ورتالىق كوميتەتتىڭ اۋىل – قىستاق قىزمەتىنە جەتەكشىلىك ەتۋ باسشىلىق گرۋپپاسى اۋىل – قىستاقتاعى قالىڭمالدى كوپ الۋ ماسەلەسىن جان – جاقتى جونگە سالۋدى كۇشەيتۋ جونىندە ورنالاستىرۋ جاسادى

شينحۋا اگەنتتىگىنىڭ ءتىلشىسى حۋ لۋ، شۇي جينيۇي 9 – ايدىڭ 1 – كۇنى ينچۋاننان حابارلايدى. اۋىل – قىستاقتاعى قالىڭمالدى كوپ الۋ ماسەلەسىن جان – جاقتى جونگە سالۋ — پارتيا ورتالىق كوميتەتى ءمان بەرەتىن، جۇرتشىلىق كوڭىل ءبولىپ وتىرعان حالىق تۇرمىسىنا ساياتىن ناقتى ءىس. ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسىنىڭ كەڭسەسى ورنالاستىرۋدى كۇشەيتىپ، اۋىل – قىستاقتاعى قالىڭمالدى كوپ الۋ ماسەلەسىن جان – جاقتى جونگە سالۋدا ناقتى ونىمدىلىككە قول جەتكىزۋدى ىلگەرىلەتەدى.

بۇل اقپاراتتى ءتىلشى 9 – ايدىڭ 1 – كۇنى نيڭشيادا اشىلعان ءبىر ءبولىم ولكەلەردىڭ اۋىل – قىستاقتاعى قالىڭمالدى كوپ الۋ ماسەلەسىن جان – جاقتى جونگە سالۋ جاعىنداعى تاجىريبە الماستىرۋ ماجىلىسىنەن ۇعىسقان.

جۋىرداعى جىلداردان بەرى، جەر – جەردەگى قاتىستى تاراۋلار ۇگىت جاساۋ جانە جەتەكشىلىك ەتۋ، توي سالتىنا رەفورما جاساۋ، ۇيلەنۋ مەن ماحابباتتاسۋ جاعىندا قىزمەت وتەۋ، ۇيلەنۋدى جەلەۋ ەتكەن الدامكوستىككە سوققى بەرۋ قاتارلى جاقتاردا جان – جاقتى كۇش سالىپ، ءبىر ءبولىم جەرلەردە قالىڭمالدى كوپ الۋ اۋقىمىن ءونىمدى تۇردە تەجەگەن.

ورتالىق كوميتەتتىڭ اۋىل – قىستاق قىزمەتىنە باسشىلىق ەتۋ گرۋپپاسى كەڭسەسىنىڭ قاتىستى جاۋاپتىسى ماجىلىستە مىنانى ءبىلدىردى: اۋىل – قىستاقتاعى قالىڭمالدى كوپ الۋ ماسەلەسى مادەنيەت پەن سالت – سانا، جىنىستىق تەڭگەرىمسىزدىك، قالا مەن اۋىل پارقى قاتارلى كوپ جاقتىلى فاكتورلاردىڭ اسەرىنەن قالىپتاسقان، ءسوزسىز، ۇزدىكسىز كۇش سالۋ، ۇزاق ۋاقىت بويى جونگە سالۋ قاجەت. ءتۇيىندى مىندەتتەر مەن ءتۇيىندى وڭىرلەرگە نازاردى شوعىرلاندىرىپ، اۋىل – قىستاقتاعى قالىڭمالدى كوپ الۋ ماسەلەسىن جونگە سالۋدا قامال الۋ شايقاسىن، ۇزاققا سوزىلاتىن شايقاستى باتىل، ويداعىداي ورىستەتۋ قاجەت. قالىڭمال الۋ جاعدايىن تۇبەگەيلى انىقتاۋدى تىڭعىلىقتى ورىستەتىپ، اۋىل – قىستاقتا ۇيلەنۋ جانە ماحابباتتاسۋ جاعىندا الەۋمەتتىك قىزمەت وتەۋدى كۇشەيتىپ، قالىڭمال الۋ ارەكەتىن زاڭ – تۇزىمگە ساي جۇيەگە ءتۇسىرىپ، ۇگىتتەۋ مەن تاربيە بەرۋ، جەتەكشىلىك ەتۋدى كۇشەيتۋ قاجەت.

كەلۋ قاينارى: حالىق تورابى