شينجياڭ شىحىزى قالاشىعى دوبياۋ كومانداسى فۋتبولدان مەملەكەت بويىنشا اۋداندار ارا وتكىزىلگەن جارىستا اعا جۇلدەگەر بولدى

شينجياڭ گازەتىنىڭ 12 – ايدىڭ 25 – كۇنى ۇرىمجىدەن بەرگەن حابارى. انار بۇلت \ شينجياڭ گازەتىنىڭ ءتىلشىسى حۋاڭ شيڭ حابارلايدى: 12 – ايدىڭ 24 – كۇنى، گۇيلين قالاسىندا وتكىزىلگەن 2025 – جىلعى «بۇكىل حالىقتىق دەنە شىنىقتىرۋ، سالاماتتى جۇڭگو“ اتىنداعى فۋتبولدان مەملەكەت بويىنشا اۋداندار اراسىندا وتكىزىلگەن چەمپيوندار جارىسىنىڭ شەشۋشى جارىسىندا، شينجياڭ ءوندىرىس – قۇرىلىس بيڭتۋانى 8 – شىسى شىحىزى قالاشىعى دوبياۋ كومانداسى 4:1 ۇپايمەن حىنان ولكەسى شينياڭ قالاسى شيشيان اۋدانى جۇڭشين كومانداسىن جەڭىپ، اعا جۇلدەگەرلىككە قول جەتكىزدى. بۇل شينجياڭ كومانداسىنىڭ تۇڭعىش رەت وسى جارىستا اعا جۇلدەگەر بولۋى.

2025 – جىلعى ”بۇكىل حالىقتىق دەنە شىنىقتىرۋ، سالاماتتى جۇڭگو“ اتىنداعى فۋتبولدان ەلىمىز بويىنشا اۋداندار اراسىندا وتكىزىلگەن جارىس بۇكىل ەلىمىزدىڭ ءارقايسى اۋدان، رايون، قالا اراسىنداعى دوستىق جارىس، مەملەكەت بويىنشا ءارقايسى ولكە، اۆتونوميالى رايون، قالالار اراسىندا وتكىزىلگەن شەشۋشى جارىس، مەملەكەتتىك چەمپيوندار جارىسى قاتارلى ءۇش كەزەڭگە بولىنەدى. وسى رەتكى فۋتبولدان مەملەكەت بويىنشا وتكىزىلەتىن چەمپيوندار جارىسىنا مەملەكەت بويىنشا 940 نەشە اۋدان دارەجەلى اكىمشىلىك رايوندارداعى ون مىڭعا جۋىق كوماندا اراسىنان، نەگىزگى ساتىداعى 30 مىڭ رەتتەن استام جارىس جانە ولكە دارەجەلى شەشۋشى جارىس ارقىلى سارالانىپ شىققان 24 كوماندا قاتىناسقان.

كەلۋ قاينارى: حالىق تورابى