حالىق اقشاسى تۋرالى تاعى ءبىر زور جاڭالىق

باس ستانسيا ءتىلشىسنىڭ اۋمىن فينانستى باسقارۋ مەكەمەسىنەن ۇعىسۋىنشا، جۇڭگو حالىق بانكەسى مەن اۋمىن فينانستى باسقارۋ مەكەمەسى 12 – ايدىڭ 5 – كۇنى ەكى جاقتى ۆاليۋتانى ءوزارا اۋىستىرۋ جونىندەگى كەلىسىمشارتقا جالعاستى قول قويعان ءارى تۇراقتى ءوزارا اۋىستىرۋ كەلىسىمشارتى دەڭگەيىنە جوعارىلاتقان، كەلىسىمشارت ۇزاق ۋاقىت بويى كۇشكە يە. ءوزارا اۋىستىرۋ كولەمى بۇرىنعى 30 ميلليارد يۋان حالىق اقشاسى \ 34 ميلليارد اۋمىن يۋانىنان 50 ميلليارد يۋان حالىق اقشاسى \ 57 ميلليارد اۋمىن يۋانىنا دەيىن جەتكىزىلگەن.

جۇڭگو حالىق بانكەسىنىڭ اڭعارتۋىنشا، بۇل شارانى اتقارۋداعى ماقسات — ىشكى ولكەلەر مەن اۋمىننىڭ فينانس جاقتاعى ورنىقتىلىعىن ونان ارى قورعاۋ، ەكى جاقتى ەكونوميكا – ساۋدا سەلبەستىگىنە ونان ارى قولداۋ كورسەتۋ، اۋمىننىڭ شەكارادان تىسقارى حالىق اقشاسى بازارىنىڭ ورنىقتى دامۋىن ىلگەرىلەتۋ.

اۋمىن فينانستى باسقارۋ مەكەمەسىنىڭ اڭعارتۋىنشا، وسى رەتكى كەلىسىمشارتقا جالعاستى قول قويۋ جانە ونى جاقسارتۋ اۋمىننىڭ فينانس بازارىنداعى حالىق اقشاسىنىڭ اينالىمىنا اناعۇرلىم مىعىم قولداۋ كورسەتىپ، اۋمىننىڭ فينانس قۇرىلىمدارىنىڭ حالىق اقشاسىنا قاتىستى جۇمىستاردى بىتىرۋىنە ءتيىمدى بولادى. بولاشاقتا فينانستى باسقارۋ مەكەمەسى اۋمىننىڭ فينانس قۇرىلىمدارىنىڭ ۆاليۋتا اۋىستىرۋ مەحانيزمى جانە حالىق اقشاسىمەن ەسەپ جابۋ ابزالدىلىعىن جالعاستى ىلگەرىلەتىپ، پورتۋگاليا ءتىلىن قولداناتىن مەملەكەتتەردىڭ ۇكىمەتتەرى مەن كاسىپورىندارىن اۋمىنگە كەلىپ قارجى قوسۋعا، قارجى قۇراۋعا باۋراپ ، اۋمىن ەرەكشە اكىمشىلىك رايونىنىڭ ”جۇڭگو مەن پورتۋگاليا ءتىلىن قولداناتىن مەملەكەتتەر اراسىندا فينانس جاعىندا قىزمەت وتەۋ تەكشەسىندىك“ رولىن اناعۇرلىم بەكەمدەيدى.

كەلۋ قاينارى: حالىق تورابى