ءبىر ءبولىم قۇرىلىمدار چيڭحۋا داشۋەسىنىڭ اتىن جامىلىپ، وقۋشى قابىلداۋ تۋرالى جالعان اقپاراتتاردى تاراتقان

جۋىردا چيڭحۋا داشۋەسى وقۋشى قابىلداۋ كەڭسەسى ورتا مەكتەپتەر مەن اتا – انالاردىڭ جانە وقۋشىلاردىڭ اڭىسىن قابىلداعان، ولاردىڭ ايتۋىنشا، ءبىر ءبولىم قۇرىلىمدار مەن جەكەلەر چيڭحۋا داشۋەسىنىڭ اتىن جامىلىپ، وقۋشى قابىلداۋ تۋرالى ۇگىت جۇرگىزىپ، وقۋشى قابىلداۋعا قاتىستى جالعان ساياسات مازمۇنىن تاراتىپ، قوعامدا ناشار ىقپال تۋدىرعان. وسى جونىندە 12 – ايدىڭ 24 – كۇنى چيڭحۋا داشۋەسىنىڭ وقۋشى قابىلداۋ كەڭسەسى تولىق كۋرسقا وقۋشى قابىلداۋعا قاتىستى قىزمەتتەر جونىندە مىناداي قاتاڭ مالىمدەمە شىعارعان:

ءبىرىنشى، چيڭحۋا داشۋەسىنىڭ تولىق كۋرسكە وقۋشى قابىلدايتىن ءتۇرلى نىساندارىنا ەمتيحان بەرۋگە تىزىمدەلۋ تولىمدىلىعى، تاڭداۋ ءتارتىبى، قابىلداۋ ساياساتى قاتارلىلاردىڭ بارلىعى رەسمي جاريالانعان وقۋشى قابىلداۋ ەرەجەسى بويىنشا اتقارىلادى. رەسمي اقپاراتتاردى جاريالايتىن تەكشەلەر مىنالار:

تولىق كۋرسكە وقۋشى قابىلداۋ تورابى: https://join-tsinghua.edu.cn

ۋيشين الەۋمەتتىك تەكشسى: چيڭحۋاعا وقۋشى قابىلداۋ (tsingerhua)

بارشا وقۋشىلاردىڭ، اتا – انالاردىڭ جانە ورتا مەكتەپتەردىڭ رەسمي ارنالاردا جاريالانباعان ءارقانداي ۇگىتكە نەمەسە تۇسىندىرۋگە سەنبەۋىن، الدانىپ قالۋدان، زيانعا ۇشىراۋدان ساقتانۋىن ءۇمىت ەتەمىز.

ەكىنشى، چيڭحۋا داشۋەسى ءارقانداي جەكەگە نەمەسە قۇرىلىمعا ءارقانداي فورمادا وقۋشى قابىلداۋعا ساياتىن پايدا تابۋ ماقساتىنداعى كۋرس وتكىزۋ، ۇگىت جۇرگىزۋ جانە كەڭەس بەرۋ قيمىلىن ۇيىمداستىرۋ ۇقىعىن بەرمەگەن نەمەسە اماناتتاماعان. چيڭحۋا داشۋەسىنىڭ اتىندا وسى تەكتەس قيمىلداردى ورىستەتۋ ارەكەتىنىڭ بارلىعى ۇقىققا قول سۇققاندىق ەسەپتەلەدى، چيڭحۋا داشۋەسى وقۋشى قابىلداۋ كەڭسەسى ولاردىڭ زاڭدىق جاۋاپكەرشىلىگىن قۋزاستىرۋ ۇقىعىن پايدالانا الادى.

ءۇشىنشى، ەگەر وسىنداي جاعداي تۋىلسا، قوعامنىڭ ءار سالاسىنداعىلاردىڭ مىناداي تاسىلدەر ارقىلى چيڭحۋا داشۋەسىنىڭ وقۋشى قابىلداۋ كەڭسەسىنە اڭىس ەتۋىنە بولادى.

تەلەفون ءنومىرى: 62782051 – 010

ەلەكتروندىق پوچتا: zsb@tsinghua.edu.cn

كەلۋ قاينارى: حالىق تورابى