ورتالىقتىڭ اۋىل - قىستاق قىزمەتى ءماجىلىسى بەيجيڭدە اشىلدى

شينحۋا اگەنتتىگى، 12 - ايدىڭ 30 - كۇنى، بەيجيڭ. ورتالىقتىڭ اۋىل - قىستاق قىزمەتى ءماجىلىسى 12 - ايدىڭ 29 - كۇنىنەن 30 - كۇنىنە دەيىن بەيجيڭدە اشىلدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، باس شۋجي شي جينپيڭنىڭ اۋىل شارۋاشىلىعى، اۋىل - قىستاق، شارۋالار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن جاپپاي دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن تياناقتاندىرىپ، قازىرگى اۋىل شارۋاشىلىعى، اۋىل - قىستاق، شارۋالار قىزمەتىندە ءدوپ كەلگەن جاعدايلار مەن سىن - سايىسقا تالداۋ جاساپ، 2026 - جىلعى اۋىل شارۋاشىلىعى، شارۋالار قىزمەتىن ورنالاستىردى.

پارتيا ورتالىق كوميتەتى بۇل رەتكى ماجىلىسكە ايرىقشا ءمان بەردى. ماجىلىستەن بۇرىن ورتالىق كوميتەت ساياسي بيۋروسى تۇراقتى كوميتەتىنىڭ ءماجىلىسى وسى رەتكى ءماجىلىستى ويداعىداي اشۋ، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ايقىن تالاپتار قويدى.

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ جونىندە ماڭىزدى نۇسقاۋ بەردى. شي جينپيڭ بىلاي دەپ اتاپ كورسەتتى: 2026 - جىل _ ”15 - بەسجىلدىقتىڭ“ باستاما جىلى، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋ توتەنشە ماڭىزدى. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتىپ، قالا مەن اۋىلدىڭ توعىسپالى دامۋىن ىلگەرىلەتۋ كەرەك. استىق ءوندىرىسىن تيتتەي دە بوساڭسىماي ويداعىداي يگەرىپ، قۇنارلى اتىز، سورتتى تۇقىم، ءتيىمدى وراي، تاماشا ءادىستىڭ شوعىرلى ونىمدىلىگىن ارتتىرۋدى جەبەپ، اۋىل شارۋاشىلىعىنىڭ جالپىلىق ءوندىرىس قۋاتى مەن ساپا ونىمدىلىگىن جوعارىلاتۋ كەرەك. اۋىل شارۋاشىلىعىن كۇشەيتۋ، شارۋالارعا تيىمدىلىك جاساۋ، شارۋالاردى اۋقاتتاندىرۋ ساياساتىنىڭ ونىمدىلىگىن جوعارىلاتىپ، استىق سياقتى ماڭىزدى اۋىل شارۋاشىلىق ونىمدەرى باعاسىنىڭ ۇيلەسىمدى دەڭگەيدە بولۋىن جەبەپ، شارۋالاردىڭ كىرىسىن ورنىقتى ارتتىرۋدى جەبەۋ كەرەك. كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەپ، كەڭەيتىپ، ۇدايىلانعان سۇيەمەلدەۋدى اۋىل - قىستاقتى گۇلدەندىرۋ ستراتەگياسىنىڭ ءبىر تۇتاس اتقارىلۋىنا ەنگىزىپ، كولەمدى قايتا كەدەيلەسۋ، كەدەيلەسۋ تۋىلماۋ تومەنگى شەگىن بەكەمدەۋ كەرەك. ”مىڭ قىستاقتا ۇلگى كورسەتۋ، 10 مىڭ قىستاقتى رەتتەۋ - وڭاۋ“ ينجەنەرياسىنىڭ تاجىريبەلەرىن ۇيرەنىپ جانە ودان پايدالانىپ، قونىستانۋعا، كاسىپكە قولايلى ءارى كورىكتى اۋىل - قىستاق قۇرىلىسىن جەرگىلىكتى جاعدايعا قاراي ىلگەرىلەتىپ، اۋىل - قىستاقتى جونگە سالۋ جانە وركەنيەتتى اۋىل سالتى قۇرىلىسىنىڭ دەڭگەيىن جوعارىلاتۋ كەرەك.

شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋدى ەڭ ماڭىزدى ورىنعا قويۋعا تاباندى بولىپ، 5 دارەجەلى شۋجيلەر اۋىل - قىستاقتى گۇلدەندىرۋدى يگەرۋگە تاباندى بولىپ، قايراتتانا العا ۇمتىلىپ، شىنايى يگەرىپ، ناقتى ىستەپ، اۋىل شارۋاشىلىعىن وسىزاماندانعان ءىرى كاسىپ سالاسى ەتىپ قۇرىپ شىعۋعا قۇلشىنىپ، اۋىل - قىستاقتىڭ وسى زامانعى تۇرمىس شارت - جاعدايىن نەگىزىنەن ازىرلەۋىنە، شارۋالار تۇرمىسىنىڭ اناعۇرلىم باي، تاماشا بولۋىنا مۇمكىندىك جاساۋ كەرەك.

ءماجىلىس شي جينپيڭنىڭ ماڭىزدى نۇسقاۋىن جەتكىزدى، ۇيرەندى، «جۇڭگو كوممۋنيستىك پارتياسى ورتالىق كوميتەتىنىڭ، مەملەكەتتىك كەڭەستىڭ اۋىل شارۋاشىلىعىن، اۋىل - قىستاقتى وسىزامانداندىرۋدى كوزدەپ، اۋىل - قىستاقتى جاپپاي گۇلدەندىرۋدى تىڭعىلىقتى ىلگەرىلەتۋ جونىندەگى پىكىرىن (تالقى نۇسقاسى)» تالقىلادى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى ليۋ گوجۇڭ ماجىلىسكە قاتىناستى ءارى ءسوز سويلەدى.

ءماجىلىس بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى بيىكتە تۇرىپ الىستى بولجاعان، ەگجەي - تەگجەيلى، تەرەڭ، اسا كۇشتى يدەيالىق جەتەكشىلىك سيپاتقا جانە رەال باعىتتامالىلىققا يە، اۋىل شارۋاشىلىعى، اۋىل - قىستاق، شارۋالار قىزمەتىن ويداعىداي ىستەۋگە اناعۇرلىم ايقىن بەتالىس كورسەتتى، ونى، ءسوز جوق، ىشكەرىلەي ۇيرەنىپ، ءتۇسىنىپ، باتىل دايەكتىلەندىرۋ، تياناقتاندىرۋ كەرەك.

ءماجىلىس بىلاي دەپ باسا دارىپتەدى: اۋىل شارۋاشىلىعىن، اۋىل - قىستاقتى وسىزامانداندىرۋ جۇڭگو ۇلگىسىندەگى وسىزامانداندىرۋدىڭ جالپى جاعدايى مەن ساپاسىنا سايادى، ءسوز جوق، اۋىل شارۋاشىلىعىندا قۋاتتى ەل قۇرۋدى جەدەلدەتۋ كەرەك. استىق، ماي ءوندىرىسىن ورنىقتىرىپ، جاڭا كەزەكتى 100 ميلليارد جىڭ استىق ءوندىرۋ قۋاتىن جوعارىلاتۋ ارەكەتىن كۇش سالا اتقارىپ، استىق سورتىن ساپالىلاندىرۋدى جانە ساپاسىن جوعارىلاتۋدى ىلگەرىلەتۋ كەرەك. سۋ يگىلىگى نەگىزدىك قۇرىلعىلار قۇرىلىسىن كۇشەيتىپ، اۋا رايىن باقىلاۋ، الدىن الا مالىمەت بەرۋ، ساقتاندىرۋدى كۇشەيتىپ، اۋىل شارۋاشىلىعىنىڭ اپاتتان ساقتانۋ، اپات زيانىن ازايتۋ قۋاتىن كۇشەيتۋ كەرەك. ”كوجە قاتىق“ كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋدى جەبەپ، كوپ نەگىزدى ازىق - تۇلىكپەن قامداۋ قۋاتىن جوعارىلاتۋ كەرەك. ەگىستىك جەردى قورعاۋدى جانە ساپاسىن جوعارىلاتۋدى كۇشەيتىپ، ەگىستىك جەردىڭ قىزىل سىزىعىن قاتاڭ ساقتاپ، جوعارى ولشەمدى ەگىس اتىزى قۇرىلىسىن وڭىرگە، تۇرگە ءبولىپ، جوعارى ساپامەن ىلگەرىلەتۋ كەرەك. اۋىل شارۋاشىلىعىنداعى شەشۋشى، وزەكتى تەحنيكالاردان قامال الۋدى جانە عىلىم - تەحنيكا جەتىستىكتەرىن جوعارى ونىمدىلىكپەن كادەگە جاراتۋدى، قولدانۋدى كۇشەيتىپ، جەرگىلىكتى جاعدايعا قاراي اۋىل شارۋاشىلىعىنىڭ جاڭاشا وندىرگىش كۇشتەرىن دامىتۋ كەرەك. قايتا كەدەيلەسۋدەن، كەدەيلەسۋدەن ساقتانۋ مەحانيزمىن ءبىر تۇتاس جوسپارلاپ ورناتىپ، ۇدايىلانعان كومەكتەسۋ - سۇيەمەلدەۋ ساياسات جۇيەسىن اقاۋسىزداندىرىپ، دامىماعان وڭىرلەردىڭ دامۋىن ۇزدىكسىز قولداپ، كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەۋ، كەڭەيتۋ كەرەك. ءتۇرلى ءادىس - امالمەن شارۋالاردىڭ كىرىسىن ورنىقتى ارتتىرۋدى جەبەپ، استىق ەگەتىن شارۋالاردىڭ كىرىسىن قامتاماسىزداندىرۋ مەحانيزمىن اقاۋسىزداندىرۋ كەرەك. سىرتقا شىعىپ جۇمىس ىستەۋگە قىزمەت وتەۋ - قامتاماسىزداندىرۋدى جانە اۋىلىنا قايتىپ جۇمىستانۋدى، شارۋاشىلىق قۇرۋدى سۇيەمەلدەۋدى ءبىر تۇتاس ويداعىداي ىستەپ، شارۋا جۇمىسكەرلەردىڭ جۇمىس ورنىن ورنىقتىرىپ، جۇمىستانۋىن جەبەۋ كەرەك. اۋدان كولەمىندەگى حالىقتى اۋقاتتاندىرۋ كاسىپ سالاسىن جەتىلدىرىپ جانە زورايتىپ، شارۋالاردىڭ كاسىپ سالاسىن دامىتۋعا قاتىناسۋ ارناسى مەن ءتاسىلىن كەڭەيتىپ، اۋىل شارۋاشىلىعىمەن بىرلەسىپ، اۋىل شارۋاشىلىعىن جەتەكتەۋ مەحانيزمىن اقاۋسىزداندىرۋ كەرەك. اۋىل - قىستاق قۇرىلىسىن اتقارۋ مەحانيزمىن جەرگىلىكتى جاعدايعا قاراي كەمەلدەندىرىپ، اۋىل - قىستاق جەر بايلىعى كەڭىستىگىنىڭ ورنالاسۋىن ءبىر تۇتاس ساپالىلاندىرىپ، اۋىل - قىستاقتىڭ وسى زامانعى تۇرمىس شارت - جاعدايىنداعى ولقىلىقتاردى جەدەل تولىقتاپ، اۋىل - قىستاقتىڭ ساپالى تۇرمىس كەڭىستىگىن جاراتۋ كەرەك. اۋىل - قىستاقتىڭ قونىس ورتاسىن ۇزدىكسىز جونگە سالىپ، جوعارىلاتىپ، اۋىل - قىستاقتىڭ دارەتحاناسىن وزگەرتۋ، قىستاقتىڭ ماڭايىنا قوقىر - قوقسىق ءۇيىلىپ قالۋ سياقتى ماسەلەلەردى شەگە قاعۋ رۋحىمەن ويداعىداي شەشۋ كەرەك. اۋىل - قىستاق نەگىزگى ساتى ۇيىمدارىنىڭ كەزەك اۋىستىرۋ سايلاۋىن ويداعىداي ىستەپ، پارتيا قۇرىلىسىنىڭ اۋىل - قىستاقتى جونگە سالۋعا جەتەكشىلىك ەتۋ ونىمدىلىگىن جوعارىلاتۋ كەرەك. وركەنيەتتى اۋىل سالتى قۇرىلىسى ينجەنەرياسىن ىشكەرىلەي اتقارىپ، اۋىل - قىستاقتا ەسكى سالت - سانانى وزگەرتۋدى ۇزدىكسىز ىلگەرىلەتۋ كەرەك. جاڭا داۋىردەگى ”«فىڭچياۋ تاجىريبەسىنە“ تاباندى بولىپ جانە ونى دامىتىپ، ءتۇرلى قايشىلىقتار مەن داۋ - شاردى دەر كەزىندە شەشىپ، اۋىل - قىستاقتىڭ ورنىقتىلىعىن، تىنىشتىعىن قورعاۋ كەرەك. اۋىل - قىستاق رەفورماسىن ونان ارى تەرەڭدەتىپ، جەردى 2 - كەزەكتى كوتەرمەگە الۋ مەرزىمى تولعاننان كەيىن تاعى دا 30 جىل ۇزارتۋدى تۇتاس ولكە بويىنشا تۇيىندە سىناق ەتۋدى جاپپاي ورىستەتىپ، اۋىل - قىستاقتاعى ءتۇرلى بايلىقتاردى جانداندىرۋدى، پايدالانۋدى جۇيەلى، ءتارتىپتى ويداعىداي ىستەپ، اۋىل - قىستاقتى گۇلدەندىرۋ، قارجى قوسۋ، قارجى قۇراۋ مەحانيزمىندە جاڭالىق اشىپ، اۋىل - قىستاقتىڭ دامۋ قوزعاۋشى كۇشىن، ومىرشەڭدىك كۇشىن ۇزدىكسىز ارتتىرۋ كەرەك.

ءماجىلىس بىلاي دەپ باسا دارىپتەدى: پارتيانىڭ اۋىل شارۋاشىلىعى، اۋىل - قىستاق، شارۋالار قىزمەتىنە جاپپاي باسشىلىعىن كۇشەيتىپ، ءار دارەجەلى پارتيا، ۇكىمەت كادرلارىنىڭ اۋىل شارۋاشىلىعى، اۋىل - قىستاق، شارۋالار قىزمەتىن يگەرۋ قابىلەتىن جوعارىلاتىپ، اۋىل - قىستاقتى گۇلدەندىرۋ جاۋاپكەرشىلىك ءتۇزىمىنىڭ تياناقتانۋىن كۇشەيتىپ، ءتۇرلى مىندەتتەردىڭ تياناقتانىپ، ناتيجە بەرۋىن تىڭعىلىقتى ىلگەرىلەتۋ كەرەك. دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، ءىستى سانالى تۇردە زاڭدىلىق بويىنشا ىستەپ، ءىس تىندىرىپ، شارۋاشىلىق قۇرۋ ومىرشەڭدىك كۇشىن تولىق تاسقىنداتىپ، اۋىل - قىستاقتى جاپپاي گۇلدەندىرۋدە تىڭ ىلگەرىلەۋشىلىككە قول جەتكىزۋدى، اۋىل شارۋاشىلىعىن، اۋىل - قىستاقتى وسىزامانداندىرۋدى تىڭ ساتىعا كوتەرۋدى ىلگەرىلەتۋ كەرەك.

مەملەكەتتىك كەڭەستىڭ مۇشەسى، قوسىمشا مەملەكەتتىك كەڭەستىڭ باس حاتشىسى ۋ جىڭلۇڭ ءبىرىنشى جالپى ءماجىلىستى باسقاردى.

ورتالىقتىڭ اۋىل - قىستاق قىزمەتىنە باسشىلىق ەتۋ گرۋپپاسىنىڭ مۇشەلەرى، ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ جاۋاپتى جولداستارى، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ، قاتىستى فينانس قۇرىلىمدارىنىڭ جانە كاسىپورىنداردىڭ، ورتالىق اسكەري ىستەر كوميتەتى ورگانىنىڭ قاتىستى تاراۋلارىنىڭ جاۋاپتى جولداستارى ماجىلىسكە قاتىناستى.

كەلۋ قاينارى: حالىق تورابى