جاڭا جىلدىق تەاتر ساۋىق كەشى بەيجيڭدە وتكىزىلدى

شينحۋا اگەنتتىگى، 12 - ايدىڭ 30 - كۇنى، بەيجيڭ. 2026 - جىلعى جاڭا جىلدىق تەاتر ساۋىق كەشى 12 - ايدىڭ 30 - كۇنى كەشتە مەملەكەتتىك ۇلكەن تەاترحانادا وتكىزىلدى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار استاناداعى ءار سالا بۇقاراسىمەن كونسەرتتى بىرگە تاماشالاپ، جاڭا جىلدى شاتتانا قارسى الدى.

ءتۇن شىمىلدىعىن جامىلعان مەملەكەتتىك ۇلكەن تەاترحانادا اسەم شىراقتار جارقىراپ، تەاتر الاڭى دۋمانعا شومدى. 19 ساعات 45 مينۋت مولشەرىندە شي جينپيڭ قاتارلى پارتيا مەن مەملەكەت باسشىلارى ساۋىق كەش زالىنا كەلگەندە، بۇكىل زالدان دۋ قول شاپالاق ءۇنى كوتەرىلدى.

اسەم ءان جانە ءتاتتى كۇيمەن جاڭا جىلدى قارسى الدى، تەاتر اۋەنىمەن تاماشا ءداۋىردى جىرلادى. ويناقى اسپاپتىق مۋزىكا «پيحۋاڭ تەاترىمەن جاڭا جىلدى قارسى الۋمەن» كونسەرت شىمىلدىعى اشىلدى. «جيڭجۇي تەاترىنان جاڭا تۋىندىلار» ۇلاسپالى اۋەنى، بالالار باعدارلاماسى «قۇستار سايرايدى» سياقتى نومىرلەر بىرىنەن سوڭ ءبىرى قويىلىپ، تەاتر كوركەمونەرىنىڭ كۇن سايىن دامىعان، كەڭ تارالعان قۋانارلىق كورىنىسى ايگىلەندى. كۇنچۇي تەاترى «جياڭجوۋلىق ۇلىقتىڭ شاراپ جەتكىزۋى» تەاترىنان ورىندالعان ءۇزىندى بايىرعى تەاتر كوركەمونەرىنىڭ كوركەم كەلبەتىن قايتا ەلەستەتتى. كورىنىستىك كونسەرت «تەاتر ماڭىمىزدا قويىلدى» جانە چۋ تەاترى «اتىزداعى وگىز اڭىزى» وزىندىك ەرەكشەلىككە يە بولىپ، جەرگىلىكتى تەاتر دامۋىنىڭ تاماشا ەكولوگياسى مەن وزگەشە قاسيەتىن ايگىلەدى. «جيڭجۇي تەاترىنىڭ كلاسسيكالىق ءان بولەگىندە جۇرت القاۋىنا بولەنگەن «قۇر قالا ايلاسى»، «شيشى»، «شى - بي شايقاسى» سياقتىلار مەملەكەي جاۋھارى كوركەمونەرىنىڭ باۋراعىشتىعىن ايگىلەدى. وسى زامانعى بەيجيڭ تەاترى «قىزىل شىراق ەستەلىگىندە» جاپون شاپقىنشىلارىنا قارسى ەرلىكپەن شايقاس جاساعان جۇڭحۋا ۇلاندارىنىڭ وبرازى جاندى سۋرەتتەلدى. سايىسكەرلىك تەاترى «يانداڭ تاۋىنان» الىنعان ۇزىندىدە مىعىم دا ىسىلعان شەبەرلىكتى نەگىز ەتكەن بەيجيڭ تەاترى سايىسكەرلىك تەاترىنىڭ قايسارلىعى ايگىلەندى. ايبىندى تەاتر ءانى «مەملەكەت جاۋھارى» ورىندالعاندا ساۋىق كەشى جوعارى ورلەۋگە كوتەرىلىپ، قالىڭ ادەبيەت - كوركەمونەر قىزمەتكەرلەرىنىڭ شي جينپيڭ مادەنيەت يدەياسىن جەتەكشى ەتۋگە تاباندى بولىپ، ادەبيەت - كوركەمونەر ىستەرىن گۇلدەندىرۋگە، مادەنيەتتە قۋاتتى ەل قۇرۋعا اناعۇرلىم زور ۇلەس قوساتىن ورتاق جۇرەك ءۇنى جىرلاندى. كوركەمونەرشىلەردىڭ تارتىمدى ويىندارىن بۇكىل زالداعىلار قىزۋ القادى ءارى شاتىرلاتا شاپالاق سوقتى.

تۇتاس ساۋىق كەشىندە قارتتار، ورتا جاستاعىلار، جاستار، ورەندەر تۇگەلدەي ءوز ونەرلەرىن ايگىلەدى، كلاسسيكالىق تەاترلار مەن جاسامپازدىقپەن شىعارىلعان تاماشا تۋىندىلار ءوزارا سايكەسىپ، تۇرلىشە تەاتر تۇرلەرى بارلىق گۇل شەشەك اتىپ، تەاتر كوركەمونەرىنىڭ گۇلدەنىپ - كوركەيۋىنىڭ، دامۋىنىڭ ومىرشەڭدىك كۇشىن ايگىلەپ، جاڭا جورىقتا ۇزدىكسىز كۇرەس جۇرگىزۋدىڭ داۋىرلىك جەڭىس جىرىن اسقاق شىرقادى.

پارتيا مەن مەملەكەتتىڭ قاتىستى باسشى جولداستارى، قاتىستى تاراۋلاردىڭ جاۋاپتى جولداستارى كونسەرتتى تاماشالادى.

كەلۋ قاينارى: حالىق تورابى