شي جينپيڭ كورەياعا جەتتى

سول جەر ۋاقىتى 10 - ايدىڭ 30 - كۇنى تۇستەن بۇرىن مەملەكەت ءتوراعاسى شي جينپيڭ كورەياعا جەتتى، كورەيا رەسپۋبليكاسىنىڭ زۇڭتۇڭى لي زايميڭنىڭ ۇسىنىسى بويىنشا ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 32 - رەتكى بەيرەسمي ماجىلىسىنە قاتىناسادى ءارى كورەيادا مەملەكەتتىك ساپاردا بولادى. سۋرەتتە: شي جينپيڭ فۋشان جينحاي حالىقارالىق اۋەجايىنا بارعاندا، كورەيانىڭ سىرتقى ىستەر مينيسترى جاۋ شيان قاتارلى جوعارى دارەجەلى ءمانساپتىلار قىزۋ قارسى الدى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

«حالىق گازەتى»، 10 - ايدىڭ 30 - كۇنى، كورەيا فۋشان (تىلشىلەر ماڭ جيۋچىن، ياڭ چياۋچۋ). سول جەر ۋاقىتى 10 - ايدىڭ 30 - كۇنى تۇستەن بۇرىن مەملەكەت ءتوراعاسى شي جينپيڭ ارناۋلى ۇشاقپەن كورەياعا جەتتى، كورەيانىڭ زۇڭتۇڭى لي زايميڭنىڭ ۇسىنىسى بويىنشا ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 32 - رەتكى بەيرەسمي ماجىلىسىنە قاتىناسادى ءارى كورەيادا مەملەكەتتىك ساپاردا بولادى.

شي جينپيڭ فۋشان جينحاي حالىقارالىق اۋەجايىنا جەتكەندە، كورەيانىڭ سىرتقى ىستەر مينيسترى جاۋ شيان قاتارلى جوعارى دارەجەلى ءمانساپتىلار قىزۋ قارسى الدى. قۇرمەت قاراۋىلى قىزىل كىلەمنىڭ ەكى جاعىنا ءتىزىلىپ قۇرمەت ءبىلدىردى، اسكەري وركەستر جورىق مۋزىكاسىن ورىندادى، اۋەجايدا 21 رەت قۇرمەت ساليۋتى اتىلدى.

ساي چي، ۋاڭ ي، حى ليفىڭ قاتارلى ساپارلاستارى سول ۇشاقپەن بىرگە باردى.

الدىن الا جەتكەن شياڭگاڭ ەرەكشە اكىمشىلىك رايونىنىڭ اكىمى لي جياچاۋ، جۇڭگونىڭ كورەيادا تۇراتىن باس ەلشىسى داي بيڭ دە اۋەجايعا بارىپ قارسى الدى.

جۇڭگولىق وقۋشىلار مەن جۇڭگو قارجىلاندىرعان كاسىپورىنداردىڭ ۋاكىلدەرى جۇڭگو مەن كورەيانىڭ مەملەكەت تۋلارىن بۇلعاپ، شي جينپيڭنىڭ ساپارلاي كەلگەندىگىن قىزۋ قارسى الدى.

«حالىق گازەتى»، 10 - ايدىڭ 30 - كۇنى، بەيجيڭ. مەملەكەت ءتوراعاسى شي جينپيڭ 10 - ايدىڭ 30 - كۇنى تۇستەن بۇرىن ارناۋلى ۇشاقپەن بەيجيڭنەن اتتاندى، كورەيانىڭ زۇڭتۇڭى لي زايميڭنىڭ ۇسىنىسى بويىنشا كورەيانىڭ چيڭجوۋىنا بارىپ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 32 - رەتكى بەيرەسمي ماجىلىسىنە قاتىناسادى ءارى كورەيادا مەملەكەتتىك ساپاردا بولادى.

شي جينپيڭمەن بىرگە ساپارلاي بارعانداردان: جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسە مەڭگەرمەسىنىڭ مەڭگەرۋشىسى ساي چي، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترلىگىنىڭ مينيسترى ۋاڭ ي، جۇڭگو كوممۋنيستىك پارتياسى ورتالىق كوميتەتى ساياسي بيۋروسى تۇراقتى كوميتەتىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ قاتارلىلار بار.

كەلۋ قاينارى: حالىق تورابى