شي جينپيڭ تەلەگرامما جولداپ كانوليدىڭ يرلانديانىڭ زۇڭتۇڭى بولىپ تاعايىندالعاندىعىن قۇتتىقتادى

شينحۋا اگەنتتىگى، 11 - ايدىڭ 11 - كۇنى، بەيجيڭ. 2025 - جىلى 11 - ايدىڭ 11 - كۇنى مەملەكەت ءتوراعاسى شي جينپيڭ كايسلين كانوليعا تەلەگرامما جولداپ، ونىڭ يرلانديانىڭ زۇڭتۇڭى بولعاندىعىن قۇتتىقتادى.

شي جينپيڭ بىلاي دەپ اتاپ كورسەتتى: جۇڭگو مەن يرلانديا ديپلوماتيالىق قارىم - قاتىناس ورناتقان 46 جىلدان بەرى ءوزارا ۇيرەنۋ، ءوزارا ۇلگى الۋ، دوستىق سەلبەستىك بارىسىندا قول ۇستاسا دامىپ، كورنەكتى تابىستارعا قول جەتكىزدى. تاياۋ جىلداردان بەرى ەكى ەلدىڭ ءار دارەجەلى بارىس - كەلىسى جيىلەپ، ناقتى سەلبەستىگىندە سۇبەلى تابىستارعا قول جەتتى. مەن جۇڭگو - يرلانديا قارىم - قاتىناسىنىڭ دامۋىنا ايرىقشا ءمان بەرەمىن، كانولي زۇڭتۇڭمەن بىرگە قۇلشىنىپ، ساياسي ءوزارا سەنىمدىلىكتى كۇشەيتىپ، ءداستۇرلى دوستىقتى جالعاستىرىپ، كوپ جاقتىلىقتى جانە ەركىن ساۋدانى بىرگە قولداپ، جۇڭگو مەن يرلانديانىڭ ءوزارا تيىمدىلىك جاساۋ ستراتەگيالىق سەرىكتەستىك قارىم - قاتىناسىنىڭ ۇزدىكسىز العا دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.