مەملەكەت اسكەرلىك مىندەتتەن بوساعان ءبىر ءبولىم اسكەريلەر مەن باسقا دا قامقورلىق جاسالاتىن وبيەكتىلەرگە بەرىلەتىن قامقورلىق كومەك قاراجاتىنىڭ ولشەمىن جوعارىلاتتى 

حالىق گازەتىنىڭ ءتىلشىسى لي لۇڭ – ي 12 – ايدىڭ 25 – كۇنى بەيجيڭنەن حابارلايدى. ءتىلشىنىڭ 12 – ايدىڭ 25 – كۇنى اسكەرلىك مىندەتتەن بوساعان اسكەريلەرگە قاتىستى ىستەر مينيسترلىگىنەن ۇعىسۋىنشا، اسكەري مىندەتتەن بوساعان اسكەريلەرگە قاتىستى ىستەر مينيسترلىگى مەن قازىنا مينيسترلىگى جۋىردا ۇقتىرۋ شىعارىپ، 2025 – جىلى 8 – ايدىڭ 1 – كۇنىنەن باستاپ، ءبىر ءبولىم اسكەري مىندەتتەن بوساعان اسكەريلەر مەن باسقا دا قامقورلىق جاسالاتىن وبيەكتىلەر قاتارلىلارعا بەرىلەتىن قامقورلىق قاراجاتى مەن تۇرمىستىق قوسىمشا قاراجاتتىڭ ولشەمىن جوعارىلاتۋدى ايقىن تۇراقتاندىرعان. ۇقتىرۋدا جەر – جەردەن ءىس جۇزىندىك جاعدايمەن ۇشتاستىرا وتىرىپ، مۇقيات دايەكتى تياناقتاندىرۋ، قامقورلىق قاراجات پەن تۇرمىستىق قوسىمشا قاراجاتتى دەر كەزىندە، تولىق تاراتۋدى تالاپ ەتكەن.

بيىل — جۇڭگو حالقىنىڭ جاپون شاپقىنشىلارىنا قارسى سوعىسى مەن دۇنيە جۇزىلىك فاشيزمگە قارسى سوعىستىڭ جەڭىسكە جەتكەندىگىنىڭ 80 جىلدىعى، مەملەكەتتىڭ قامقورلىق قاراجاتى مەن قوسىمشا قاراجاتتىڭ سوماسىن تاعى دا جوعارىلاتۋى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ اسكەري مىندەتتەن بوساعان اسكەريلەر جونىندەگى قىزمەتكە وسكەلەڭ ءمان بەرەتىنىن، كولەمى كەڭەيتىلىپ قامقورلىق جاسالاتىن وبيەكتىلەرگە بولعان قامقورلىعىن تولىق ايگىلەدى.

كەلۋ قاينارى: حالىق تورابى