەرى، اسىرەسە، باسشى كادرلار پارتيالىلىق شىنىعۋدى كۇشەيتىپ، ءوز بويىنان ونەگە كورسەتۋ ارقىلى يدەيا ـ ساياسي قىزمەتىن ورىستەتىپ، يدەيا ـ ساياسي قىزمەتىندە ۇزدىكسىز جاڭا جاعداي اشۋدى ىلگەرىلەتۋى كەرەك.

ءماجىلىس مىنالاردى اتاپ كورسەتتى: «جۇڭحۋا حالىق رەسپۋبليكاسىنىڭ ۇلتتار ىنتىماعىن، العاباسارلىعىن جەبەۋ زاڭىن» جاساۋداعى ماقسات — مەملەكەت زاڭ شىعارۋ ءتاسىلى ارقىلى پارتيانىڭ ۇلت قىزمەتى بارىسىندا قول جەتكىزگەن كەلەلى نازاريالىق جانە امالياتتىق جەتىستىكتەرىن مەملەكەت ەركىنە اينالدىرىپ، جۇڭحۋا ۇلتى ورتاق تۇلعا تانىمىن بەكەمدەۋ ءتۇزىم ـ مەحانيزمىن اقاۋسىزداندىرىپ، جۇڭحۋا ۇلتىنىڭ ۇيىسۋ كۇشىن، سەنترگە تارتۋ كۇشىن ونان ارى كۇشەيتۋ.

ءماجىلىس مىنالاردى باسا دارىپتەدى: ءار ۇلتتىڭ ىنتىماقتاسا كۇرەس جۇرگىزۋىنىڭ ورتاق يدەيا ـ ساياسي نەگىزىن ۇزدىكسىز بەكەمدەپ، پارتيانىڭ جالپى بەتتىك باسشىلىعىنا باستان ـ اياق تاباندى بولىپ، ۇلت ماسەلەسىن شەشۋدىڭ جۇڭگوشا دۇرىس جولىمەن بۇلجىماي ءجۇرۋ كەرەك. جۇڭحۋا ۇلتى ورتاق تۇلعا تانىمىن بەكەمدەۋگە تاباندى بولىپ، جۇڭحۋا ۇلتى ورتاق تۇلعا قۇرىلىسىن ىلگەرىلەتىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن، بىرگە ىنتىماقتاسا كۇرەس جۇرگىزۋىن، بىرگە گۇلدەنۋىن، دامۋىن اناعۇرلىم جەبەۋ كەرەك. زاڭ جوباسىن بەلگىلەۋ، شىعارۋ جانە دايەكتىلەندىرۋ، اتقارۋ قىزمەتىن ويداعىداي ىستەپ، ۇلت ىستەرىن زاڭ بويىنشا باسقارۋ قابىلەتى مەن دەڭگەيىن ۇزدىكسىز جوعارىلاتۋ كەرەك.

ءماجىلىس تاعى ءوندىرىس حاۋىپسىزدىگىن جانە جاراتىلىستىق اپاتتان ساقتانۋ قىزمەتىن ونان ارى ويداعىداي يگەرۋ جونىندە تالاپ قويدى. ءماجىلىس مىنالاردى باسا دارىپتەدى: حالىقتى وزەك ەتكەن دامۋ يدەياسىنا تاباندى بولىپ، باستان ـ اياق حالىق بۇقاراسىنىڭ ءومىرىنىڭ حاۋىپسىزدىگىن ءبىرىنشى ورىنعا قويىپ، دامۋدا حاۋىپسىزدىكتى بوداۋ ەتۋگە بولمايدى دەگەن تومەنگى شەكتى بەرىك ساقتاۋ كەرەك. حاۋىپسىزدىك حاۋىپ ـ قاتەرىنەن دالمە ـ ءدال ساقتانىپ جانە ونى جويىپ، قاتەردەن اراشالاۋدى، قۇتقارۋ ـ كومەكتەسۋدى، اپاتتان قۇتقارۋدى بار كۇشپەن ورىستەتىپ، اپاتقا ۇشىراعان بۇقارانى دەر كەزىندە ۇيلەسىمدى ورنالاستىرۋ كەرەك. وڭىرلەر، تاراۋلار ءوندىرىس حاۋىپسىزدىگى جاۋاپكەرشىلىگىن باتىل تياناقتاندىرىپ، ءوندىرىس حاۋىپسىزدىگى مەن جاراتىلىستىق اپاتتان ساقتانۋ قىزمەتتەرىن تيتتەي دە بوساڭسىماي ويداعىداي يگەرىپ، جوعارى ساپالى دامۋ مەن جوعارى دەڭگەيلى حاۋىپسىزدىكتى اناعۇرلىم ويداعىداي ءبىر تۇتاس جوسپارلاۋى كەرەك.

ءماجىلىس باسقا دا ىستەردى اقىلداستى.