ناق زات تۇرىندەگى التىننىڭ باعاسى تاعى دا جاڭا دەڭگەيگە جەتتى 

ا ق ش فەدەراتسيالىق قور جۇيەسىنىڭ ءوسىمدى تومەندەتۋ ىقتيمالدىعى، ا ق ش – نىڭ كەدەندىك باجىنى ۇستەمەلەۋى قاتارلى فاكتورلاردىڭ ىقپالىنا ۇشىراعاندىقتان، 10 – ايدىڭ 13 – كۇنى لوندونداعى ناق زات تۇرىندەگى التىن باعاسى ازياعا باعىتتالعان ايىرباس ۋاقىتى كەزەڭىندە ۇزدىكسىز جوعارىلاپ، ايىرباس بارىسىندا ءبىر مەزەت ءار ۋنتسياسى 4060 ا ق ش دوللارىندىق بەلەسكە جاقىنداپ، ءار ۋنتسياسى 4059.84 ا ق ش دوللارىنا جەتىپ، تاريحتاعى جاڭا دەڭگەيگە جەتتى.

وسىدان سوڭ، لوندونداعى ناق زات تۇرىندەگى التىن باعاسى ۇزدىكسىز جوعارى دەڭگەيدە تولقۋلى كۇيدە بولدى. بەيجيڭ ۋاقىتى بويىنشا 10 – ايدىڭ 13 – كۇنى تۇستەن بۇرىن ساعات 11 گە دەيىن، لوندونداعى ناق زات تۇرىندەگى التىننىڭ ءبىر ۋنتسياسىنا 4047.30 ا ق ش دوللارىندىق باعا قويىلىپ، ءوسۋ مولشەرى %0.72 بولدى.

الدىڭعى اپتادا حالىقارادا التىننىڭ باعاسىنىڭ ءوسۋ مولشەرى %2 تەن استى

الدىڭعى اپتادا، ءار ەلدىڭ ورتالىق بانكەسىنىڭ التىندى قاجەتسىنۋىنىڭ ۇزدىكسىز زور بولۋىنىڭ، ا ق ش فەدەراتسيالىق قور جۇيەسىنىڭ ءوسىمدى تومەندەتۋ ىقتيمالدىعى، سونداي – اق، دۇنيە ءجۇزى ەكونوميكاسىنىڭ بولاشاعىنىڭ ءالى دە تۇراقسىزدىققا تولى بولۋى قاتارلى فاكتورلاردىڭ ىقپالىنا ۇشىراعاندىقتان، حالىقارادا التىن باعاسى الدىڭعى اپتادا تۇگەلدەي قىمباتتادى، نيۋ – يورك ساۋدا ايىرباس ورنىندا مەرزىمدەمەلى تاۋار تۇرىندەگى التىننىڭ نەگىزگى توقتامدارداعى باعاسى جيناقتاي كەلگەندە %2.34 جوعارىلاعان.

جىل باسىنان بەرى، نيۋ – يورك تاۋار ايىرباس ورنىنداعى التىنعا قاتىستى نەگىزگى توقتامدارداعى مەرزىمدەمەلى تاۋار باعاسىنىڭ قىمباتتاۋ مولشەرى جيناقتاي كەلگەندە %51 تەن اسقان. دۇنيە جۇزىلىك التىن بىرلەستىگىنىڭ ايتۋىنشا، قازىرگە دەيىنگى ەسەپ بويىنشا، بيىل 1979 – جىلدان بەرگى التىن باعاسىنىڭ قىمباتتاۋ مولشەرى ەڭ زور ءبىر جىل بولعان.

كەلۋ قاينارى: حالىق تورابى