14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 18 - ءماجىلىسى بەيجيڭدە جابىلدى

«حالىق گازەتى»، 10 - ايدىڭ 28 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 18 - ءماجىلىسى 10 - ايدىڭ 28 - كۇنى تۇستەن كەيىن بەيجيڭدەگى حالىق سارايىندا جابىلدى. ءماجىلىس داۋىسقا سالۋ ارقىلى جاڭادان وزگەرىس ەنگىزىلگەن تەڭىز ساۋداسى زاڭىن، قىستاق تۇرعىندارى كوميتەتىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلىنى، جاڭادان وزگەرىس ەنگىزىلگەن قالا تۇرعىندارى كوميتەتىنىڭ ۇيىمدىق زاڭىن، توراپ حاۋىپسىزدىگى زاڭىنا وزگەرىس ەنگىزۋ جونىندەگى قاۋلىنى، ورتانى قورعاۋ باجى زاڭىنا وزگەرىس ەنگىزۋ تۋرالى قاۋلىنى ماقۇلدادى، مەملەكەت ءتوراعاسى شي جينپيڭ جەكە - جەكە 58 -، 59 -، 60 -، 61 -، 62 - ءنومىرلى ءتوراعا بۇيرىعىنا قول قويىپ جاريالادى. ءماجىلىس داۋىسقا سالۋ ارقىلى جاڭ شىڭميندى جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالىعىنا تاعايىنداۋدى، حى ۋەيدۇڭدى جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالىعىنان قالدىرۋدى ۇيعاردى. كوميتەت باستىعى جاۋ لىجي جابىلۋ جيىنىن باسقاردى.

تۇراقتى كوميتەت قۇرامىنداعىلاردان 159 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى تۇراقتى كوميتەتىنىڭ «<بىرلەسكەن مەملەكەتتەر ۇيىمىنىڭ تەڭىز -مۇحيت زاڭى كەلىسىم شارتى> استىندا مەملەكەتتىڭ باسقارۋ اۋماعىنان باسقا رايوندارداعى تەڭىز - مۇحيت جانۋارلارىنىڭ كوپ تۇرلىلىگىن قورعاۋ جانە ودان ۇدايى باياندى پايدالانۋ كەلىسىمىن» بەكىتۋ تۋراسىنداعى قارارىن، «<سىناپ تۋرالى ميناماتا شارتىنداعى شارتتاسۋشى جاقتار جينالىسى 5 - ءماجىلىسىنىڭ 4/5 ءنومىرلى قاۋلىسىنىڭ سىناپ تۋرالى ميناماتا شارتى جونىندەگى قوسىمشا A قۇجاتى مەن قوسىمشا B قۇجاتىنا وزگەرىس ەنگىزۋ جونىندەگى» قارارىن، «جۇڭحۋا حالىق رەسپۋبليكاسى مەن زيمبابۆە رەسپۋبليكاسىنىڭ قىلمىستىق ىستەر ءادىليالىق سەلبەستىگى جونىندەگى شارتتى» بەكىتۋ جونىندەگى قارارىن، «جۇڭحۋا حالىق رەسپۋبليكاسى مەن ەفيوپيا فەدەراتسيالىق دەموكراتيالىق رەسپۋبليكاسىنىڭ قىلمىستىق ىستەرگە ءادىليالىق كومەك بەرۋ جونىندەگى شارتىن» بەكىتۋ جونىندەگى قارارىن داۋىسقا سالىپ ماقۇلدادى.

ءماجىلىس مەملەكەتتىك حالىق قۇرىلتايىنىڭ باقىلاۋ - تەكسەرۋ جانە ءادىليا كوميتەتى، قازىنا - ەكونوميكا كوميتەتى، جۇڭگو مۇھاجىرلارى كوميتەتى، قورشاعان ورتا جانە بايلىقتى قورعاۋ كوميتەتى، قوعامدىق قۇرىلىس كوميتەتى جەكە - جەكە العا قويعان 14 - كەزەكتى مەملەكەتتىك حالىق قۇرىلتايى 3 - ءماجىلىسىنىڭ ءتوراعالار القاسى قاراۋعا تاپسىرعان ۋاكىلدەر العا قويعان كەڭەس جوبالاردى قاراۋ ناتيجەسى جونىندەگى باياندامانى داۋىسقا سالىپ ماقۇلدادى.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ ءىشىنارا ۋاكىلدەردىڭ ۋاكىلدىك تولىمدىلىعى جونىندەگى بايانداماسىن داۋىسقا سالىپ ماقۇلدادى.

ءماجىلىس داۋىسقا سالۋ ارقىلى حاۋ پىڭدى مەملەكەتتىك حالىق قۇرىلتايى قازىنا - ەكونوميكا كوميتەتىنىڭ ورىنباسار مەڭگەرۋشى مۇشەلىگىنە، سۇن شاۋيۇڭدى مەملەكەتتىك حالىق قۇرىلتايى قوعامدىق قۇرىلىس كوميتەتىنىڭ ورىنباسار مەڭگەرۋشى مۇشەلىگىنە تاعايىندادى؛ شۇي حۇيدى مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەلىگىنەن قالدىردى، جاڭ شۋاندى مەملەكەتتىك حالىق قۇرىلتايى باقىلاۋ جانە ءادىليا كوميتەتىنىڭ ورىنباسار مەڭگەرۋشى مۇشەلىگىنەن قالدىردى، لي جيڭحايدى مەملەكەتتىك حالىق قۇرىلتايى وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ ورىنباسار مەڭگەرۋشى مۇشەلىگىنەن قالدىردى، حاۋ پيڭدى مەملەكەتتىك حالىق قۇرىلتايى سىرتقى ىستەر كوميتەتىنىڭ ورىنباسار مەڭگەرۋشى مۇشەلىگىنەن قالدىردى، جيڭ حانچاۋدى مەملەكەتتىك حالىق قۇرىلتايى قوعامدىق قۇرىلىس كوميتەتىنىڭ ورىنباسار مەڭگەرۋشى مۇشەلىگىنەن قالدىردى؛ شيا گۋاڭدى مەملەكەتتىك حالىق قۇرىلتايى تۇراقتى كوميتەتى مەجە ەسەپ قىزمەتى كوميتەتىنىڭ ورىنباسار مەڭگەرۋشىسى مىندەتىنەن قالدىردى، جاي ۋەيدى مەملەكەتتىك حالىق قۇرىلتايى تۇراقتى كوميتەتى مەجە ەسەپ قىزمەتى كوميتەتىنىڭ ورىنباسار مەڭگەرۋشىلىگىنە تاعايىندادى.

ءماجىلىس داۋىسقا سالۋ ارقىلى ۋاڭ جۇڭميڭدى ەڭ جوعارى حالىق سوتى مەكەمەسىنىڭ ورىنباسار باستىعى، سوت القاسىنىڭ مۇشەسى، سۋدياسى ەتىپ تاعايىندادى، حى شياۋرۇڭدى ەڭ جوعارى حالىق سوتى مەكەمەسىنىڭ ورىنباسار باستىعى، سوت القاسىنىڭ مۇشەسى، 4 - كوشپەلى سوتتىڭ باستىعى مىندەتىنەن قالدىردى؛ جاڭ جيندى جۇڭگو حالىق ازاتتىق ارمياسى اسكەري پروكۋراتۋراسىنىڭ باس پروكۋرورى مىندەتىنەن قالدىردى، سۇن شيۋجۇندى جۇڭگو حالىق ازاتتىق ارمياسى اسكەري پروكۋراتۋراسىنىڭ باس پروكۋرورى ەتىپ تاعايىندادى.

ءماجىلىس تاعى باسقا مىندەتكە تاعايىنداۋ، مىندەتىنەن قالدىرۋ جوبالارىن داۋىسقا سالىپ ماقۇلدادى. مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭجياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەس زۇڭليىنىڭ ورىنباسارى حى ليفىڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، مەملەكەتتىك باقىلاۋ - تەكسەرۋ كوميتەتىندەگى، ەڭ جوعارى حالىق پروكۋراتۋراسىنداعى جاۋاپتى جولداستار، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، قالالىق حالىق قۇرىلتايى تۇراقتى كوميتەتتەرىندەگى جاۋاپتى جولداستار، تەتە ولكە دارەجەلى قالالاردىڭ ءبىر ءبولىم حالىق قۇرىلتايى تۇراقتى كوميتەتتەرىندەگى نەگىزگى جاۋاپتى جولداستار، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار ماجىلىسكە سىرتتاي قاتىناستى.

جابىلۋ ماجىلىسىنەن كەيىن 14 - كەزەكتى مەملەكەتتىك حالىق قۇرىلتايىنىڭ تۇراقتى كوميتەتى 19 - رەتكى ارناۋلى تاقىرىپتاعى لەكسيا جاسادى، كوميتەت باستىعى جاۋ لىجي ءماجىلىستى باسقاردى. ورتالىق قازىنا كەڭسەسى مەڭگەرۋشىسىنىڭ كۇندەلىكتى قىزمەتكە جاۋاپتى ورىنباسارى، ورتالىق اۋىل شارۋاشىلىق كەڭسەسىنىڭ مەڭگەرۋشىسى حان ۋىنشيۋ «سوتسياليستىك وسىزامانداندىرۋدى نەگىزىنەن جۇزەگە اسىرۋدا شەشۋشى ىلگەرىلەۋشىلىككە قول جەتكىزۋگە كەپىلدىك ەتۋ − پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ويداعىداي ۇيرەنۋ، ويداعىداي ءتۇسىنۋ، ويداعىداي دايەكتىلەندىرۋ» جونىندە لەكسيا جاسادى.

كەلۋ قاينارى: حالىق تورابى