شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولارعا ىقىلاستى سالەم جولدادى

شينحۋا اگەنتتىگى، 9 - ايدىڭ 22 - كۇنى، بەيجيڭ. 8 - رەتكى ”جۇڭگو شارۋالار مول ءونىم مەرەكەسى“ كەلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولارعا ىقىلاستى سالەم جولدادى.

شي جينپيڭ بىلاي دەپ اتاپ كورسەتتى: بيىل ءبىز قۋاڭشىلىق، تاسقىن سياقتى جاراتىلىستىق اپاتتاردىڭ ىقپالىن جەڭىپ، جازعى استىقتان ورنىقتى ءونىم الۋدى، ەرتە پىساتىن كۇرىشتىڭ ءونىمىن ارتتىرۋدى جۇزەگە اسىردىق، استىقتان تاعى دا مول ءونىم الۋدان ءۇمىت بار.

شي جينپيڭ بىلاي دەپ باسا دارىپتەدى: جۇڭگو ۇلگىسىندەگى وسىزامانداندىرۋ اۋىل شارۋاشىلىعىن، اۋىل - قىستاقتى وسىزامانداندىرۋدان ايرىلا المايدى. ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، اۋىل شارۋاشىلىعىن، اۋىل - قىستاقتى الدىمەن دامىتۋعا تاباندى بولىپ، اۋىل شارۋاشىلىعىن كۇشەيتۋ، اۋىل شارۋاشىلىعىنا تيىمدىلىك جاساۋ، شارۋالاردى اۋقاتتاندىرۋ ساياساتىن كەمەلدەندىرىپ، اۋىل شارۋاشىلىق عىلىم - تەحنيكا جابدىقتارىنىڭ تىرەك بولۋىن كۇشەيتىپ، اۋىل شارۋاشىلىعىنىڭ جالپىلىق ءوندىرىس قۋاتىن كۇش سالا جوعارىلاتىپ، كوپ ءتۇرلى شارانى قاتار قولدانىپ، شارۋالاردىڭ جۇمىستانۋى مەن كىرىسىن ارتتىرۋىن جەبەپ، اۋىل - قىستاقتىڭ جاپپاي گۇلدەنۋىن تىڭعىلىقتى ىلگەرىلەتۋى كەرەك. قالىڭ شارۋالار بۇقاراسىنىڭ ىرىقتىلىعىن، جاسامپازدىعىن تولىق ساۋلەلەندىرىپ، قوعامداعى ءار سالانىڭ بەلسەنە قولداپ، ات سالىسىپ، قونىستانۋعا جايلى، كاسىپكە قولايلى ءارى كورىكتى اۋىل - قىستاق قۇرۋعا قۇلشىنىپ، جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە قادام تاستاۋىن ءۇمىت ەتەمىن.

كەلۋ قاينارى: حالىق تورابى