شي جينپيڭ بەلورۋسسيانىڭ زۇڭتۇڭى لۋكاشەنكومەن كەزدەستى

8 - ايدىڭ 31 - كۇنى تۇستەن بۇرىن مەملەكەت ءتوراعاسى شي جينپيڭ تيانجين يىڭبيڭ قوناق ۇيىندە 2025 - جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن بەلورۋسسيانىڭ زۇڭتۇڭى لۋكاشەنكومەن كەزدەستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

«حالىق گازەتى»، 8 - ايدىڭ 31 - كۇنى، تيانجين (تىلشىلەر ياڭ چياۋچۋ، لي بوۋىن). 8 - ايدىڭ 31 - كۇنى تۇستەن بۇرىن مەملەكەت ءتوراعاسى شي جينپيڭ تيانجين يىڭبيڭ قوناق ۇيىندە 2025 - جىلعى شاڭحاي سەلبەستىك ۇيىمى باسشىلار ماجىلىسىنە جانە جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە ءجۇزىنىڭ فاشيزمگە قارسى سوعىسى جەڭىسكە جەتكەندىگىنىڭ 80 جىلدىعىن ەسكە ءتۇسىرۋ قيمىلىنا قاتىناسۋ ءۇشىن جۇڭگوعا كەلگەن بەلورۋسسيانىڭ زۇڭتۇڭى لۋكاشەنكومەن كەزدەستى.

شي جينپيڭ بىلاي دەپ اتاپ كورسەتتى: جۇڭگو مەن بەلورۋسسيا حالقى تىزە قوسا شايقاس جاساپ، ميليتاريزم مەن فاشيزمدى تالقانداۋعا بىرگە كەلەلى ۇلەس قوسىپ، تەرەڭ دوستىق ورناتقان. قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، ادامزات تاعى ءبىر رەت جول ايىرىعىندا تۇر. جۇڭگو جاق بەلورۋسسيا جاقپەن بىرگە ءداۋىر جاۋاپكەرشىلىگىن ارقالاپ، ناعىز كوپ جاقتىلىقتى امالياتتا ايگىلەپ، دۇنيە ءجۇزىنىڭ بەيبىتشىلىگىن، دامۋىن، سەلبەستىگىن، تەڭ يگىلىككە كەنەلۋىن بىرگە جەبەۋدى قالايدى.

شي جينپيڭ بىلاي دەپ باسا دارىپتەدى: جۇڭگو مەن بەلورۋسسيانىڭ جالپى جاعدايدا بىردەي جالپى بەتتىك ستراتەگيالىق سەرىكتەستىك قارىم - قاتىناسى جوعارى دەڭگەيدە دامۋدا، ەكى جاق ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى ۇزدىكسىز باتىل قولداۋى كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، دامۋ ستراتەگياسىن ۇشتاستىرۋدى كۇشەيتىپ، سەلبەستىكتىڭ كورىنەۋ تۇيىندەرى مەن ارتۋ تۇيىندەرىن ۇزدىكسىز قالىپتاستىرۋ كەرەك. ”2024 - جىلدان 2025 - جىلعا دەيىنگى جۇڭگو - بەلورۋسسيا عىلىم - تەحنيكادا جاڭالىق جاراتۋ جىلى“ تابىسىنان ويداعىداي پايدالانىپ، جاڭاشا وندىرگىش كۇشتەردى جەدەل دامىتىپ، ەكى ەلدىڭ دامۋىنا، گۇلدەنۋىنە دەم بەرۋ كەرەك. وقۋ - اعارتۋ، مادەنيەت، ساياحات، جاستار، جەرگىلىكتى ورىندار اۋىس - كۇيىسىن كەڭەيتىپ، گۋمانيتارلىق جاقتان جاقىنداسۋدى جەبەۋ كەرەك. شاڭحاي سەلبەستىك ۇيىمى، بريكس ەلدەرى سياقتى كوپ جاقتى مەحانيزمدە تىعىز سەلبەسىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك.

لۋكاشەنكو مىنالاردى ءبىلدىردى: ءار جولى جۇڭگوعا كەلگەندە، جۇڭگونىڭ جاندى دا جالىندى دامۋ، العا باسۋ بەت - بەينەسىنە ايرىقشا ءتانتى بولامىن. ءتوراعا شي جينپيڭنىڭ پارمەندى باسشىلىعىندا، جۇڭگو ءوزىنىڭ مەملەكەت جاعدايىنا ۇيلەسەتىن دامۋ جولىمەن باتىل ءجۇرىپ، وراسان زور دامۋ جەتىستىكتەرىنە قول جەتكىزىپ، اناعۇرلىم نۇرلى بولاشاقتى ايگىلەدى، جۇڭگونىڭ دامۋىن، گۇلدەنۋىن ەشقانداي كۇش توسا المايدى. جۇڭگو حالىقارالىق جانە وڭىرلىك ىستەردە ءادىل تۇرعى ۇستانىپ، كوپ جاقتىلىققا تاباندى بولىپ، ادىلدىك پەن ادىلەتتىلىكتى قورعاپ، شاڭحاي سەلبەستىك ۇيىمى سياقتى كوپ جاقتى مەحانيزم سەلبەستىگىنە جەتەكشىلىك ەتىپ، ەۆروپا - ازيا ۇلى قۇرلىعى مەن دۇنيە ءجۇزىنىڭ بەيبىتشىلىگى مەن ورنىقتىلىعىنا كەلەلى ۇلەس قوستى. بەلورۋسسيا − جۇڭگونىڭ بارلىق جاعدايدا بىردەي سەرىگى، ماڭگىلىك سەنىمدى دوسى، جۇڭگومەن ەل باسقارۋ تاجىريبەلەرىن اۋىستىرۋدى كۇشەيتىپ، ءار سالاداعى ناقتى سەلبەستىكتى تەرەڭدەتىپ، ەكى ەل قارىم - قاتىناسىنىڭ اناعۇرلىم زور دامۋىن ىلگەرىلەتۋدى قالايدى.

ەكى جاق عىلىم - تەحنيكا، فينانس، ولشەم، اقپارات قۇرالدارى، قاتىناس - تاسىمال، كەدەندىك تەكسەرۋ - كارەنتيندەۋ سياقتى سالالارداعى كوپتەگەن ەكى جاقتى سەلبەستىك قۇجاتىنا قول قويدى.

ساي چي، ۋاڭ ي، چىن مين - ىر قاتارلىلار كەزدەسۋدە بىرگە بولدى.

كەلۋ قاينارى: حالىق تورابى