شي جينپيڭ ازەربايجاننىڭ زۇڭتۇڭى اليەۆپەن كەزدەستى

8 - ايدىڭ 31 - كۇنى تۇستەن بۇرىن مەملەكەت ءتوراعاسى شي جينپيڭ تيانجين يىڭبيڭ قوناق ۇيىندە 2025 - جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن ازەربايجاننىڭ زۇڭتۇڭى اليەۆپەن كەزدەستى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 8 - ايدىڭ 31 - كۇنى، تيانجين (تىلشىلەر جين بو، چىن شىحان). 8 - ايدىڭ 31 - كۇنى تۇستەن بۇرىن تۇستەن بۇرىن مەملەكەت ءتوراعاسى شي جينپيڭ تيانجين يىڭبيڭ قوناق ۇيىندە 2025 - جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن ازەربايجاننىڭ زۇڭتۇڭى اليەۆپەن كەزدەستى.

شي جينپيڭ بىلاي دەپ اتاپ كورسەتتى: جۇڭگو ازەربايجانمەن جاقسى دوس، جاقسى سەرىك. ديپلوماتيالىق قارىم - قاتىناس ورناتقان 33 جىلدان بەرى ەكى ەلدىڭ ءداستۇرلى دوستىعى كۇن سايىن تەرەڭدەپ، ساياسي سەنىمدىلىگى ۇزدىكسىز بەكەمدەلىپ، ءوزارا ءتيىمدى سەلبەستىكتە سۇبەلى تابىستارعا قول جەتتى. بيىل 4 - ايدا ءبىز جۇڭگو مەن ازەربايجاننىڭ جالپى بەتتىك ستراتەگيالىق سەرىكتەستىك قارىم - قاتىناس ورناتقاندىعىن جاريالاپ، ەكى ەلدىڭ جان - جاقتى سەلبەستىگىنىڭ تىڭ پاراعىن اشتىق. جۇڭگو مەن ازەربايجان − دامۋ مەن گۇلدەنۋ جولىنداعى مۇراتتاستار، جۇڭگو جاق ازەربايجان جاقپەن بىرگە ەكى جاقتى سەلبەستىكتىڭ قارىشتاپ دامۋ جاعدايىن ساقتاپ، ەكى ەلدىڭ تەڭ يگىلىككە كەنەلەتىن دامۋىنىڭ جاڭا بولاشاعىن بىرگە جاراتۋدى قالايدى.

شي جينپيڭ بىلاي دەپ باسا دارىپتەدى: ەكى جاق ستراتەگيالىق بايلانىستى ساقتاپ، ءبىر - ءبىرىن باتىل قولداۋى كەرەك. دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ساۋدا مەن قارجى قوسۋدىڭ ەركىن، قولايلى بولۋىن جەدەل ىلگەرىلەتىپ، كاسپي تەڭىزىن اتتاعان حالىقارالىق تاسىمال ءدالىزىنىڭ ونىمدىلىگىن ۇزدىكسىز جوعارىلاتىپ، نەگىزدىك قۇرىلعى، اۋىل شارۋاشىلىعى، ەنەرگيا سياقتى ءداستۇرلى سالالارداعى سەلبەستىكتى كەڭەيتىپ، سيفرلى ەكونوميكا، جاسىل دامۋ، جاساندى زەردە سياقتى جاڭادان گۇلدەنگەن سالالارداعى سەلبەستىكتىڭ ارتۋ تۇيىندەرىن قالىپتاستىرۋ كەرەك. وقۋ - اعارتۋ، عىلىم - تەحنيكا، مادەنيەت، ساياحات، جاستار، جەرگىلىكتى ورىندار اۋىس - كۇيىسىن ونان ارى جيىلەتىپ، ەكى جاقتى قارىم - قاتىناستىڭ دامۋىنا بايلىق كۇشىن توپتاپ، حالىق رايى نەگىزىن بەكەمدەۋ كەرەك. جۇڭگو جاق ازەربايجاننىڭ شاڭحاي سەلبەستىك ۇيىمىنا كىرۋىن قولدايدى، ازەربايجانمەن كوپ جاقتى سەلبەستىكتى جيىلەتىپ، دۇنيە ءجۇزىنىڭ وڭتۇستىگىنىڭ ورتاق مۇددەسىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.

اليەۆ مىنالاردى ءبىلدىردى: ازەربايجان مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناس ورناتۋى ەكى جاقتى قارىم - قاتىناستىڭ جوعارى دەڭگەيىن ايگىلەدى. ەكى ەل جوعارى جىكتەگىلەردىڭ بارىس - كەلىسىن جيىلەتىپ، ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە باستان - اياق ءبىرىن - ءبىرى قولداپ، ءار سالاداعى سەلبەستىكتى بەلسەنە ىلگەرىلەتىپ، ساۋدا تەز قارقىنمەن ارتتى. ازەربايجان جاق ءبىر جۇڭگو پرينسيبىن باتىل اتقارىپ، ”تايۋان دەربەستىگىنە“ قارسى تۇرادى، جۇڭگو جاقپەن ەكونوميكا - ساۋدا، عىلىم - تەحنيكا، ۇلاستىرۋ - تۇتاستىرۋ، ساياحات سياقتى سالالارداعى سەلبەستىكتى تەرەڭدەتىپ، ەكى ەل حالقىنا ءتىپتى دە كوپ باقىت جاراتۋدى قالايدى. ازەربايجان جاق جۇڭگو جاقپەن شاڭحاي سەلبەستىك ۇيىمىنداعى سەلبەستىكتى تەرەڭدەتىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگى مەن دامۋىن بىرگە جەبەۋدى قالايدى.

ەكى جاق جاساندى زەردە، عىلىم - تەحنيكادا جاڭالىق اشۋ، فينانس، اقپارات قۇرالدارى سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويدى.

ساي چي، ۋاڭ ي قاتارلىلار كەزدەسۋدە بىرگە بولدى.

كەلۋ قاينارى: حالىق تورابى