بۇل راس! تىشقان عارىشقا شىعارىلاتىن بولدى 

10 – ايدىڭ 30 – كۇنى تۇستەن بۇرىن، شىنجوۋ 21 – ءنومىرلى عارىشكەرلەردى عارىشقا ۇشىرۋ مىندەتى جونىندەگى اقپار جاريالاۋ ءماجىلىسى جيۋچۋان جاساندى سەرىك ۇشىرۋ ورتالىعىندا اشىلدى.

مالىمدەمەشىسىنىڭ تانىستىرۋىنشا، جوسپار بويىنشا شىنجوۋ 21 – ءنومىرلى الەم كەمەسىنە وتىراتىن عارىشكەرلەر وربيتاداعى مەزگىلدە 27 ءتۇرلى عىلىمي جانە قولدانىلمالى نىساندى زەرتتەۋدى ورىستەتەدى، باستىسى، كەڭىستىكتىك تىرشىلىك عىلىمى جانە بيولوگيالىق تەحنيكا، عارىش مەديتسيناسى، كەڭىستىكتىك ماتەريال عىلىمى، ميكرو تارتىلىس كۇشى جاعدايىنداعى سۇيىقتىقتاردىڭ فيزيكالىق قوزعالىسى جانە جانۋى، عارىشتىق جاڭا تەحنيكالار قاتارلى ءتۇرلى سالالارداعى ءتۇيىندى عىلىمي ماسەلەلەر جونىندە ىشكەرىلەي، جۇيەلى زەرتتەۋ جۇرگىزەدى.

مۇنىڭ ىشىندە، تۇڭعىش رەت وربيتادا ەل ىشىندەگى كەمىرگىش ءسۇت قورەكتى جانۋارلارعا كەڭىستىك عىلىمى بويىنشا تاجىريبە جۇرگىزىلەدى، ەكى ۇرعاشى، ەكى ەركەك جيىنى 4 تىشقان تاڭدالعان، ولار الەم كەمەسىندە وربيتادا باعىلادى، سالماقسىزدانۋ، تۇيىق ورتا قاتارلى كەڭىستىكتىك شارت – جاعدايلاردىڭ تىشقاننىڭ ارەكەتىنە جاسايتىن ىقپالى ءتۇيىندى تۇردە زەرتتەلەدى. وسىدان سوڭ الەم كەمەسىمەن جەر بەتىنە قايتارىلىپ، ىشكەرىلەي عىلىمي تاجىريبە جۇرگىزىلىپ، تىشقاننىڭ دەنە مۇشەلەرىنىڭ كەڭىستىكتىك ورتاداعى تىتىركەندىرۋگە ۇندەسۋ جانە وزگەرىسكە ۇيلەسۋ زاڭدىلى تۋرالى ىزدەنىس جاسايدى.

كەلۋ قاينارى: حالىق تورابى