بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2025.11.03 16:19 كەلۋ قاينارى : شينجياڭ گازەتى
شينحۋا اگەنتتىگىنىڭ 11 ـ ايدىڭ 1 ـ كۇنى كورەيانىڭ چيڭجوۋىنان بەرگەن حابارى (تىلشىلەر جۋ جيچاي، فىڭ شينران). جەرگىلىكتى ۋاقىت 11 ـ ايدىڭ 1 ـ كۇنى تۇستەن بۇرىن مەملەكەت ءتوراعاسى شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 32 ـ رەتكى باسشىلار بەيرەسمي ءماجىلىسىنىڭ وتاعاسى ەل مىندەتىن وتكىزىپ بەرۋ ـ وتكىزىپ الۋ بۋىنىنا قاتىناسىپ، جۇڭگو جاقتىڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 33 ـ رەتكى باسشىلار بەيرەسمي ءماجىلىسىن كەلەر جىلى 11 ـ ايدا گۋاڭدۇڭ ولكەسىنىڭ شىنجىن قالاسىندا وتكىزەتىندىگىن جاريالادى.
شي جينپيڭ بىلاي دەپ باسا دارىپتەدى: ازيا - تىنىق مۇحيت ەكونوميكالىق سەلبەستىك ۇيىمى — ازيا - تىنىق مۇحيت وڭىرىندەگى ەڭ ماڭىزدى ەكونوميكالىق سەلبەستىك مەحانيزمى، ول ازيا - تىنىق مۇحيت ءوڭىرىنىڭ ارتۋى مەن گۇلدەنۋىن جەبەۋگە ماڭىزدى ۇلەس قوستى. ازيا - تىنىق مۇحيت ورتاق تۇلعاسىن قۇرۋ — ازيا - تىنىق مۇحيت ءوڭىرىنىڭ ۇزاق بولاشاقتىق دامۋىن، گۇلدەنىپ ـ كوركەيۋىن جۇزەگە اسىرۋدا، ءسوزسىز، باسىپ وتەتىن جولى ءارى ءار جاقتىڭ ورتاق ارمانى. 2026 ـ جىلى جۇڭگو 3 ـ رەت ازيا - تىنىق مۇحيت ەكونوميكالىق سەلبەستىك ۇيىمىنىڭ وتاعاسى ەلى بولادى. جۇڭگو جاق مۇنى وراي ەتىپ، ءار جاقپەن ازيا - تىنىق مۇحيت ورتاق تۇلعاسىن قول ۇستاسا قۇرىپ، ازيا - تىنىق مۇحيت ءوڭىرىنىڭ ارتۋى مەن گۇلدەنۋىن جەبەپ، ازيا - تىنىق مۇحيت وڭىرىندەگى ەركىن ساۋدا رايونى، ۇلاستىرۋ ـ تۇتاستىرۋ، سيفرلى ەكونوميكا، جاساندى زەردە سياقتى ناقتى ىستەر سەلبەستىگىن كۇش سالا ىلگەرىلەتىپ، ازيا - تىنىق مۇحيت ءوڭىرىنىڭ دامۋىنا اناعۇرلىم زور ومىرشەڭ كۇش جانە قوزعاۋشى كۇش ۇستەپ، ازيا - تىنىق مۇحيت وڭىرىندەگى حالىققا اناعۇرلىم كوپ باقىت جاراتۋدى قالايدى.
شي جينپيڭ بىلاي دەپ اتاپ كورسەتتى: شىنجىن تىنىق مۇحيت جاعالاۋىنا ورنالاسقان، نەشە ون جىلدا مەشەۋ شاعىن بالىقشىلىق قىستاقتان دامىپ وسىزاماندانعان حالىقارالىق ءىرى قالاعا اينالدى، بۇل جۇڭگو حالقى جاراتقان دۇنيە ءجۇزىنىڭ دامۋ تاريحىنداعى ءبىر كەرەمەت، سونداي ـ اق جۇڭگونىڭ ءوزارا پايدا جەتكىزىپ تەڭ يگىلىككە كەنەلەتىن اشىق ۇستاۋ ستراتەگياسىن بۇلجىماي اتقارۋىنىڭ ماڭىزدى تەرەزەسى. ءار جاقتىڭ كەلەر جىلى شىنجىن كەزدەسۋىنە بىرگە بارىپ، ازيا - تىنىق مۇحيت ءوڭىرىنىڭ دامۋ ۇلى جوسپارىن بىرگە اقىلداسىپ، ازيا - تىنىق مۇحيت ءوڭىرىنىڭ كوركەم بولاشاعىن بىرگە جاراتۋىن ءۇمىت ەتەمىن.
ماجىلىسكە قاتىناسقان ەكونوميكالىق تۇلعالاردىڭ باسشىلارى جۇڭگونىڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 2026 ـ جىلعى وتاعاسى ەل بولۋىن بەلسەنە قولدادى، جۇڭگو جاقتىڭ ءماجىلىس وتكىزۋ ۇستانىمىن قۇپتادى، ازيا - تىنىق مۇحيت ەكونوميكالىق سەلبەستىك ۇيىمى «جۇڭگو جىلىنىڭ» تولىق تابىسقا جەتۋىن، وڭىرلىك سەلبەستىكتى ىلگەرىلەتۋگە، بىرگە دامۋدى، گۇلدەنۋدى جەبەۋگە ۇلەس قوسۋىن ءۇمىت ەتتى.
