بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.10.29 16:03 كەلۋ قاينارى : حالىق تورابى
شينحۋا اگەنتتىگى، 10 - ايدىڭ 28 - كۇنى، بەيجيڭ. 10 - ايدىڭ 28 - كۇنى مەملەكەت ءتوراعاسى شي جينپيڭ فينلانديانىڭ زۇڭتۇڭى ستۋبپەن ءوزارا قۇتتىقتاۋ تەلەگرامماسىن جولداپ، جۇڭگو مەن فينلانديانىڭ ديپلوماتيالىق قارىم - قاتىناس ورناتقاندىعىنىڭ 75 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: فينلانديا − كوركەم ”كولدى ەل“، سونداي - اق جۇڭگومەن تۇڭعىش توپتا ۇكىمەت ارالىق ساۋدا كەلىسىمىنە قول قويعان ەۆروپا ەلدەرىنىڭ ءبىرى. جۇڭگو مەن فينلانديا ديپلوماتيالىق قارىم - قاتىناس ورناتقان 75 جىلدان بەرى ەكى جاقتى قارىم - قاتىناس قوعامدىق ءتۇزىم مەن يدەولوگيادان اسىپ، حالىقارالىق اۋمالى - توكپەلى وزگەرىستەردىڭ سىنىنان ءوتىپ، ساياسي، ەكونوميكا - ساۋدا، گۋمانيتارلىق سياقتى سەلبەستىكتەر ۇزدىكسىز تەرەڭدەدى. بىلتىر 10 - ايدا ستۋب زۇڭتۇڭ جۇڭگودا ءساتتى مەملەكەتتىك ساپاردا بولدى، ءبىز جۇڭگو مەن فينلانديانىڭ بولاشاققا بەت العان جاڭاشا سەلبەستىك سەرىكتەستىك قارىم - قاتىناسىنىڭ دامۋىنا بىرگە جوبا جاسادىق. مەن جۇڭگو - فينلانديا قارىم - قاتىناسىنىڭ دامۋىنا ايرىقشا ءمان بەرەمىن، ستۋب زۇڭتۇڭمەن بىرگە قۇلشىنىپ، ەكى ەلدىڭ دوستىق داستۇرىنە مۇراگەرلىك ەتىپ جانە ونى ساۋلەلەندىرىپ، جۇڭگو مەن فينلانديانىڭ ءار سالاداعى سەلبەستىگىندە جاڭا جاعداي اشۋعا جەتەكشىلىك ەتىپ، تەڭ، ءتارتىپتى دۇنيە ءجۇزىنىڭ كوپ ۇيەكتەنۋى مەن جالپىعا ءتيىمدى، سيىسىمدى ەكونوميكانىڭ جاھاندانۋىن بىرگە ىلگەرىلەتۋدى قالايمىن.
ستۋب مىنالاردى ءبىلدىردى: فينلانديا مەن جۇڭگونىڭ قارىم - قاتىناسى تىعىز، نەگىزى بەرىك. ديپلوماتيالىق قارىم - قاتىناس ورناتقان 75 جىلدان بەرى ەكى جاقتى قارىم - قاتىناس ورنىقتى دامىپ، سەلبەستىك ۇزدىكسىز كەڭەيدى. بىلتىر 10 - ايدا مەن جۇڭگودا تۇڭعىش رەت مەملەكەتتىك ساپاردا بولدىم، ەكى جاق «فينلانديا مەن جۇڭگونىڭ بولاشاققا بەت العان جاڭاشا سەلبەستىك سەرىكتەستىك قارىم - قاتىناسىن ىلگەرىلەتۋ جونىندەگى بىرلەسكەن قىزمەت جوسپارىن (2025 − 2029)» جاريالادى. حالىقارالىق قوعام جۇڭگونىڭ بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى رەتىندەگى رولىنا سەنەدى. مەن ءتوراعا شي جينپيڭمەن ەكى جاقتى جانە دۇنيە جۇزىلىك كەڭەستىك تاقىرىپتار جونىندە ۇزدىكسىز تىلدەسۋدى ءۇمىت ەتەمىن.
كەلۋ قاينارى: حالىق تورابى
