مەملەكەتتىك كەڭەس «جاراقسىز قاتتى زاتتاردى جان - جاقتى جونگە سالۋ ارەكەت جوسپارىن» باسىپ تاراتتى

شينحۋا اگەنتتىگى، 1 - ايدىڭ 4 - قاڭتار، بەيجيڭ. بىرنەشە كۇننىڭ الدىندا مەملەكەتتىك كەڭەس «جاراقسىز قاتتى زاتتاردى جان - جاقتى جونگە سالۋ ارەكەت جوسپارىن» (تومەندە قىسقاشا «ارەكەت جوسپارى» دەلىنەدى) باسىپ تاراتتى.

ارەكەت جوسپارى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە پارتيا 20 - كەزەكتى ورتالىق كوميتەتىنىڭ ءار رەتكى جالپى ءماجىلىسىنىڭ رۋحىن ىشكەرىلەي دايەكتىلەندىرىپ، جاڭا دامۋ ۇستانىمىن تولىق، دۇرىس، جان - جاقتى دايەكتىلەندىرىپ، مولشەرىن ازايتۋ، بايلىققا اينالدىرۋ، زالالسىزداندىرۋ پرينسيبى بويىنشا، جۇيەلى ىلگەرىلەتۋ مەن ءتۇيىندى قامال الۋعا تاباندى بولىپ، ولقىلىقتاردى، ءالسىز بۋىنداردى جەدەل تولىقتاپ، ءتۇيىندى سالالاردى، ءتۇيىندى وڭىرلەردى، ءتۇيىندى ماسەلەلەردى قاداعالاپ، ارناۋلى جونگە سالۋدى ىشكەرىلەي ورىستەتىپ، جابىق باسقارۋدى قاتاڭ اتقارىپ، تۋ باستان مولشەرىن ازايتۋ، بارىسىن باسقارۋ - مەڭگەرۋ، سوڭعى ۇشىنان پايدالانۋ جانە تۇتاس تىزبەكتى زالالسىزداندىرىپ باسقارۋ سىندى جاراقسىز قاتتى زاتتاردى جان - جاقتى جونگە سالۋ جۇيەسىن ورناتىپ، بۇقارانىڭ تۇرمىسىمەن، ءوندىرىس حاۋىپسىزدىگىمەن تىعىز قاتىستى جاراقسىز قاتتى زاتتاردى الدىمەن جونگە سالىپ، جان - جاقتى جونگە سالۋدىڭ باياندى مەحانيزمىن جەدەل كەمەلدەندىرىپ، جاراقسىز قاتتى زاتتاردىڭ ارتۋ جاعدايىن باتىل تەجەدى.

ارەكەت جوسپارىندا مىنالار العا قويىلدى: 2030 - جىلعا بارعاندا، ءتۇيىندى سالالارداعى جاراقسىز قاتتى زاتتاردى ارناۋلى جونگە سالۋدا كورنەكتى ونىمدىلىككە قول جەتكىزىپ، جاراقسىز قاتتى زاتتاردىڭ تاريحي ءۇيىندىسىنىڭ ساقتالۋ مولشەرىن ءونىمدى تىزگىندەپ، زاڭسىز توگۋ جاعدايىن تەجەپ، كوپ قولدى جاراقسىز قاتتى زاتتاردىڭ جىلدىق جان - جاقتى پايدالانىلۋ مولشەرىن 4 ميلليارد 500 ميلليون تونناعا، نەگىزگى قايتا تۋىندايتىن بايلىقتاردىڭ جىلدىق اينالمالى پايدالانىلۋ مولشەرىن 510 ميلليون تونناعا جەتكىزىپ، قاتتى كۇيدەگى جاراقسىز زاتتاردى جان - جاقتى جونگە سالۋ قۋاتى مەن ورەسىن جوعارىلاتۋ كەرەك.

ارەكەت جوسپارىندا نازار ونەركاسىپ، قالا - قالاشىق، اۋىل شارۋاشىلىعى، ورمان شارۋاشىلىعى سياقتى باستى ءوندىرىس، جاراقسىز زاتتار سالاسىنا شوعىرلاندىرىلىپ، تۇتاس تىزبەكتى جان - جاقتى جونگە سالۋ وي جەلىسى بويىنشا مىنالار ورتاعا قويىلدى: ءارقايسى بۋىندى جونگە سالۋ مىندەتىن اناعۇرلىم ايقىنداپ، تۋ باستان باسقارۋ - مەڭگەرۋ جانە مولشەرىن ازايتۋدى ىلگەرىلەتىپ، جيناۋ، وتكەرمەلەپ تاسۋ جانە ساقتاۋدى ارناعا ءتۇسىرىپ، بايلىققا اينالدىرىپ پايدالانۋ دەڭگەيىن جوعارىلاتىپ، زالالسىزداندىرىپ جونگە سالۋ قابىلەتىن كۇشەيتىپ، جاراقسىز قاتتى زاتتاردى زاڭسىز توگۋ، ءبىر جاقتى ەتۋ، تۇرمىستىق قوقىر - قوقسىقتى كومۋ الاڭدارىنىڭ ورتانى لاستاۋ كومەسكى قاتەرى، قۇرىلىس قوقىر - قوقسىعى، تاريحتان قالعان جاراقسىز قاتتى زاتتاردى ءۇيىپ قويۋ ورىندارى، فوسفورلى گيپس سياقتى ءتۇيىندى سالالاردى ارناۋلى جونگە سالۋدى ورىستەتىپ، تۇتاس بارىستى باقىلاۋ - باسقارۋدى جانە زاڭ اتقارۋدى باقىلاۋ - تەكسەرۋدى قاتايتىپ، زاڭ - ەرەجە ولشەمى مەن تەحنيكالىق جۇيەنى كەمەلدەندىرىپ، ساياساتتىق قامتاماسىزداندىرۋدى كۇشەيتۋ جونىندە ورنالاستىرۋ جاساۋ كەرەك.

ارەكەت جوسپارىندا مىنالار تالاپ ەتىلدى: جەر - جەر، قاتىستى تاراۋلار پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىندا، ءىس جۇزىندىك جاعدايمەن ۇشتاستىرىپ، دايەكتىلەندىرۋدى، تياناقتاندىرۋدى مىقتى يگەرۋى كەرەك. جەرگىلىكتى ءار دارەجەلى ۇكىمەتتەر تۇلعالىق جاۋاپكەرشىلىكتى شىنايى اتقارىپ، قىزمەت ءتۇزىمىن كەمەلدەندىرىپ، نىسانا - مىندەتتەردى اشالاپ، تياناقتانىپ، ناتيجە بەرۋىنە كەپىلدىك ەتۋى كەرەك. قاتىستى تاراۋلار مىندەت ءبولىسى بويىنشا ءتۇيىندى مىندەتتەردى تياناقتاندىرىپ، قىزمەتتىڭ بىرىككەن كۇشىن قالىپتاستىرۋى كەرەك. ”كىم لاستاسا، سول جونگە سالۋعا“ تاباندى بولىپ، جاراقسىز قاتتى زاتتاردىڭ ورتانى لاستاۋىنان ساقتانۋ جانە ونى جونگە سالۋ جاۋاپكەرشىلىگىن ناقتىلاندىرۋ كەرەك.

كەلۋ قاينارى: حالىق تورابى