شۇعىل جاعدايلارعا توتەپ بەرۋدى باسقارۋ مينيسترلىگى ليانيۇنگاڭ – قورعاس جوعارى قارقىندى تاس جولىندا تۋىلعان قاتىناس شىرعالاڭىنا قاتىستى جۇمىستاردى رەتكە سالدى

جۇڭگو اقپارات تورابىنىڭ 12 – ايدىڭ 7 – كۇنى بەرگەن حابارى. شۇعىل جاعدايلارعا توتەپ بەرۋدى باسقارۋ مينيسترلىگىنىڭ ۋيشين الەۋمەتتىك تەكشەسىنىڭ حابارلاۋىنشا، 12 – ايدىڭ 6 – كۇنى ساعات 22 دە، G30 ليانيۇنگاڭ – قورعاس جوعارى قارقىندى تاس جولىنىڭ K3906 كيلومەترلىك ورنىنا جاقىن جەردە (شينجياڭنىڭ تارباعاتاي ايماعىنىڭ شيحۋ قالاسىنىڭ قالا رايونىنان شامامەن 70 كيلومەتر جەردە) كوپتەگەن اۆتوموبيل سوعىلىسقان شىرعالاڭ تۋىلىپ، 9 ادام قازا بولىپ، 7 ادام جارالانعان.

مالىمەتتى تاپسىرىپ العاننان كەيىن، شۇعىل جاعدايلارعا توتەپ بەرۋدى باسقارۋ مينيسترلىگىنىڭ مينيسترى ۋاڭ شياڭشي دەرەۋ ورنالاستىرۋ جاساپ، قوسالقى اپاتتاردىڭ تۋىلۋىنىڭ الدىن الۋ ءۇشىن قۇتقارۋدى عىلىمي تۇردە ۇيىمداستىرۋدى؛ جارالانعانداردى تولىق ەمدەۋدى جانە ءولىم – ءجىتىمدى بارىنشا ازايتۋدى؛ شىرعالاڭنىڭ سەبەبىن مۇمكىندىگىنشە تەزىرەك انىقتاۋدى، بىرەۋى ارقىلى وزگەسىن تۇسپالداۋدى جانە وسى تەكتەس اپاتتاردىڭ تۋىلۋىنان قاتاڭ ساقتانۋدى تالاپ ەتتى. كەزەكشى ءبولىمنىڭ باسشىلارى قۇتقارۋ – كومەكتەسۋ جانە ءبىرجاقتى ەتۋ جۇمىستارىنا بەينە كەسكىن ارقىلى ۇزدىكسىز جەتەكشىلىك ەتتى.

شۇعىل جاعدايلارعا توتەپ بەرۋدى باسقارۋ مينيسترلىگى قىزمەت گرۋپپاسى مەن قاتىستى مامانداردى شىرعالاڭ تۋىلعان جەرگە بارىپ قۇتقارۋ – كومەكتەسۋ جانە ءبىر جاقتى ەتۋ قىزمەتىنە جەتەكشىلىك ەتۋگە، جارالانعانداردى قۇتقارۋ – ەمدەۋگە سايكەسۋگە جىبەردى.

كەلۋ قاينارى: حالىق تورابى