شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنىڭ 32 ـ رەتكى باسشىلار بەيرەسمي ماجىلىسىنە ۇزدىكسىز قاتىناستى

جەرگىلىكتى ۋاقىت 11 - ايدىڭ 1 - كۇنى تۇستەن بۇرىن مەملەكەت ءتوراعاسى شي جينپيڭ كورەيانىڭ چيڭجوۋىندا ازيا - تىنىق مۇحيت ەكونوميكالىق سەلبەستىك ۇيىمىنىڭ 32 - رەتكى باسشىلار بەيرەسمي ءماجىلىسىنىڭ 2 - كەزەڭدىك ماجىلىسىنە قاتىناستى ءارى «باياندى كوركەم بولاشاقتى بىرگە جاراتايىق» دەگەن تاقىرىپتا ماڭىزدى ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

جەرگىلىكتى ۋاقىت 11 - ايدىڭ 1 - كۇنى تۇستەن بۇرىن مەملەكەت ءتوراعاسى شي جينپيڭ كورەيانىڭ چيڭجوۋىندا ازيا - تىنىق مۇحيت ەكونوميكالىق سەلبەستىك ۇيىمىنىڭ 32 - رەتكى باسشىلار بەيرەسمي ءماجىلىسىنىڭ 2 - كەزەڭدىك ماجىلىسىنە قاتىناستى ءارى «باياندى كوركەم بولاشاقتى بىرگە جاراتايىق» دەگەن تاقىرىپتا ماڭىزدى ءسوز سويلەدى. سۋرەتتە: ماجىلىستەن كەيىن ماجىلىسكە قاتىناسقان ەكونوميكالىق تۇلعالاردىڭ باسشىلارى، ۋاكىلدەرى توپتىق سۋرەتكە تۇسۋدە.

□ سۋرەتتى شينحۋا اگەنتتىگىنىڭ ءتىلشىسى ياۋ دا - ۋي تۇسىرگەن

شينحۋا اگەنتتىگىنىڭ 11 ـ ايدىڭ 1 ـ كۇنى كورەيانىڭ چيڭجوۋىنان بەرگەن حابارى (تىلشىلەر سۇن چىڭبين، گاۋ چۋان). جەرگىلىكتى ۋاقىت 11 ـ ايدىڭ 1 ـ كۇنى تۇستەن بۇرىن مەملەكەت ءتوراعاسى شي جينپيڭ كورەيانىڭ چيڭجوۋىندا ازيا - تىنىق مۇحيت ەكونوميكالىق سەلبەستىك ۇيىمىنىڭ 32 ـ رەتكى باسشىلار بەيرەسمي ءماجىلىسىنىڭ 2 ـ كەزەڭدىك ماجىلىسىنە قاتىناستى ءارى «باياندى كوركەم بولاشاقتى بىرگە جاراتايىق» دەگەن تاقىرىپتا ماڭىزدى ءسوز سويلەدى.

شي جينپيڭ بىلاي دەپ اتاپ كورسەتتى: قازىر جاڭا كەزەكتى عىلىم ـ تەحنولوگيا توڭكەرىسى مەن كاسىپ سالاسى وزگەرىسى ىشكەرىلەي دامىپ، ادامزات قوعامىنا جاڭا بولاشاق اشتى. سونىمەن بىرگە دۇنيە ءجۇزى ەكونوميكاسىنىڭ ارتۋ قوزعالىس قۋاتى جەتكىلىكسىز بولۋدا، الەمدىك دامۋ قىزىل سيفرى ۇلعايۋدا، كليمات وزگەرىسى، استىق جانە ەنەرگيا حاۋىپسىزدىگى سياقتى سىن ـ سايىستار كۇشەيۋدە. ازيا - تىنىق مۇحيت وڭىرىندەگى ەكونوميكالىق تۇلعالار ءوزارا پايدا جەتكىزۋ سەلبەستىگىن كۇشەيتىپ، جاڭا ورايدى يگەرىپ، جاڭا سىن ـ سايىستارعا توتەپ بەرىپ، باياندى كوركەم بولاشاقتى بىرگە جاراتۋى كەرەك.

شي جينپيڭ تومەندەگىدەي 3 ۇسىنىستى ورتاعا قويدى:

ءبىرىنشى، سيفرلى، زەردەلى قۋات ۇستەۋدى كۇشەيتىپ، ازيا - تىنىق مۇحيت ءوڭىرىنىڭ جاڭالىق اشا دامۋداعى تىڭ باسىمدىعىن تۇلعالاۋ كەرەك. جاڭا تەحنولوگيانىڭ قوزعالتۋ جانە قۋات ۇستەۋ رولىن تولىق ساۋلەلەندىرىپ، سيفرلانۋ، زەردەلىلەنۋ، جاسىلدانۋ ورايىن مىقتى يگەرىپ، جاڭاشا وندىرگىش كۇشتەردى جەدەل جەتىلدىرۋ ـ دامىتۋ كەرەك. ساندى مالىمەتتەردىڭ حاۋىپسىز، ءتارتىپتى اينالىمىن ىلگەرىلەتىپ، تەحنولوگيانىڭ كوزىن اشۋ بويىنشا اشىق ۇستاۋدى، سەلبەستىك جاساۋدى تەرەڭدەتىپ، باسەكەلىك قۋاتقا يە اشىق جاڭالىق اشۋ ەكولوگياسىن قۇرۋ كەرەك. بۇكىل ادامزاتتىڭ قۇت ـ ىرىسىن كوزدەپ، جاساندى زەردەنىڭ پايدالى، حاۋىپسىز، ءادىل بەتالىسقا قاراي اقاۋسىز، ءتارتىپتى دامۋىن جەبەۋ كەرەك. جۇڭگو دۇنيە جۇزىلىك جاساندى زەردە سەلبەستىك ۇيىمىن قۇرىپ، حالىقارالىق قوعامعا جاساندى زەردە الەۋمەتتىك ونىمدەرىن ازىرلەۋدى دارىپتەيدى، ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەرمەن بىرگە حالىقتىڭ جاساندى زەردە دەڭگەيىن بىرگە جوعارىلاتىپ، ازيا - تىنىق مۇحيت ءوڭىرىنىڭ سيفر جانە زەردە جىلعاسىن تولتىرۋدى قالايدى.

ەكىنشى، جاسىل، تومەن كومىر قىشقىل گازدى بولۋعا تاباندى بولىپ، ازيا - تىنىق مۇحيت ءوڭىرىنىڭ باياندى دامۋىنىڭ جاڭا ۇلگىسىن تۇلعالاۋ كەرەك. ۇرپاقتارعا جاۋاپتى بولۋ پوزيتسياسىن ۇستانىپ، جاسىل دامۋ ستراتەگيالارىن ۇشتاستىرۋدى كۇشەيتىپ، ساپالى، جاسىل تەحنولوگيالار مەن ونىمدەردىڭ ەركىن اينالىمىن جەبەپ، دامۋ ءتاسىلىنىڭ جاسىل، تومەن كومىر قىشقىل گازدى تيپ جاڭالاۋىن جەدەل ىلگەرىلەتىپ، كليمات وزگەرىسىنە بەلسەنە توتەپ بەرۋ كەرەك. جۇڭگو كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋ، كومىر قىشقىل گازىن بەيتاراپتاندىرۋ نىساناسىن جاريالاعاننان بەرى الەمدەگى ەڭ ۇلكەن، دامۋى ەڭ تەز قايتا تۋىندايتىن بايلىق جۇيەسىن ورناتىپ، كليمات وزگەرىسىنە توتەپ بەرۋ جونىندە 2035 ـ جىلعى مەملەكەتتىڭ دەربەس ۇلەس قوسۋ نىساناسىن تاپسىردى، الداعى جەردە كومىر قىشقىل گازىنىڭ شىعارىلۋ جالپى مولشەرى مەن كۇشەمەلىلىگى سىندى قوس تىزگىندەۋ ءتۇزىمىن جاپپاي اتقارادى.

ءۇشىنشى، جالپىعا ءتيىمدى بولىپ، بىرگە ءبولىسۋدى تياناقتاندىرىپ، ازيا - تىنىق مۇحيت ءوڭىرىنىڭ سيىسىمدى دامۋ جاڭا بەينەسىن ايگىلەۋ كەرەك. حالىقتى بارىنەن جوعارى قويۋعا تاباندى بولىپ، ساياساتتىق بايلانىستى، تاجىريبەلەردى ءبولىسۋدى، ناقتى ىستەر سەلبەستىگىن كۇشەيتىپ، بىرلەسكەن مەملەكەتتەر ۇيىمىنىڭ 2030 ـ جىلعا دەيىنگى باياندى دامۋ كەڭەستىك ءتارتىبىن جاپپاي تياناقتاندىرىپ، كەدەيلىكتى قول ۇستاسا جويىپ، ازيا - تىنىق مۇحيت وڭىرىندەگى جالپى حالىقتىڭ بىرگە بايۋىن جەبەۋ كەرەك. ازيا - تىنىق مۇحيت ەكونوميكالىق سەلبەستىك ۇيىمىنىڭ ەكونوميكا، تەحنولوگيا سەلبەستىگىندەگى ءداستۇرلى باسىمدىعىن تولىق ساۋلەلەندىرىپ، وركەندەپ كەلە جاتقان ەكونوميكالىق تۇلعالاردىڭ بىركەلكى دامۋىن جۇزەگە اسىرۋعا دەم بەرۋ كەرەك. جۇڭگو جالپى قاۋىمدى، تۇتاس عۇمىر پەريوتىن قامتىعان جان سانىنا قىزمەت وتەۋ جۇيەسىن جەدەل كەمەلدەندىرىپ، جان سانىنىڭ جوعارى ساپالى دامۋىن جەبەپ، جاساندى زەردە ارقىلى دەنساۋلىق ساقتاۋ، سالاماتتىق ىستەرىنە دەم بەرۋ، ايەلدەر قاۋىمىنىڭ سيفر ورەسىن جوعارىلاتۋ سياقتى باستامالاردى تياناقتاندىرۋدى ىلگەرىلەتىپ، ازيا - تىنىق مۇحيت وڭىرىندەگى حالىقتى اناعۇرلىم كوپ سەلبەستىك جەتىستىكتەرىنەن يگىلىكتەندىرەدى.

ءماجىلىس «2025 ـ جىلى APEC باسشىلارىنىڭ چيڭجوۋ جارناماسى»، «APEC جاساندى زەردە باستاماسى»، «APEC جان سانى قۇرىلىمىنىڭ وزگەرىسىنە توتەپ بەرۋ جۇلگەلىك سەلبەستىك حۇجاتى» سياقتى جەتىستىك حۇجاتتارىن جاريالادى.

ماجىلىستەن كەيىن ماجىلىسكە قاتىناسقان ەكونوميكالىق تۇلعالاردىڭ باسشىلارى توپتىق سۋرەتكە ءتۇستى.

10 ـ ايدىڭ 31 ـ كۇنى كەشتە شي جينپيڭ ازيا - تىنىق مۇحيت ەكونوميكالىق سەلبەستىك ۇيىمىنىڭ باسشىلار بەيرەسمي ءماجىلىسىنىڭ قارسى الۋ قوناعاسىنا قاتىناستى.

ۋاڭ ي جوعارىداعى قيمىلدارعا قاتىناستى.