HPV ۆاكسيناسى مەملەكەتتىك يممۋنيتەت جوباسىنا ەنگىزىلدى 

حالىق گازەتىنىڭ ءتىلشىسى شىن شاۋتيە 10 – ايدىڭ 30 – كۇنى بەيجيڭنەن حابارلايدى. مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسى، مەملەكەتتىك دەنساۋلىق ساقتاۋ – سالاماتتىق كوميتەتى، وقۋ – اعارتۋ مينيسترلىگى قاتارلى 7 تاراۋ 10 – ايدىڭ 30 – كۇنى «ومىراۋ ءۇرپى وسپەسى ۆيرۋسىنان ساقتانۋ ۆاكسياسىن مەملەكەتتىك يممۋنيتەت جوباسىنا ەنگىزۋگە قاتىستى قىزمەتتەر جونىندەگى ۇقتىرۋدى» بىرگە جاريالاعان، 2025 – جىلى 11 – ايدىڭ 10 – كۇنىنەن باستاپ، ومىراۋ ءۇرپى وسپەسى ۆيرۋسىنان (HPV) ساقتانۋ ۆاكسيناسىن مەملەكەتتىك يممۋنيتەت جوباسىنا ەنگىزۋ ماقۇلداعان، جەر – جەردى ۇيىمداستىرىپ، 2011 – جىلى 11 – ايدىڭ 10 – كۇنىنەن كەيىن ومىرگە كەلگەن 13 جاسقا تولعان قىز بالالارعا ەكى رەت قوس ۆالەنتتى HPV ۆاكسيناسىن ەگەدى.

جاتىر موينى راگى — ايەلدەردە ۇنەمى كەزدەسەتىن قاتەرلى وسپە، ايەلدەردىڭ كوڭىل كۇيىنە جانە دەنساۋلىعىنا اۋىر دارەجەدە حاۋىپ توندىرەدى. 2023 – جىلى مەملەكەتتىك دەنساۋلىق ساقتاۋ – سالاماتتىق كوميتەتى، مەملەكەتتىك اۋرۋدىڭ الدىن الۋ جانە ونى تىزگىندەۋ مەڭگەرمەسى قاتارلى 10 تاراۋ «جاتىر موينى راگىن جويۋدى جەدەلدەتۋ ارەكەت جوسپارىن (2023 — 2030 – جىلدار)» باسىپ تاراتىپ، جەر – جەردەن HPV ۆاكسياسىن ەگۋ قىزمەتىن ىلگەرىلەتۋدى تالاپ ەتكەن، شارت – جاعدايى بار جەرلەردى HPV ۆاكسياسىن ەگۋدى تۇيىندە سىناق ەتۋدى ورىستەتۋگە شابىتتاندىرىپ، ءتۇرلى ارنالار ارقىلى ىزدەنىس جاساپ، بايلىق قاينارى جەتكىلىكسىز وڭىرلەردىڭ جاسى تولعان قىز بالالارعا ۆاكسينا ەگۋىنە قولداۋ كورسەتكەن. جۋىرداعى جىلداردان بەرى، جەر – جەر بەلسەندىلىكپەن ىزدەنىس جاساپ، ساياساتتاردى ورتاعا قويىپ، جاسى تولعان قىز بالالارعا HPV ۆاكسيناسىن ەككەن. ساناققا قاراعاندا، قازىر 18 ولكە بۇكىل ولكە بويىنشا نەمەسە ءبىر ءبولىم وڭىرلەردە حالىق تۇرمىسىنا ساياتىن نىساندار قاتارلى فورمالاردان پايدالانىپ، جاسى تولعان قىز بالالارعا HPV ۆاكسيناسىن تەگىن ەككەن نەمەسە ولارعا قوسىمشا قاراجات بەرگەن، بۇل مەملەكەتتىك دەڭگەيدە HPV ۆاكسياسىن مەملەكەتتىك يممۋنيتەت جوباسىنا ەنگىزۋگە شىنايى نەگىز قالاعان.

كەلۋ قاينارى: حالىق تورابى