جۇڭگو تۇتىنۋشىلار بىرلەستىگى ەسكەرتۋ بەردى: ءبىر ءبولىم قولونەر ويىنشىقتارىنىڭ  ماتەريالدارىنىڭ قۇرامىنداعى فورمالدەگيد مولشەرى ولشەمنەن اسىپ كەتۋى مۇمكىن 

جۇڭگو تۇتىنۋشىلار بىرلەستىگى 12 – ايدىڭ 8 – كۇنى تۇتىنۋشىلارعا مىناداي ەسكەرتۋ جاريالادى: ءبىر ءبولىم قولونەر ويىنشىقتارىنىڭ ماتەريالدارىنىڭ قۇرامىنداعى فورمالدەگيد مولشەرى ولشەمنەن اسىپ كەتۋى مۇمكىن، تۇتىنۋشىلار حاۋىپسىزدىك جانە ساقتىق تانىمىن كۇشەيتۋى كەرەك.

تانىستىرۋعا قاراعاندا، كوپتەگەن جاس تۇتىنۋشىلار جەلىمدەپ جاسالاتىن اشەكەي بۇيىمدار، اقپا قۇمدى ماجياڭ تاسى قاتارلى قولونەر ويىنشىقتارىن ءوز قولىمەن جاساۋدى ۇناتادى، الايدا، ءبىر ءبولىم تۇتىنۋشىلاردىڭ ارىزدانىپ اڭىس ەتۋىنشە، ولار UV جەلىمى، ورگانيكالىق اينەك قاتارلى شيكىزاتتاردان قولونەر بۇيىمدارىن جاساعان كەزدە، تەرىنىڭ قىشۋى، جۇتقىنشاقتىڭ جايسىزدانۋى، باس اينالۋ قاتارلى اۋرۋ بەلگىلەرى پايدا بولعان. بۇل ماتەريالداعى فورمالدەگيد قاتارلى زياندى زاتتاردىڭ ولشەمنەن اسىپ كەتۋىمەن قاتىستى بولۋى مۇمكىن. ءبىر ءبولىم قولونەر ويىنشىقتارىنا قولدانىلاتىن شيكىزاتتار ءاسىلى ونەركاسىپتە قولدانىلاتىن شيكىزاتتار سانالادى، مىسالى، كەيبىر UV جەلىمىنىڭ، اعاش شايىرىنىڭ، ورگانيكالىق اينەكتەردىڭ قۇرامىندا فورمالدەگيد، بەنزول زاتى قاتارلى بۋلانعىش زياندى زاتتار بار بولۋى مۇمكىن. ەگەر ولار حاۋىپسىزدىككە قاتىستى ءبىر جاقتى ەتۋ تارتىبىنەن وتپەي تۇرىپ، تىكەلەي كۇندەلىكتى تۇرمىستا قولونەر ويىنشىقتارىنا قولدانىلسا، زياندى زاتتاردىڭ ءۇي ىشىنە تارالۋىن وڭاي تۋىنداتىپ، دەنساۋلىققا زيان جەتكىزەدى.

كەلۋ قاينارى: حالىق تورابى