حالىق تۇرمىسىن جاقسارتىپ جانە قامتاماسىزداندىرىپ، جالپى حالىقتىڭ بىرگە اۋقاتتانۋىندا نىق قادام تاستاۋدى ىلگەرىلەتەيىك

جالپى حالىقتىڭ بىرگە اۋقاتتانۋى جۇڭگو ۇلگىسىندەگى وسىزامانداندىرۋدىڭ ماندىك ەرەكشەلىگى. پارتيا 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسى حالىقتى وزەك ەتكەن دامۋ يدەياسىنا تاباندى بولىپ، بىرگە اۋقاتتانۋ نىساناسى مەن تالابىن مىقتى يگەرىپ، حالىق تۇرمىسىن قامتاماسىزداندىرۋ جانە جاقسارتۋ تەبىنىن ارتتىرۋدى، جالپى حالىقتىڭ بىرگە اۋقاتتانۋىن تىڭعىلىقتى ىلگەرىلەتۋدى ارقاۋ ەتە وتىرىپ، ستراتەگيالىق ورنالاستىرۋ جاساپ، ءجۇز ميلليونداعان حالىقتى جاڭا جورىقتا ەرلىكپەن العا ۇمتىلىپ، اناعۇرلىم باقىتتى، تاماشا تۇرمىس جاراتۋ جولىندا قاجىماي - تالماي كۇرەس جۇرگىزۋگە شابىتتاندىردى.

حالىقتى باقىتتى تۇرمىسقا كەنەلتۋ − ”مەملەكەتتىڭ ۇلى ءىسى“، پارتيامىزدىڭ حالىقتى ىنتىماقتاستىرىپ جانە باستاپ جۇرگىزگەن بارلىق كۇرەسىنىڭ ءتۇبىرلى ماقساتى − حالىقتى تاماشا تۇرمىسقا كەنەلتۋ. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋەلگى ماقساتتى ۇمىتپاي، ماسەلەنى حالىق تۇرعىسىندا تۇرىپ ويلاستىرىپ، وڭىرلەردىڭ سايكەستى دامۋىن ىلگەرىلەتىپ، پارمەندى شارالار قولدانىپ، حالىق تۇرمىسىن قامتاماسىز ەتىپ جانە جاقسارتىپ، ادامزات تاريحىنداعى كولەمى ەڭ ۇلكەن كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام قۇرىپ، بىرگە اۋقاتتانۋدى جەبەۋگە تاماشا شارت - جاعداي ازىرلەدى.

”14 - بەسجىلدىق“ مەزگىلىندە، ءار جىلى قالا - قالاشىقتاردا 12 ميلليوننان استام ادام تىڭنان جۇمىستانسا، ادام باسىنا تۋرا كەلەتىن مەجەلى عۇمىرى 79 جاسقا جەتتى، بۇكىل ەل بويىنشا ولكە اتتاپ باسقا جەردە ەمدەلۋدە تىكەلەي ەسەپ جابۋدان 560 ميلليون ادام - رەت يگىلىكتەندى، مەكتەپكە دەيىنگى تاربيەنىڭ جالپى وقۋعا ءتۇسۋ مولشەرى %92 كە جەتتى... حالىقتى باقىتقا كەنەلتۋدى ءتۇبىرلى قۇن بەتالىسى ەتىپ، دامۋ بارىسىندا حالىق تۇرمىسىن قامتاماسىزداندىرۋ دەڭگەيىن ورنىقتى جوعارىلاتىپ، حالىق بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى اناعۇرلىم تولىقتاندى، اناعۇرلىم قامتاماسىز ەتىلدى، اناعۇرلىم باياندى بولدى. جاڭا داۋىردەگى جۇڭگونىڭ وزگەرىسىن ءوز باسىنان كەشىرگەن شەتەلدىك دوستار: جۇڭگو كوممۋنيستىك پارتياسى حالىق ءۇشىن ناقتى ىستەر ىستەپ، ءىس جۇزىندىك ارەكەتتەرى ارقىلى جالپى حالىقتى بىرگە اۋقاتتانۋعا باستادى دەپ باعا بەرىستى.

بىرگە اۋقاتتانۋدى جۇزەگە اسىرۋ اۋقىمدىق دامۋ بارىسى، ءسوز جوق، تاباندىلىقپەن، ۇزاق ۋاقىت ۇلەس قوسۋ كەرەك. جالپى ءماجىلىستىڭ جەتەكشى يدەياسىندا جالپى حالىقتىڭ بىرگە اۋقاتتانۋىندا نىق قادام تاستاۋدى كورنەكتى تۇردە باسا دارىپتەدى، بۇل ”15 - بەسجىلدىق“ مەزگىلىندەگى ەكونوميكالىق، قوعامدىق دامۋعا جەتەكشىلىك ەتۋدەگى جالپى تۇلعالىق تالاپ. حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋدى ءتۇبىرلى ماقسات ەتۋدى، حالىقتى بارىنەن جوعارى قويۋعا تاباندى بولۋدى، ءسوز جوق، بويسۇنۋعا ءتيىستى ماڭىزدى پرينسيپ، حالىقتىڭ تۇرمىس ساپاسىن ۇزدىكسىز جوعارىلاتۋدى باستى نىسانالاردىڭ ءبىرى ەتۋدى ايقىندادى، جالپى ءماجىلىس جۇمىستاندىرۋ، كىرىس، وقۋ - اعارتۋ، قوعامدىق قامتاماسىزداندىرۋ، تۇرعىن ءۇي، ەمدەۋ، زەينەتكەرلىك، بالالار باقشاسى سياقتى بۇقارا كوڭىل ءبولىپ وتىرعان ىستەردى ارقاۋ ەتىپ، بىركەلكى، قولجەتىمدىلىگى كۇشتى ءبىر توپ ساياساتتىق شارالاردى ورنالاستىردى؛ حالىقتىڭ رۋحاني تۇرمىسىنىڭ بىرگە اۋقاتتانۋىن جەبەۋدى كوزدە ۇستاپ، بۇكىل ۇلتتىڭ مادەنيەتتە جاڭالىق اشۋ، جاسامپازدىق جاراتۋ ومىرشەڭدىك كۇشىن تاسقىنداتۋ، سوتسياليستىك مادەنيەتتى گۇلدەندىرۋ، دامىتۋ جونىندە ايقىن تالاپتار قويدى.

قالا مەن اۋىلدىڭ توعىسپالى دامۋى حالىقتىڭ تاماشا تۇرمىسقا دەگەن تالپىنىسىن قاناعاتتاندىرۋدىڭ، بىرگە اۋقاتتانۋدى جەبەۋدىڭ ىشكى تالابى، بۇل ارادا وسىنى مىسالعا الا وتىرىپ ىشكەرىلەي تالداۋ جاساۋ كەرەك.

باس شۋجي شي جينپيڭ بىلاي دەپ باسا دارىپتەدى: ”ءبىز جاپپاي سوتسياليستىك وسىزاماندانعان مەملەكەت قۇرۋدا ءارى دۋماندى قالا قۇرۋىمىز، ءارى گۇلدەنگەن اۋىل - قىستاق قۇرۋىمىز كەرەك“. ”14 - بەسجىلدىق“ مەزگىلىندە، ”1000 قىستاقتا ۇلگى كورسەتۋ، 10 مىڭ قىستاقتى رەتتەۋ - جونگە سالۋ ينجەنەرياسى“ تاجىريبەسىن ۇيرەنۋدى، قولدانۋدى جەتەكشى ەتىپ، اۋىل - قىستاقتى جاپپاي گۇلدەندىرۋدى تىڭعىلىقتى، پارمەندى ىلگەرىلەتۋدەن ”تورتتە جاقسى اۋىل - قىستاق جولى“ بۇقارانىڭ ءۇيىنىڭ جانىندا بايۋ جولىن، باقىت جولىن، جۇرەكتەس جولىن، گۇلدەنۋ جولىن سالعانعا دەيىن، ەلىمىزدىڭ قالا - اۋىل نەگىزدىك قۇرىلعىلارىن ءبىر تۇلعالاندىرۋ جانە الەۋمەتتىك قىزمەت وتەۋدى بىركەلكىلەندىرۋ ىشكەرىلەي ىلگەرىلەتىلىپ، قالا - اۋىل فاكتورلارىنىڭ اۋىسۋى اناعۇرلىم ىركىلىسسىز، جوعارى ءونىمدى بولدى، اۋىل - قىستاق تۇرعىندارىنىڭ كىرىسىنىڭ ارتۋ قارقىنى ءۇرتىس كوپ جىل قالا - قالاشىقتاردان تەز بولدى، 2024 - جىلى قالا - اۋىل تۇرعىندارىنىڭ كىرىسىنىڭ سالىستىرماسى 2020 - جىلداعىدان 0.22 تومەندەدى. اماليات ونەركاسىپ پەن اۋىل شارۋاشىلىعى ءبىرىن - ءبىرى جەبەيتىن، قالا مەن اۋىل ءبىرىن - ءبىرى تولىقتايتىن، سايكەستى داميتىن، بىرگە گۇلدەنگەن جاڭاشا ونەركاسىپ پەن اۋىل شارۋاشىلىعىنىڭ، قالا مەن اۋىلدىڭ قاتىناسىن قالىپتاستىراتىندىعىن پارمەندى دالەلدەدى. بۇل تەك جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمى جاعدايىندا عانا جۇزەگە اسادى.

اۋدان كولەمىندەگى حالىقتى اۋقاتتاندىرۋ كاسىبىن زورايتۋ جاڭاشا قالا - قالاشىقتاندىرۋ مەن اۋىل - قىستاقتى جاپپاي گۇلدەندىرۋدى ءبىر تۇتاس ىلگەرىلەتۋدىڭ تابيعي تالابى، قالا مەن اۋىلدىڭ توعىسپالى دامۋىن ىلگەرىلەتۋدە، بىرگە اۋقاتتانۋدى جەبەۋدە جالپى جاعدايلىق، نەگىزدىك، ستراتەگيالىق مانگە يە. جىجياڭنىڭ انجي دەگەن جەرىندە ءبىر ۋىس جاپىراق ءبىر ءبولىم بۇقارانى اۋقاتتاندىرىپ، اۋىل شارۋاشىلىعى مەن مادەنيەت پەن ساياحاتتى توعىستىرا دامىتۋدى ىلگەرىلەتىپ، ”كوركەم كورىنىستەن“ ”باقىتتى تۇرمىسقا“ بەتالسا؛ شانشي ولكەسىنىڭ يان - ان قالاسى ”المانى جوعارى ساپالى دامىتۋدا الدىمەن اتقارىلاتىن رايون“ قۇرىپ، عىلىم - تەحنيكادا جاڭالىق اشۋعا سۇيەنىپ كاسىپ سالاسى تىزبەگىن، قۇن تىزبەگىن كەڭەيتىپ، قىزىل المانى ”بايۋ جەمىسىنە“، ”باقىت جەمىسىنە“ اينالدىردى. اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى بۇكىل پارتيا قىزمەتىنىڭ ەڭ ماڭىزدى ءتۇيىنى ەتىپ، سالىستىرمالى ابزالدىلىعى كورنەكتى، جەتەكتەۋ قۋاتى كۇشتى، كاسىپتەندىرۋ سيىمدىلىعى زور اۋدان كولەمىندە حالىقتى اۋقاتتاندىرۋ كاسىبىن دامىتىپ، اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن جوعارىلاتىپ، اۋىل شارۋاشىلىعىن كۇشەيتۋ، اۋىل شارۋاشىلىعىنا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ ونىمدىلىگىن جوعارىلاتقاندا، ءسوز جوق، قالىڭ حالىق بۇقاراسىن جۇڭگو ۇلگىسىندەگى وسىزامانداندىرۋدىڭ كوركەم بولاشاعىنا بىرگە قادام تاستاۋعا باستاۋعا بولادى.

وسىزاماندانۋدىڭ ءمانى − ادامنىڭ وسىزاماندانۋى، ەڭ سوڭعى نىساناسى − ادامنىڭ ەركى مەن جان - جاقتىلى دامۋىن جۇزەگە اسىرۋ. پارتيا 20 - كەزەكتى ورتالىق كوميتەتى 4 - جالپى ءماجىلىسىنىڭ رۋحىن دايەكتىلەندىرىپ جانە امالياتتا ايگىلەپ، باستان اقىر حالىق بۇقاراسىمەن جاپا - ماشاقاتتا بىرگە بولىپ، حالىقپەن تىلەكتەس بولىپ، حالىقتىڭ ويلاعانىن ويلاپ، حالىقتىڭ تاپسىرماسىن ورىنداپ، دامۋ بارىسىندا حالىق تۇرمىسىن كەپىلدەندىرىپ جانە ساپالاندىرىپ، ادامداردىڭ جالپى بەتتىك دامۋىن ىلگەرىلەتىپ، جالپى حالىقتىڭ ورتاق بايۋىندا مىقتى قادام تاستاي الساق، ءسوز جوق، جاڭا جورىقتا جاڭا تاريحي ۇلى ىستەردى جاراتا الامىز.

كەلۋ قاينارى: حالىق تورابى