گۋاڭشيدىڭ ءىشى - سىرتى بىرلەسىپ قيمىلداپ، كاسىپ سالاسىن گۇلدەندىردى

شىعىستا جۋجياڭ - شيجياڭ ”التىن سۋ جولى“ گۋاڭدۇڭ - شياڭگاڭ - اۋمىن ۇلكەن شىعاناق رايونىمەن تۇتاسىپ، ورتا ەسەپپەن مينۋتىنا 425 توننادان استام زات شيجياڭنىڭ ”كومەكەيى“ سانالاتىن گۋاڭشي ۋجوۋ چاڭجوۋ سۋ يگىلىگى تورابى كەمە توسپاسىنان ءوتتى؛

وڭتۇستىككە قاراي باتىس بولەكتەگى قۇرلىق، تەڭىز جاڭا ارناسى تەمىر جول جەلىسى بەيبۋ شىعاناعىمەن تۇتاسادى، ورتا ەسەپپەن مينۋتىنا 853.8 توننا زات بەيبۋ شىعاناق پورتىمەن جونەلتىلەدى.

جەلكەسى بەيبۋ شىعاناعىنا ءتيىپ تۇر، ارقاسى كەڭ - بايتاق باتىس وڭتۇستىك، گۋاڭدۇڭ، شياڭگاڭ، اۋمىنمەن ىرگەلەس، شىعىس وڭتۇستىك ازياعا بەت العان، گۋاڭشيدىڭ وڭىرلىك ابزالدىعى ەرەكشە.

2023 - جىلى 12 - ايدا باس شۋجي شي جينپيڭ گۋاڭشيدە قىزمەت تەكسەرگەندە بىلاي دەپ باسا دارىپتەدى: ”ءىش پەن سىرتتىڭ ىقپالداستىعىن كۇشەيتىپ، اناعۇرلىم ومىرشەڭدىك كۇشكە يە اشىق ەكونوميكالىق جۇيە ورناتۋ كەرەك“، ”بەيبۋ شىعاناعى ەكونوميكالىق رايونى مەن جۋجياڭ - شيجياڭ ەكونوميكالىق بەلدەۋىن اشۋدى، اشىق ۇستاۋدى جەدەلدەتىپ، گۋاڭشيدى گۋاڭدۇڭ - شياڭگاڭ - اۋمىن ۇلكەن شىعاناق رايونىنىڭ ماڭىزدى ستراتەگيالىق قويناۋىنا اينالدىرۋ كەرەك“.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان گۋاڭشي اۋقىمعا قاراي قيمىلداپ، ءىش پەن سىرتتى ۇشتاستىرىپ، وسىزاماندانعان كاسىپ سالاسى جۇيەسىن جەدەل ورناتتى.

ۇلكەن شىعاناق رايونىمەن توعىسىپ، وڭىرلىك سايكەستى دامۋ اۋقىمىنىڭ يگىلىگىن كوردى −

تاڭ سارىدە شياڭگاڭ - جۋحاي - اۋمىن كوپىرىندە گۋاڭدۇڭ، شياڭگاڭ ەكى جەردىڭ ءنومىر تاقتاسى بار، گۋاڭشيدىڭ حىجوۋ قالاسىنداعى جاڭا كوكونىستەردى تولتىرا تيەگەن جۇك اۆتوموبيلى گۋاڭدۇڭنىڭ جۋحايىنان شياڭگاڭعا قاراي ءجۇردى. ”بيىل گۋاڭشيدىڭ تۇڭعىش توپتاعى شياڭگاڭ، اۋمىنعا توتە قاتىنايتىن قوس ءنومىر تاقتالى اۆتوكولىگى جولعا شىعىپ، ءداستۇرلى شەكارا اتتاعان تاسىمالدىڭ ’اۆتوموبيل الماستىرۋ − وتكەرمەلەۋ‘ ۇلگىسىن بۇزىپ، ’ءبىر جولدا تەكسەرىپ بەكىتۋدى، تۇتاس وڭىردە قاتىناۋدى‘ جۇزەگە اسىردى“. حىجوۋ اۋىل شارۋاشىلىعىنا قارجى قوسۋ توبى جىڭ - ي سەرىكتەستىگىنىڭ جاۋاپتىسى چىڭ يۇينيڭ بىلاي دەدى: ”اتىزدان داستارقانعا دەيىن، جاڭا كوكونىستەر ۇلكەن شىعاناق رايونىنا تىكە جەتتى“. بۇل كۇندە حىجوۋدا گۋاڭدۇڭ - شياڭگاڭ - اۋمىن شىعاناق رايونىنىڭ 100 دەن استام كوجە قاتىق بازاسى قۇرىلدى.

شيجياڭ وزەنىن ەندەي ءوتىپ، گۋاڭدۇڭ مەن گۋاڭشيدى، شياڭگاڭ مەن اۋمىندى تۇتاستىردى. گۋاڭشي بۇكىل ەل بويىنشا بىرلىككە كەلگەن ءىرى بازار قۇرىلىسىمەن توعىسىپ، گۋاڭدۇڭ - شياڭگاڭ - اۋمىن ۇلكەن شىعاناق رايونىمەن سەلبەستىكتىڭ تەرەڭدىگىن ۇزدىكسىز كەڭەيتتى:

قاتىناس الدىڭعى ورىنعا قويىلىپ، ءبىر جوبانى بىرگە سالدى. گۋاڭشي مەن گۋاڭدۇڭ اراسىندا 4 تەمىر جول، 10 جوعارى قارقىندىق تاس جول، 4 اۋە جولى ەكى جەردى كەسىپ وتەدى؛ 2024 - جىلى گۋاڭشي گۋاڭدۇڭ - شياڭگاڭ - اۋمىن ۇلكەن شىعاناق رايونىنا 15 ميلليون توننا ساپالى اۋىل شارۋاشىلىق ونىمدەرىن جەتكىزدى؛ اۋدانداردى گۇلدەندىرىپ، حالىقتى بايىتىپ، مەكەندى بىرگە قۇردى، 2024 - جىلى گۋاڭدۇڭ مەن گۋاڭشيدىڭ سەلبەستىگى گۋاڭشيدىڭ 50 تىزبەكتى تولىقتاۋ، شىنجىردى كۇشەيتۋ نىسانىن قۇرۋىنا دەم بەردى، 33 سەلبەسكەن اۋدان ”اۋدان - اۋداندى كاسىپ سالاسىمەن قامتۋ، باستاماشى كاسىپ سالاسى جەتەكتەۋ، ەرەكشە ابزالدىققا يە كاسىپ سالاسى“ سىندى دامۋ ارناسىنا قادام تاستادى.

بەيبۋ شىعاناعىمەن توعىسىپ، جوعارى دەڭگەيدەگى سىرتقا ەسىك اشۋ اۋقىمىنىڭ يگىلىگىن كوردى −

گۋدوك ءۇنى ەستىلىپ، ”حاي - انشى“ كەمەسى بەيبۋ شىعاناق پورتىنان باياۋ شىعىپ، ليۋجوۋدا وندىرىلگەن ءبىر توپ قۇرىلىس ماشيناسى سياقتى زاتتاردى تيەپ ۆيەتنامعا قاراي ءجۇردى. جۇك كەمەسى جۇرەتىن ”بەيبۋ شىعاناق پورتى - ۆيەتنام - سينگاپۋر“ جاڭا سۋ جولىنىڭ اشىلعانىنا 3 اي بولىپ، اپتالىق كەزەكشى كەمە قاتىنادى. باتىس بولەكتىڭ ىشكى بولەگىندەگى زاتتار بەيبۋ شىعاناق پورتى ارقىلى تەز ارادا تەڭىزگە شىعىپ، ”دەرەۋ جەتكىزىپ، دەرەۋ تيەپ، دەرەۋ جولعا سالۋدى“ جۇزەگە اسىرىپ، شىعىس وڭتۇستىك ازيا وداعى، ءۇندىستان، ەۆروپا، ا ق ش قاتارلى بازارلاردى شارپىدى.

ءبىر شىعاناق 11 ەلدى تۇتاستىرادى. گۋاڭشي بەيبۋ شىعاناق پورتىن تەڭىز، قۇرلىق قاقپاسى ەتىپ، قۇرلىق پەن تەڭىزدى ءبىر تۇتاس جوسپارلاپ، سىرتقا ەسىك اشۋدىڭ جاڭا بيىگىن قالىپتاستىردى: پورتتى الۋەتتەندىرىپ، حالىقارالىق توراپتىق تەڭىز پورتىن قۇردى، بەيبۋ شىعاناق پورتى شىعىس وڭتۇستىك ازيا وداعىنداعى ەلدەرمەن 42 تەڭىز لەنياسىن ىركەس - تىركەس اشتى؛ قىزمەت وتەۋدى ساپالىلاندىرىپ، رەفورما سىناعىن تىڭعىلىقتى ىستەدى، جۇڭگو (گۋاڭشي) ەركىن ساۋدا سىناق رايونى ”تەكسەرۋدەن كەشىرسە دەرەۋ قول جەتكىزۋ“ سياقتى ساۋدا ىستەرىن تىركەۋگە الۋدى تۇراقتاندىرۋ ءتۇزىمىن اتقارىپ، شىعىس وڭتۇستىك ازيا وداعىنداعى 8 مەملەكەتپەن ولشەم، كۋالاندىرۋ، اۋىس - كۇيىس، سەلبەستىك مەحانيزمىن ورناتتى؛ كەدەننەن تەز وتكىزىپ، تۇزىمدىك ەسىك اشۋدى ورنىقتى ىلگەرىلەتتى، ناننيڭ كەدەنى ”كەمە جاعاسىندا تىكە الۋ“ سياقتى كەدەننەن ءوتۋ ۇلگىسىن جالپىلاستىرىپ، ساۋدا ونىمدىلىگىن ۇزدىكسىز جوعارىلاتتى.

”ەكى شىعاناق توعىسىپ“، كاسىپ سالاسىن جوعارى ساپالى دامىتۋدىڭ يگىلىگىن كوردى −

زەردەلى سۇراۋ - جاۋاپ، قۇلتەمىردىڭ ەكسكۋرسيالاۋشىلارعا جول باستاۋى، ءۇش بۇكتەمەلى ەكراننىڭ مەڭگەرۋ جۇيەسىن توعىستىرۋ ... باس شتابى گۋاڭشيدىڭ ناننيڭ قالاسىنا ورنالاسقان رۇنجيان شەكتى جارنا سەرىكتەستىگىندە عىلىم - تەحنيكا ءتۇسى قويۋ. ۇكىمەت جەتەكشىلىك ەتىپ قولداۋ كورسەتتى، سەرىكتەستىك گۋاڭدۇڭ گۋاڭجوۋدا 100 دەن استام قىزمەتكەرى بار زەرتتەۋ - اشۋ ورنىن قۇردى، جەتىستىك ناننيڭدە كادەگە جاراپ، شىعىس وڭتۇستىك ازيا وداعىنداعى ەلدەردە قولدانىلدى. رۇنجيان شەكتى جارنا سەرىكتەستىگى الەۋمەتتىك ىستەر ءبولىمىنىڭ باس ديرەكتورى لي لينچياڭ بىلاي دەپ تانىستىردى: ”ءبىز شىعىس وڭتۇستىك ازيا وداعىنداعى 100 دەن استام جاساندى زەردەنى قولدانۋ جانە سيفرلاندىرۋ نىسانىن جالعاستىرىپ، شىعىس وڭتۇستىك ازيا وداعىنداعى ەلدەردىڭ 24 ەسەپتەۋ قۋاتى ورتالىعى قۇرىلىسىنىڭ تاسىمالداۋىنا، قورعاۋىنا ات سالىستىق، زەرتتەپ جاساعان ’جاساندى زەردە + وقىتۋ‘ ونىمدەرى مالايزيادا ءساتتى قولدانىلدى“.

ءىش پەن سىرت بىرلەسىپ ارەكەتتەنىپ، ءوزارا توعىسىپ، كاسىپ سالاسىنىڭ جوعارى ساپالى دامۋىن جەبەدى: ”ساننىڭ ۇيلەسىمدى ارتۋى“ بار، 2024 - جىلى گۋاڭدۇڭ، شياڭگاڭ، اۋمىن كاسىپورىندارىنىڭ گۋاڭشيدە قارجى قوسۋداعى 860 نىسانىنا تىڭنان قول قويىلدى، كەلىسىمدەگى قارجى قوسۋ جالپى سوماسى 206 ميلليارد 300 ميلليون يۋان بولدى، مۇنىڭ ىشىندە 656 جاساۋ كاسىبى نىسانى بار، قوسىلعان جالپى قارجىسى 148 ميلليارد 700 ميلليون يۋان؛ ”ساپانىڭ ءونىمدى جوعارىلاۋى“ دا بار، گۋاڭشي جۇڭگو - شىعىس وڭتۇستىك ازيا وداعى ەلدەرىنىڭ جاساندى زەردەنى قولدانۋ سەلبەستىك ورتالىعىن قۇرۋدى ىلگەرىلەتىپ، 61 جاساندى زەردە نىسانىن ىرگە تەبۋگە باۋراپ، ”شىعاناق رايونىندا زەرتتەۋ - اشۋ + گۋاڭشيدە جاساۋ + شىعىس وڭتۇستىك ازيا وداعى بازارى“ سىندى شەكارا اتتاعان كاسىپ سالاسى ەكولوگياسىن قالىپتاستىردى.

بيىل الدىڭعى 3 توقساندا گۋاڭشيدىڭ ەكونوميكالىق اينالىمى ورنىقتىلىق بارىسىندا جاقسارىپ، وڭىرلىك ءوندىرىس جالپى ءونىم قۇنى سايكەس مەزگىلدەگىدەن %5.3 ارتتى. الدىڭعى 10 ايدا گۋاڭشيدىڭ كولەمدەنگەن ونەركاسىبىنىڭ ارتقان قۇنى سايكەس مەزگىلدەگىدەن %7.6 ارتتى، كولەمدەنگەن جوعارى تەحنيكالى جاساۋ كاسىبىنىڭ ارتقان قۇنى سايكەس مەزگىلدەگىدەن %26.0 ارتتى.

”15 - بەسجىلدىق“ جوبا ۇسىنىسىندا ”جوعارى دەڭگەيدەگى سىرتقا ەسىك اشۋدى كەڭەيتىپ، سەلبەسىپ تەڭ يگىلىككە كەنەلۋدىڭ جاڭا جاعدايىن اشۋ“، ”وڭىرلىك ەكونوميكانىڭ ورنالاسۋىن ساپالىلاندىرىپ، وڭىرلەردىڭ سايكەستى دامۋىن جەبەۋ“ ورتاعا قويىلدى. ”ءبىز باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، پارتيا 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، مەملەكەتتىڭ ستراتەگيالىق جالپى جاعدايىن كوزدە ۇستاپ، گۋاڭشيدىڭ دامۋ ءىس جۇزىندىگىن تياناق ەتىپ، بەيبۋ شىعاناعىنان ويداعىداي پايدالانىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىمەن ىرىقتى تۇردە توعىسىپ، شىعىس وڭتۇستىك ازيا ەلدەرى وداعىن ءتۇيىن ەتكەن ەسىك اشۋ سەلبەستىگىن تەرەڭدەتىپ، ءبىر ءوڭىر شۇعىلاسىمەن جالپى جاعدايعا كورىك قوسامىز“ دەدى گۋاڭشي جۋاڭزۋ اۆتونوميالى رايوندىق پارتكومنىڭ شۋجيى چىن گاڭ.

كەلۋ قاينارى: حالىق تورابى