مەملەكەت ۇيىمداستىراتىن ءدارى – دارمەكتەردى 11 – توپتا شوعىرلى ساتىپ الۋعا مەردىگەر شاقىرۋ ناتيجەسى جاريالاندى 

10 – ايدىڭ 28 – كۇنى، مەملەكەت ۇيىمداستىراتىن ءدارى – دارمەكتەردى 11 – توپتا شوعىرلى، مولشەرلى ساتىپ الۋعا تاڭداۋ ناتيجەسى جاريالانعان. وسى رەتكى شوعىرلى ساتىپ الۋ كولەمىنە جيىنى 55 ءتۇرلى ءدارى – دارمەك ەنگىزىلگەن، جۇعىمدالۋعا قارسى، رەاكسياعا قارسى، وسپەگە قارسى ءدارى – دارمەكتەر، قانداعى قانت قۇرامىن، قان قىسىمىن، قانداعى ماي قۇرامىن تومەندەتەتىن ءدارى – دارمەكتەر قاتارلى سالالارداعى ۇنەمى قولدانىلاتىن ءدارى – دارمەكتەر قامتىلدى، جالپى جاقتان ”كلينيكادا پايدالانۋدى ورنىقتىرۋ، ساپاسىنا كەپىلدىك ەتۋ، شەكتەن تىس باسەكەگە قارسى تۇرۋ، مەردىگەرلەردىڭ استاسۋىنان ساقتانۋ“ سىندى مەجەلى نىسانا ىسكە اسىرىلدى.

وسى رەتكى شوعىرلى ساتىپ الۋ بارىسىندا جالپى تىزبەك بويىنشا مەردىگەر شاقىرۋ ارەكەتى جۇيەگە ءتۇسىرىلىپ، ”مەردىگەرلەردىڭ استاسۋىنان ساقتانۋعا“ تاباندى بولدى. جارنا ۇقىعى قاتىناسى، اماناتتاپ ءوندىرۋ، بەكىتپەنى جوتكەپ بەرۋ قاتارلى بايلانىسى بار كاسىپورىنداردى ءبىر كاسىپورىن رەتىندە قاراپ، ولاردىڭ بىرلەسىپ باعا قويۋىنان ساقتاندى. ەلىمىز بويىنشا ءدارى – دارمەك سالاسىنداعى 56 مىڭ قۇرىلىم ءدارى – دارمەك مولشەرىن مالىمدەۋگە قاتىناسىپ، 445 كاسىپورىننىڭ 794 ءونىمى مەردىگەر شاقىرۋعا قاتىناستى، مۇنىڭ ىشىندە 272 كاسىپورىننىڭ 453 ءونىمى تاڭداۋ بارىسىندا تولىمدىلىققا يە بولدى. تاڭداۋ ناتيجەسى اشىق حابارلاندىرۋ شىعارىلعان سوڭ رەسمي جاريالانادى، ەلىمىز بويىنشا ناۋقاستار مەجەمەن 2026 – جىلى 2 – ايدا وسى جولى تاڭدالعان جاڭا توپتاعى ساپالى، باعاسى لايىقتى ءدارى – دارمەكتەردەن پايدالانا الادى.

كەلۋ قاينارى: حالىق تورابى