ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ كەرەك

شينحۋا اگەنتتىگىنىڭ 8 ـ ايدىڭ 29 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ماڭىزدى نۇسقاۋ بەرىپ، بىلاي دەپ باسا دارىپتەدى: پارتيانىڭ ستيلى پارتيانىڭ وبرازى، حالىقتىڭ قولداۋ ـ قولداماۋىنا، پارتيانىڭ ءومىر ءسۇرۋى مەن قۇرىپ ـ جوعالۋىنا سايادى. ورتالىقتىڭ سەگىز ءتۇرلى بەلگىلەمەسىنىڭ رۋحىن دايەكتىلەندىرۋدى، تياناقتاندىرۋدى ۇزدىكسىز ويداعىداي يگەرىپ، پارتيانى ونان ارى كۇش سالا ويداعىداي قۇرىپ، پارتيالىلىعى كىرشىكسىز قوسىن، ءتارتىبى قاتاڭ قوسىن تۇلعالاپ، پارتيامىزدىڭ باستان ـ اياق حالىقتىڭ ءۇمىتىن اقتاپ، حالىقتى ىنتىماقتاستىرىپ، باستاپ، ارقالاعان تاريحي بورىشىن ءساتتى ورىنداۋىنا مۇمكىندىك جاساۋىمىز كەرەك.

شي جينپيڭ بىلاي دەپ اتاپ كورسەتتى: وسى رەتكى ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسى ۇيرەنۋدى، تەكسەرۋدى، تۇزەتۋدى ءبىر تۇلعالى ىلگەرىلەتۋگە تاباندى بولىپ، جوعارىدان تومەنگە دەيىن سوڭىنا شەيىن دايەكتىلەندىرۋگە تاباندى بولىپ، قاتاڭ بولۋ نەگىزگى اۋەنىنەن اۋىتقىماۋعا تاباندى بولىپ، ناقتى دا دالمە ـ ءدال ۇيىمداستىرىپ اتقارۋعا تاباندى بولىپ، قىزمەتتەردى تىڭعىلىقتى ورىستەتىپ، كورنەكتى ناتيجەلەرگە قول جەتكىزدى.

شي جينپيڭ بىلاي دەپ باسا دارىپتەدى: ”ءتورت بۇرىس ستيل“ ماسەلەسى قاساڭدىق سيپات، قايتالامالى سيپات الادى، ءسوز جوق، قامال الۋ شايقاسىن، ۇزاققا سوزىلاتىن شايقاس جۇرگىزەتىن بەكىم مەن تاباندىلىق ارقىلى ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرىپ، ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتىپ، تاڭداۋلى ستيل ارقىلى زەيىن ـ زەردەنى، كۇش ـ قۋاتتى ۇيىستىرىپ، شىنايى يگەرىپ ناقتى ىستەپ، ىستەردى دامىتۋدا ۇزدىكسىز جاڭا جاعداي اشۋ كەرەك. ستيل تاربيەسىنىڭ باعىتتامالىلىعىن، ناقتى ونىمدىلىگىن كۇشەيتىپ، جاڭادان وسىرىلگەن كادرلاردى، جاس كادرلاردى، شەشۋشى جۇمىس ورنىنداعى كادرلاردى تاربيەلەۋدى، جەتەكتەۋدى كورنەكتىلەندىرۋ كەرەك. ماسەلەلەردى بايقاۋدىڭ، ماسەلەلەردى شەشۋدىڭ ۇنەمىلىك مەحانيزمىن ورناتىپ، اقاۋسىزداندىرىپ، رەتتەۋ ـ تۇزەتۋگە، رەتتەۋ ـ وڭاۋعا شىنداپ كىرىسىپ، سوڭىنا دەيىن يگەرەتىن، سوڭىنا دەيىن قاتاڭ بولاتىن كۇشتى سيگنالدى ۇزدىكسىز تاراتۋ كەرەك. باقىلاۋدى، ءتارتىپ اتقارۋدى كۇشەيتىپ، پارتيا ۇيىمىنىڭ كۇندەلىكتى باقىلاۋىن ناقتى يگەرىپ، بۇقارانىڭ باقىلاۋ رولىن ءونىمدى ساۋلەلەندىرىپ، قاسارىسا تارتىپكە قايشىلىق جاساعانداردى دەرەۋ تەكسەرىپ، قاتاڭ ءبىر جاقتى ەتۋ كەرەك. ستيل قۇرىلىسى ساياسي جاۋاپكەرشىلىگىن تياناقتاندىرىپ، ءوز جاۋاپكەرشىلىگىن قاتاڭ ارقالاپ، ءوز قاراستىلىعىن قاتاڭ باسقارىپ، قۇرىش قاعيدامەن تاماشا ستيلدى سومداپ، پارتيا مۇشەلەرى مەن كادرلاردىڭ ءىس تىندىرىپ ناتيجە شىعارۋىن، جاۋاپكەرشىلىك ارقالاپ ىسكەرلىك كورسەتۋىن، حالىقتى باقىتقا كەنەلتۋىن ىلگەرىلەتۋ كەرەك.

ورتالىق كوميتەت پارتيا قۇرىلىسى قىزمەتى باسشىلىق گرۋپپاسى 8 ـ ايدىڭ 29 ـ كۇنى ءماجىلىس اشىپ، شي جينپيڭنىڭ ماڭىزدى نۇسقاۋىن جەتكىزىپ، ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن قورىتىندىلاپ، ۇيرەنۋ تاربيەسىنىڭ جەتىستىگىن بەكەمدەۋ، كەڭەيتۋ، ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرۋ، ستيل قۇرىلىسىن ۇدايىلاندىرا، ۇزاق ءونىمدى ىلگەرىلەتۋ قىزمەتىن اقىلداستى، ورنالاستىردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت پارتيا قۇرىلىسى قىزمەتى باسشىلىق گرۋپپاسىنىڭ باستىعى ساي چي ءماجىلىستى باسقاردى ءارى ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت پارتيا قۇرىلىسى قىزمەتى باسشىلىق گرۋپپاسىنىڭ ورىنباسار باستىعى لي شي ماجىلىسكە قاتىناستى ءارى ءسوز سويلەدى.

ءماجىلىس مىنالاردى باسا دارىپتەدى: باس شۋجي شي جينپيڭ ستيل قۇرىلىسى جونىندە تاعى دا ماڭىزدى نۇسقاۋ بەرىپ، ورتالىقتىڭ سەگىز ءتۇرلى بەلگىلەمەسىنىڭ جاسالۋى مەن اتقارىلۋىن، پارتيانىڭ ستيل قۇرىلىسىن كۇشەيتۋىنىڭ ماڭىزدىلىعى مەن كوكەي تەستىلىگىن ونان ارى تەرەڭ بايىمداپ، ۇيرەنۋ تاربيەسىنىڭ تابىسىن تولىق تۇراقتاندىرىپ، ۇيرەنۋ تاربيەسىنىڭ جەتىستىگىن بەكەمدەۋ، كەڭەيتۋ، ورتالىقتىڭ سەگىز ءتۇرلى بەلگىلەمەسىنىڭ رۋحىن تاباندىلىقپەن تياناقتاندىرۋ، ستيل قۇرىلىسىنىڭ ۇدايىلانۋىن، ۇزاق ءونىمدى بولۋىن ىلگەرىلەتۋ جونىندە ايقىن تالاپتاردى العا قويدى، بۇل بۇكىل پارتيانىڭ جاڭا ءداۋىردىڭ جاڭا جورىعىنداعى جاعداي مەن مىندەتكە ۇيلەسىپ، ستيل قۇرىلىسىن كۇشەيتۋ، پارتيانى جاپپاي قاتاڭ باسقارۋدى ىشكەرىلەي ىلگەرىلەتۋ جونىنەن ماڭىزدى ءمان الادى. باس شۋجي شي جينپيڭنىڭ ماڭىزدى نۇسقاۋىن بۇكىل پارتيا مۇقيات ۇيرەنىپ، ءتۇسىنىپ، جاپپاي دايەكتىلەندىرۋى، تياناقتاندىرۋى كەرەك.

ءماجىلىس مىنالاردى اتاپ كورسەتتى: وسى رەتكى ورتالىقتىڭ سەگىز ءتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىندە شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ءار دارەجەلى پارتيا ۇيىمدارى ساياسي جاۋاپكەرشىلىكتى مىقتاپ ارقالاپ، دەن قويا ۇيىمداستىرىپ اتقاردى، قالىڭ پارتيا مۇشەلەرى مەن كادرلار بەلسەنە ءۇن قوسىپ، مۇقيات قاتىناستى، حالىق بۇقاراسى كەڭ كولەمدە نازار اۋدارىپ، قىزۋ قولدادى. ۇيرەنۋدى، تەكسەرۋدى، تۇزەتۋدى ءبىر تۇلعالى ىلگەرىلەتۋ، ”ءتورت بۇرىس ستيل“ كورنەكتى ماسەلەلەرىن شەشۋگە شىنداپ كىرىسۋ جانە ستيل قۇرىلىسى تۇزىمىندەگى ولقىلىقتاردى تولىقتاۋ، ءتۇزىمدى اتقارۋ قۋاتىن كۇشەيتۋ سياقتى جاقتاردا كورنەكتى تابىستارعا قول جەتكىزىپ، كوزدەگەن ماقساتقا جەتتى.

ءماجىلىس مىنالاردى باسا دارىپتەدى: باس شۋجي شي جينپيڭنىڭ ماڭىزدى ءسوزىنىڭ جانە ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، اناعۇرلىم جوعارى ساياسي دەڭگەيمەن ستيل قۇرىلىسى جونىندەگى تانىمدى تەرەڭدەتىپ، ۇنەمى يگەرۋ، تەرەڭ يگەرۋ، باياندى يگەرۋ سىندى يدەيالىق كوزقاراستى مىقتاپ ورناتۋ كەرەك. ءتۇرلى تاسىلدەر ارقىلى ستيل تاربيەسىن كۇشەيتىپ، پارتيا مۇشەلەرى مەن كادرلاردى نازاريامەن قارۋلانۋدى كۇشەيتىپ، يدەيالىق توسپانى بەكەمدەپ، ورتالىقتىڭ سەگىز ءتۇرلى بەلگىلەمەسىنىڭ جانە ونى اتقارۋ ەگجەي ـ تەگجەيلى ەرەجەسىنىڭ رۋحىنا قاتاڭ بويسۇنۋ تاماشا ادەتىن سانالىلىقپەن قالىپتاستىرۋعا جەتەكتەۋ كەرەك. ستيلدەگى قاساڭ دەرتتى ۇزدىكسىز وڭاپ، ستيل ماسەلەلەرىن بايقاۋدىڭ جانە شەشۋدىڭ ۇنەمىلىك مەحانيزمىن اقاۋسىزداندىرىپ، باقىلاۋدىڭ ىقپال قۋاتى مەن ونىمدىلىگىن جوعارىلاتىپ، ۇزاق ۋاقىت تۇبىرىنەن وڭاۋدى قاجەت ەتەتىن ماسەلەلەردى قاداعالاپ جىبەرمەۋ، تيتتەي دە جول قويماۋ كەرەك. بۇرىس ستيل مەن شىرىكتەسۋدى بىرگە تەكسەرۋ، بىرگە وڭاۋدى ىشكەرىلەي ىلگەرىلەتىپ، ”ءتورت بۇرىس ستيل“ ماسەلەسى توپىراعىن جويۋ كەرەك. ستيل قۇرىلىسى ءتۇزىم ـ مەحانيزمىن كەمەلدەندىرىپ، ءتۇزىمدى اتقارۋدى قاتاڭ يگەرىپ، ءتۇزىم جەتىستىگىن باسقارۋ ونىمدىلىگىنە شىن مانىندە اينالدىرۋ كەرەك. جوعارى ارقىلى تومەنگە باستاماشىلىق ەتۋگە تاباندى بولىپ، قاتاڭ باسقارۋدى، قاتاڭ جونگە سالۋدى كۇشەيتىپ، ساتىلار سايىن قىسىم جەتكىزىپ، ستيل قۇرىلىسى جونىندەگى ورنالاستىرۋلار مەن تالاپتاردىڭ ناقتى تياناقتانۋىن ىلگەرىلەتۋ كەرەك.

شى تايفىڭ، لي شۋلەي، مۋ حۇڭ ماجىلىسكە قاتىناستى.

ورتالىق كوميتەت پارتيا قۇرىلىسى قىزمەتى باسشىلىق گرۋپپاسىنىڭ مۇشەلەرى قاتارلىلار ماجىلىسكە قاتىناستى.