اۋىل شارۋاشىلىعى سالاسىندا اۋا رايىنا قاتىستى مەملەكەت دارەجەلى قىزمەت وتەيتىن ”اۋىل شارۋاشىلىعى سالاسىندا اپاتقا قاتىستى دابىل قاعۋ“ شاعىن پروگرامماسى ىسكە قوسىلدى

حالىق گازەتىنىڭ ءتىلشىسى لي حۇڭمەي 12 – ايدىڭ 2 – كۇنى بەيجيڭنەن حابارلايدى. ءتىلشىنىڭ جۇڭگو اۋا رايى مەڭگەرمەسىنەن ۇعىسۋىنشا، جۋىردا ەلىمىز بويىنشا تۇڭعىش رەت اۋىل شارۋاشىلىعى سالاسىنداعى وندىرىسشىلەرگە ارنالعان اۋىل شارۋاشىلىعى سالاسىندا اۋا رايىنا قاتىستى مەملەكەت دارەجەلى قىزمەت وتەيتىن ”اۋىل شارۋاشىلىعى سالاسىنداعى اپاتقا قاتىستى دابىل قاعۋ“ ۋيشين شاعىن پروگرامماسى رەسمي تۇردە ينتەرنەتكە شىعارىلىپ، ىسكە قوسىلدى.

”اۋىل شارۋاشىلىعى سالاسىندا اپاتقا قاتىستى دابىل قاعۋ“ شاعىن پروگرامماسى مەملەكەتتىك اۋا رايى مەڭگەرمەسىنىڭ اۋىل شارۋاشىلىعى سالاسىندا اۋا رايىنا قاتىستى مەملەكەت دارەجەلى قىزمەت وتەۋ جۇيەسى مەن ساندى مالىمەت بايلىعىنا سۇيەنىپ، ”اپاتتان بۇرىن دابىل قاعۋدان“ ”اپات تۋىلعان سوڭ توتەپ بەرۋگە“ دەيىنگى تۇتاس تىزبەك بويىنشا ءبىر بەكەتتىك قىزمەت وتەيدى. سونىمەن بىرگە، شاعىن پروگرامما ارقىلى شارۋالاردىڭ اۋىل شارۋاشىلىعى سالاسىنداعى اپات جاعدايىن جوعارىعا جولداۋىنا، بەلگىلى سالاداعى اپات جاعدايى تۋرالى ارناۋلى مالىمەتتەردى قابىلداۋىنا، ماماندارعا سۇراۋ قويۋىنا بولادى، وسى ارقىلى ”شارۋالار – ماماندار“ سىندى قوس باعىتتاعى تىلدەسۋ ىسكە اسىرىلىپ، ساندى مالىمەتتەردىڭ تۇيىق اينالىمى مەن ”قاجەتسىنۋ باعدارى“ جونىندەگى عىلىمي زەرتتەۋ تۇيىق اينالىمى قالىپتاستىرىلىپ، مودەلدى جاقسارتۋ مەن تەحنيكانى جاڭعىرتۋدى ىلگەرىلەتەدى. اپات جاعدايىن باقىلاۋ، الدىن الا بولجام جاريالاۋ، حاۋىپ – قاتەردى ساراپتاۋ، دابىل قاعۋ، اۋىل شارۋاشىلىعىنا قاتىستى قىزمەت وتەۋ، عىلىمدى جالپىلاستىرۋ ماقساتىنداعى ءتالىم – تاربيە قاتارلى كوپ ءتۇرلى يقۋات توعىستىرىلعان، اۋىل شارۋاشىلىعى سالاسىنداعى اۋا رايىنا قاتىستى ينفورماتسيالىق قىزمەت وتەۋ جاعىنداعى ”ەڭ سوڭعى ءبىر كيلومەتردى“ تۇتاستىرىپ، شارۋالاردىڭ اپاتتان عىلىمي تۇردە ساقتانۋىنا، اپات زيانىن ازايتىپ، كىرىسىن ارتتىرۋىنا دەم بەرىپ، استىق حاۋىپسىزدىگىنە كەپىلدىك ەتەدى.

”اۋىل شارۋاشىلىعى سالاسىندا اپاتقا قاتىستى دابىل قاعۋ“ شاعىن پروگرامماسىنىڭ ىسكە قوسىلۋى قاتىستى ۇجىمنىڭ ۇزاق جىلداردان بەرى عىلىمي زەرتتەۋ جۇرگىزۋىنىڭ ارقاسى. ۇزاق جىلداردان بەرى، نىسان ۇجىمى استىق وندىرەتىن ءۇش ماڭىزدى ءوندىرىس رايونىندا اتىزدا زور مولشەردە تاجىريبە جۇرگىزۋ مەن مودەلدى زەرتتەپ جاساۋدى ورىستەتىپ، داقىلدارعا قاتىستى اپاتتاردى باقىلاۋ جانە دابىل قاعۋ قاتارلى كوپ ءتۇرلى ءتۇيىندى تەحنيكالاردا ناتيجەگە قول جەتكىزدى. شاعىن پروگراممانىڭ قاتىستى يقۋاتتارى وسىنىڭ الدىندا جياڭشي، حيلۇڭجياڭ، حىنان قاتارلى ولكەلەردە سىناق رەتىندە ىسكە قوسىلعان، قازىر بۇكىل ەلىمىزدەگى قولدانۋشىلارعا بۇكىلدەي اشىق ۇستاۋ سىناق ەتىلۋدە، ۋيشيندە ”اۋىل شارۋاشىلىعى سالاسىندا اپاتقا قاتىستى دابىل قاعۋ“ (农灾警) دەپ جازىپ ىزدەسەڭىز بولادى، ياكي، مىناداي ەكى ولشەمدى كودتى جايمالاۋ ارقىلى پايدالانۋىڭىزعا بولادى.

كەلۋ قاينارى: حالىق تورابى