شي جينپيڭ مالديۆتىڭ زۇڭتۇڭى مۋيزبەن كەزدەستى

8 - ايدىڭ 31 - كۇنى تۇستەن بۇرىن مەملەكەت ءتوراعاسى شي جينپيڭ تيانجين يىڭبيڭ قوناق ۇيىندە 2025 - جىلعى شاڭحاي سەلبەستىك ۇيىمىنىڭ باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن مالديۆتىڭ زۇڭتۇڭى مۋيزبەن كەزدەستى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 8 - ايدىڭ 31 - كۇنى، تيانجين (تىلشىلەر ۋاڭ يۋان، حۋان شياڭ). 8 - ايدىڭ 31 - كۇنى تۇستەن بۇرىن مەملەكەت ءتوراعاسى شي جينپيڭ تيانجين يىڭبيڭ قوناق ۇيىندە 2025 - جىلعى شاڭحاي سەلبەستىك ۇيىمىنىڭ باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن مالديۆتىڭ زۇڭتۇڭى مۋيزبەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن مالديۆ − مۇراتتاس، بەينەت پەن زەينەتتى بىرگە وتكەرەتىن ەلدەر. بىلتىر ءبىز ەكى ەل قارىم - قاتىناسىن جان - جاقتى ستراتەگيالىق سەلبەستىك سەرىكتەستىك قارىم - قاتىناس دەڭگەيىنە كوتەرىپ، جۇڭگو مەن مالديۆتىڭ تاعدىرلاس ورتاق تۇلعاسىن قۇرۋعا ءبىر اۋىزدان ماقۇل بولدىق. ءبىر جىلدان استام ۋاقىتتان بەرى جۇڭگو مەن مالديۆتىڭ ”ءبىر بەلدەۋ، ءبىر جولدى“ بىرگە قۇرۋ سەلبەستىگىندە بەلسەندى ىلگەرىلەۋشىلىككە قول جەتىپ، ەكى ەلدىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسى ۇزدىكسىز تەرەڭدەپ، ەكى ەل حالقىنا ىرىس - قۇت اكەلدى.

شي جينپيڭ بىلاي دەپ باسا دارىپتەدى: جۇڭگو مالديۆتىڭ مەملەكەتتىڭ يەلىك ۇقىعىن، تاۋەلسىزدىگىن جانە تەرريتوريا تۇتاستىعىن قورعاۋىن، ءوز ەلىنىڭ مەملەكەت جاعدايىنا ۇيلەسەتىن دامۋ جولىن قاراستىرۋىن ۇزدىكسىز قولدايدى. مالديۆ جاقپەن ساياسي پارتيا، زاڭ شىعارۋ قۇرىلىمى، ۇكىمەت سياقتى جاقتارداعى بارىس - كەلىستى كۇشەيتىپ، ءوزارا ءتۇسىنىسۋ مەن سەنىمدىلىكتى ارتتىرىپ، ەكى ەل حالقىنىڭ ءوزارا ءتۇسىنىسۋىن، ەتەنە بولۋىن جەبەۋدى قالايدى. ناقتى سەلبەستىكتى ۇزدىكسىز تەرەڭدەتىپ، جۇڭگو مەن مالديۆتىڭ ەركىن ساۋدا كەلىسىمىن ويداعىداي تياناقتاندىرىپ، بالىق شارۋاشىلىعى، تەڭىز - مۇحيت عىلمي ەكسپەديتسياسى، قورشاعان ورتانى قورعاۋ، اپاتتان ساقتانۋ، اپات زيانىن ازايتۋ سياقتى سەلبەستىكتەردى ورىستەتۋ كەرەك. قارىم - قاتىناس پەن سەلبەستىكتى كۇشەيتىپ، ورتاق ستراتەگيالىق مۇددە مەن حالىقارالىق ادىلدىكتى جانە ادىلەتتىلىكتى قورعاپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋ كەرەك.

مۋيز مىنالاردى ءبىلدىردى: جۇڭگونىڭ ”14 - بەسجىلدىق“ جوبانى ءساتتى ورىنداپ، كۇللى دۇنيە ءجۇزىن جالت قاراتقان دامۋ جەتىستىكتەرىنە قول جەتكىزۋ الدىندا تۇرعاندىعىن قۇتتىقتايمىن. جۇڭگونىڭ تەرەڭ مادەنيەت نەگىزى بار، ادامزاتتىڭ تاعدىرلاس ورتاق تۇلعاسىن قۇرۋدى دارىپتەپ، قازىرگى اۋمالى - توكپەلى حالىقارالىق جاعدايدا دۇنيە جۇزىنە ورنىقتىلىق الا كەلدى. مالديۆ پەن جۇڭگونىڭ قارىم - قاتىناسى تىعىز، تۇرلىشە ۇلكەندى - كىشىلى ەلدەردىڭ تەڭ تۇرعىدا سەلبەستىك جاساۋىنىڭ ۇلگىسىن ورناتتى. مالديۆ جاق جۇڭگو جاقتىڭ ۇزاق ۋاقىتتان بەرى مالديۆتىڭ ەكونوميكالىق دامۋى مەن حالىق تۇرمىسى ىستەرىنە كومەكتەسكەندىگىنە العىس ايتادى. مالديۆ جاق ءبىر جۇڭگو پرينسيبىن باتىل اتقارادى، جۇڭگو جاقپەن ساۋدا، قارجى قوسۋ، تۇرعىن ءۇي جانە قالا، اۋىل قۇرىلىسى، ساياحات سياقتى سالالارداعى سەلبەستىكتى كەڭەيتىپ، شاڭحاي سەلبەستىك ۇيىمى سياقتى كوپ جاقتى مەحانيزمدەگى سايكەسۋ مەن سەلبەسۋدى كۇشەيتىپ، مالديۆ پەن جۇڭگونىڭ تاعدىرلاس ورتاق تۇلعاسىن بىرگە قۇرۋدى قالايدى.

ساي چي، ۋاڭ ي قاتارلىلار كەزدەسۋدە بىرگە بولدى.