شي جينپيڭ ديپلوماتيا يدەياسىن ۇيرەنۋ، زەرتتەۋ قىزمەتى اڭگىمە ءماجىلىسى بەيجيڭدە اشىلدى

«حالىق گازەتى»، 12 - ايدىڭ 9 - كۇنى، بەيجيڭ (ءتىلشى گۇڭ ميڭ)، 12 - ايدىڭ 9 - كۇنى شي جينپيڭ ديپلوماتيا يدەياسىن ۇيرەنۋ، زەرتتەۋ قىزمەتى اڭگىمە ءماجىلىسى بەيجيڭدە اشىلدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، سىرتقى ىستەر مينيسترى ۋاڭ ي ماجىلىسكە قاتىناستى ءارى ءسوز سويلەپ بىلاي دەپ باسا دارىپتەدى: شي جينپيڭ ديپلوماتيا يدەياسىنىڭ عىلمي جەتەكشىلىگىنە تاباندى بولىپ، جۇڭگوشا ءىرى ەلدىك ديپلوماتيانىڭ جاڭا جاعدايىن ۇزدىكسىز اشۋ كەرەك.

ۋاڭ ي مىنالاردى ءبىلدىردى: شي جينپيڭ ديپلوماتيالىق يدەياسى _ ۇزدىكسىز دامىعان، اشىق ماركسيزم نازارياسى، باستان - اياق ءداۋىردىڭ ەڭ الدىڭعى لەگىندە تۇرىپ، دۇنيە ءجۇزىنىڭ جاڭا تاقىرىبىنا جاۋاپ بەرىپ، جۇڭگونىڭ ديپلوماتياسىنىڭ ەرلىكپەن العا باسۋىنا پارمەندى يدەيالىق قارۋ جانە عىلمي باعدارناما ازىرلەدى. باس شۋجي شي جينپيڭ ءبىرقىدىرۋ كەلەلى نازاريالىق جانە امالياتتىق جاڭالىقتاردى تىكەلەي ىلگەرىلەتىپ، جۇڭگونىڭ سىرتپەن اۋىس - كۇيىس قىزمەتىنە باسشىلىق ەتىپ، تاريحي تابىستارعا قول جەتكىزىپ، تاريحي وزگەرىستەر تۋدىردى. ءبىز «شي جينپيڭ ديپلوماتيا يدەياسىن ۇيرەنۋ باعدارلاماسىن» قايتا باسۋدى وراي ەتىپ، شي جينپيڭ ديپلوماتيا يدەياسىنىڭ نازاريادا جاڭالىق اشۋدى ىلگەرىلەتۋدەگى ءداۋىر العاباسارلىعىن، ۇلتتىڭ گۇلدەنۋىنە قىزمەت ەتۋدەگى تاريحي ىرىقتىلىعىن، جۇرتتىڭ قولداۋ - قولداماۋىن ايگىلەيتىن ءمورالدىق جەتەكشىلىك سيپاتىن، زاڭدىلىقتى يگەرۋ ءادىس - امالىنىڭ امالياتتىق جەتەكشىلىك سيپاتىن تەرەڭ ءتۇسىنىپ، جۇڭگوشا ءىرى ەل ديپلوماتياسىنىڭ جاڭا جاعدايىن ۇزدىكسىز اشۋىمىز كەرەك.

ۋاڭ ي بىلاي دەپ اتاپ كورسەتتى: جاڭا داۋىردەگى ديپلوماتيانىڭ ەرەكشە بارىسىن ەسكە العاندا، ءبىز باس شۋجي شي جينپيڭنىڭ ستراتەگيالىق جەتەكشىلىگى ءتۇبىرلى كەپىل، جۇڭگوشا ەرەكشەلىككە تاباندى بولۋ سەنىمنىڭ نەگىزى، ادامزاتتىڭ تاعدىرلاس ورتاق تۇلعاسىن قۇرۋ شۇعىلالى تۋ، جۇڭگو ۇلگىسىندەگى وسىزامانداندىرۋعا ءتيىمدى حالىقارالىق ورتا جاراتۋ وتەۋگە ءتيىستى بورىش ەكەندىگىن بارعان سايىن ايقىن سەزىنەمىز. ديپلوماتيا، سىرتقى ىستەر شەبى شي جينپيڭ ديپلوماتيا يدەياسىمەن اناعۇرلىم سانالى تۇردە وي - سانانى قارۋلاندىرىپ، ساياسي دەڭگەيدى اناعۇرلىم جوعارىلاتىپ، نازاريالىق قۇرىلىستى كۇشەيتىپ، جاۋاپكەرشىلىك ارقالاۋدى، ىسكەرلىك كورسەتۋدى ايگىلەپ، تاراتۋ ونىمدىلىگىن جوعارىلاتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە تىڭ دا اناعۇرلىم زور ۇلەس قوسۋى كەرەك.

اڭگىمە ءماجىلىسىن شي جينپيڭ ديپلوماتيا يدەياسىن زەرتتەۋ ورتالىعى وتكىزدى.