حالىق اقشاسى تۋرالى ۇلكەن جاڭالىق 

2025 – جىلى 10 – ايدىڭ 15 – كۇنى، جۇڭگو حالىق بانكەسىنىڭ باستىعى پان گۇڭشىڭ حالىقارالىق ۆاليۋتا قورى ۇيىمى مەن دۇنيە جۇزىلىك بانكەسىنىڭ جىلدىق ماجىلىسىنە قاتىناسقان كەزدە يسلانديا ورتالىق بانكەسىنىڭ باستىعى يوحانسونمەن ەكى جاقتىڭ ءوز ۆاليۋتالارىن ءبىر – بىرىمەن اۋىستىرۋدى جالعاستىرۋى تۋرالى كەلىسىمگە قول قويدى، مۇنداعى ماقسات — ەكى جاقتىڭ فينانس قۇرىلىمدارىنىڭ سەلبەستىگىن كۇشەيتىپ، ەكى ەلدىڭ ەكونوميكالىق بارىس – كەلىسىنە قولايلىلىق جاراتۋ، فينانستىڭ ورنىقتىلىعىن بىرگە قورعاۋ. جۇڭگو مەن يسلانديانىڭ ەكى جاقتىڭ ءوز ۆاليۋتالارىن ءوزارا اۋىستىرۋ كولەمى 3 ميلليارد 500 ميلليون حالىق اقشاسى / 70 ميلليارد يسلانديا كرونى، كەلىسىمشارتتىڭ كۇشكە يە مەرزىمى 5 جىل.

پان گۇڭشىڭ مىنانى ءبىلدىردى: جۇڭگو مەن يسلانديا ەكى ەل ۇزاق ۋاقىت بويى تاتۋ سەلبەستىك قارىم – قاتىناسىن ساقتاپ كەلەدى، ەكى جاقتىڭ ءوز ۆاليۋتالارىن ءوزارا اۋىستىرۋدى جالعاستىرۋ تۋرالى كەلىسىمشارتقا قول قويۋىن وراي ەتە وتىرىپ، ەكى جاقتىڭ فينانس سالاسىنداعى سەلبەستىگىن تەرەڭدەتۋدى ءۇمىت ەتەمىز.

كەلۋ قاينارى: حالىق تورابى