«جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 15 ـ بەسجىلدىق جوباسىن جاساۋ تۋرالى ۇسىنىسى» جونىندەگى تۇسىنىك

شينحۋا اگەنتتىگىنىڭ 10 ـ ايدىڭ 31 ـ كۇنى بەيجيڭنەن بەرگەن حابارى. 11 ـ ايدىڭ 1 ـ كۇنى باسپادان شىعاتىن «ىزدەنۋ» جۋرنالىنىڭ 21 ـ سانىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ «جۇڭگو كوممۋنيستىك پارتياسى ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ <15 ـ بەسجىلدىق جوباسىن جاساۋ تۋرالى ۇسىنىسى> جونىندەگى تۇسىنىك» اتتى ماڭىزدى ماقالاسى جاريالانادى.

شي جينپيڭ بىلاي دەپ اتاپ كورسەتتى: ورتا، ۇزاق مەرزىمدىك جوبا جاساۋ ارقىلى ەكونوميكالىق، قوعامدىق دامۋعا جەتەكشىلىك ەتۋ — پارتيامىزدىڭ ەل باسقارۋداعى ءبىر ماڭىزدى ءتاسىلى. ”15 ـ بەسجىلدىق“ جوبانى ويداعىداي زەرتتەپ جاساۋ ەلىمىز ەكونوميكاسىنىڭ، قوعامىنىڭ باياندى، اقاۋسىز دامۋىن ىلگەرىلەتىپ، سوتسياليستىك وسىزامانداندىرۋدى ۋاعىندا نەگىزىنەن جۇزەگە اسىرۋعا اناعۇرلىم بەرىك نەگىز قالاۋ جونىنەن كەلەلى مانگە يە. «ۇسىنىس» نۇسقاسى ”15 ـ بەسجىلدىق“ مەزگىلىندەگى پارتيا مەن مەملەكەت ىستەرى دامۋىنىڭ تاريحي ورنىن دۇرىس يگەرىپ، ەلىمىزدىڭ دامۋ ورتاسى ءدوپ كەلگەن تەرەڭ دە كۇردەلى وزگەرىستەرگە ىشكەرىلەي تالداۋ جاساپ، الداعى بەس جىلداعى دامۋ جونىندە جوعارى دەڭگەيلى جوبا جانە ستراتەگيالىق جوسپار جاسادى، بۇل قولايلى ساتتەن پايدالانىپ العا ۇمتىلىپ، جۇڭگو ۇلگىسىندەگى وسىزامانداندىرۋ قۇرىلىسىن ۇزدىكسىز ىلگەرىلەتۋدەگى تاعى ءبىر رەتكى جالپى اتتانىسقا كەلتىرۋ، جالپى ورنالاستىرۋ بولىپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتى بولۋى سىندى ەكى ۇلكەن كەرەمەتتىڭ تىڭ تاراۋىن ۇزدىكسىز جازۋداعى، جۇڭگو ۇلگىسىندەگى وسىزامانداندىرۋ قۇرىلىسىنىڭ جاڭا جاعدايىن قۇلشىنا اشۋداعى تاريحي ىرىقتىلىقتى ايگىلەدى، مۇنىڭ پارتيا مەن مەملەكەت ىستەرىنىڭ دامۋىنا كەلەلى دە تەرەڭ ىقپال جاسايتىنى ءسوزسىز.

شي جينپيڭ بىلاي دەپ اتاپ كورسەتتى: «ۇسىنىس» نۇسقاسىن دايىنداۋ بارىسىندا ءبىز مىناداي بىرنەشە ءتۇيىندى يگەرۋگە ءمان بەردىك. بىرىنشىدەن، نىسانانى باعدار ەتۋگە جانە ماسەلەنى باعدار ەتۋگە تاباندى بولۋ، ەكىنشىدەن، جۇيەلى وي جۇگىرتۋگە تاباندى بولۋ، ۇشىنشىدەن، رەفورمانى ونان ارى جاپپاي تەرەڭدەتۋگە تاباندى بولۋ، تورتىنشىدەن، سىرتقا ەسىك اشۋدى كەڭەيتۋگە تاباندى بولۋ.

شي جينپيڭ بىرنەشە ءتۇيىندى ماسەلە جونىندە تۇسىنىك جاسادى. ءبىرىنشى، ”15 ـ بەسجىلدىق“ مەزگىلىنىڭ ماڭىزدى ورنى جونىندە. ”15 ـ بەسجىلدىق“ مەزگىلى — نەگىزدى بەكەمدەيتىن، جاپپاي كۇش سالاتىن شەشۋشى مەزگىل، ”15 ـ بەسجىلدىق“ جوبانى ويداعىداي جاساعاندا جانە ويداعىداي اتقارعاندا 2035 ـ جىلى سوتسياليستىك وسىزامانداندىرۋدى نەگىزىنەن جۇزەگە اسىرۋعا اناعۇرلىم بەرىك نەگىز قالاي الامىز. ەكىنشى، ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋ نىساناسى جونىندە. «ۇسىنىس» نۇسقاسىندا ”15 ـ بەسجىلدىق“ مەزگىلىندەگى نەگىزگى ورىن مەن كەزەڭدىك تالاپ يگەرىلىپ، ەكونوميكالىق، قوعامدىق دامۋدىڭ باستى نىساناسى ايقىندالدى، ەكونوميكانىڭ ارتۋىن ۇيلەسىمدى ارالىقتا ساقتاۋ، تولىق فاكتورلى ءوندىرىس ونىمدىلىگىن ورنىقتى جوعارىلاتۋ، ەكونوميكانىڭ ارتۋ كومەسكى كۇشىن تولىق جارىققا شىعارۋ، تۇرعىندار كىرىسى مەن ەكونوميكانىڭ ارتۋىن تەڭ قادامدا جوعارىلاتۋ، ەڭبەكاقى مەن ەڭبەك ءوندىرىس ونىمدىلىگىن تەڭ قادامدا جوعارىلاتۋ، ورتاشا كىرىستەگى قاۋىمنىڭ قاتارىن ۇزدىكسىز مولايتۋ سياقتى ماڭىزدى نىسانالار ورتاعا قويىلدى. ءۇشىنشى، جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ جونىندە. «ۇسىنىس» ”14 ـ بەسجىلدىق“ جوبامەن تامىرلاس، جوعارى ساپالى دامۋدى ىلگەرىلەتۋدى ۇزدىكسىز ”15 ـ بەسجىلدىق“ مەزگىلىندەگى ەكونوميكالىق، قوعامدىق دامۋدىڭ باستى تاقىرىبى ەتىپ، ەكونوميكالىق قۇرىلىستى وزەك ەتۋگە تاباندى بولىپ، جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، جوعارى دەڭگەيلى عىلىم ـ تەحنولوگيادا ءوز كۇشىنە سۇيەنۋدى، ءوزىن الۋەتتەندىرۋدى جەدەلدەتىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتۋدى تالاپ ەتتى. ءتورتىنشى، ىشكى ۇلكەن اينالىمدى كۇشەيتۋ، ەل ءىشى جانە حالىقارا سىندى قوس اينالىمدى ىركىلىسسىزدەندىرۋ جونىندە. «ۇسىنىس» نۇسقاسىندا ىشكى ۇلكەن اينالىمدى كۇشەيتۋ كورنەكتىلەنىپ، قۋاتتى ىشكى بازاردى قۇرۋ، جوعارى دەڭگەيلى سوتسياليستىك بازار ەكونوميكاسى ءتۇزىلىسىن جەدەل ورناتۋ جونىندە ورنالاستىرۋ جاسالدى، سونىمەن بىرگە حالىقارالىق اينالىمدى كەڭەيتۋ، تۇزىمدىك ەسىك اشۋدى ورنىقتى كەڭەيتۋ ورتاعا قويىلدى. بەسىنشى، جالپى حالىقتى بىرگە بايىتۋدا نىق قادام تاستاۋ جونىندە. «ۇسىنىس» نۇسقاسىندا بىرگە بايۋدىڭ نىسانا، تالاپتارى مىقتى يگەرىلىپ، حالىق تۇرمىسىن قامتاماسىز ەتۋ مەن جاقسارتۋ ارقاۋ ەتىلىپ، جوعارى ساپالى، تولىق جۇمىستانۋدى جەبەۋ، كىرىس ءبولىسى ءتۇزىمىن كەمەلدەندىرۋ سياقتى جاقتاردا بىركەلكىلىگى مەن قولجەتىمدىلىگى كۇشتى ءبىر توپ ساياسات ـ شارا ورنالاستىرىلدى. التىنشى، دامۋ مەن حاۋىپسىزدىكتى ءبىر تۇتاس جوسپارلاۋ جونىندە. «ۇسىنىس» نۇسقاسىندا مەملەكەت حاۋىپسىزدىگى جۇيەسى مەن قابىلەتىنىڭ وسىزاماندانۋىن ىلگەرىلەتۋ ارقاۋ ەتىلىپ، مەملەكەت حاۋىپسىزدىگى جۇيەسىن اقاۋسىزداندىرۋ، ءتۇيىندى سالالارداعى مەملەكەت حاۋىپسىزدىگى قابىلەتى قۇرىلىسىن كۇشەيتۋ، قوعامدىق باسقارۋ جۇيەسىن كەمەلدەندىرۋ ورتاعا قويىلدى. جەتىنشى، پارتيانىڭ جالپى بەتتىك باسشىلىعىنا تاباندى بولۋ جونىندە. «ۇسىنىس» نۇسقاسىندا پارتيانىڭ ەكونوميكالىق، قوعامدىق دامۋعا باسشىلىق ەتۋ قابىلەتى مەن دەڭگەيىن جوعارىلاتۋ كوزدە ۇستالىپ، پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ جانە ونى كۇشەيتىپ، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن تياناقتاندىرۋ مەحانيزمىن كەمەلدەندىرۋ باسا دارىپتەلدى.