جۇڭگو وقۋ – اعارتۋ مينيسترلىگى ينتەرنەت كەڭىستىگى حاۋىپسىزدىك شۋەيۋانى قاتارلى 15 مەكتەپتى قۇرۋدى ماقۇلدادى

جۇڭگو وقۋ – اعارتۋ مينيسترلىگى 1 – ايدىڭ 4 – كۇنى تولىق كۋرس دەڭگەيىندەگى جوعارى مەكتەپتەردى قۇرۋدى ماقۇلداۋ جونىندەگى اشىق حابارلاندىرۋدى جاريالاپ، تيانجين كاسىپتىك داشۋەسى، ينتەرنەت كەڭىستىگى حاۋىپسىزدىك داشۋەسى قاتارلى 15 مەكتەپتى قۇرۋدى ماقۇلدادى.

وسى رەتكى اشىق حابارلاندىرۋعا قاراعاندا، «جۇڭحۋا حالىق رەسپۋبليكاسىنىڭ جوعارى دارەجەلى وقۋ – اعارتۋ زاڭى»، «جاي جوعارى مەكتەپتەردى قۇرۋ جونىندەگى ۋاقىتشا اتقارىلاتىن ەرەجە»، «جاي تولىق كۋرس دەڭگەيىندەگى مەكتەپتەردى قۇرۋ جونىندەگى ۋاقىتشا اتقارىلاتىن بەلگىلەمە»، «تولىق كۋرس دەڭگەيىندەگى كاسىپتىك مەكتەپتەردى قۇرۋ ولشەمى (سىناق رەتىندە اتقارىلادى)» قاتارلى قاتىستى بەلگىلەمەلەرگە ساي، وقۋ – اعارتۋ مينيسترلىگى پارتيا باسشىلىق گرۋپپاسى ءماجىلىس اشىپ قاراۋ ارقىلى تيانجين كاسىپتىك داشۋەسى قاتارلى 15 مەكتەپتى قۇرۋدى ماقۇلداعان.

وسى رەتكى اشىق حابارلاندىرۋداعى تىزىمدىككە ساي، سولتۇستىك جۇڭگو عىلىم –تەحنولوگيا شۋەيۋانى مەن اپاتتان ساقتانۋ عىلىم – تەحنولوگيا شۋەيۋانىنىڭ اتى شۇعىل جاعدايعا توتەپ بەرۋدى باسقارۋ داشۋەسى بولىپ وزگەرتىلدى، حۋايين تەحنولوگيا شۋەيۋانىنىڭ اتى حۋاي – ان داشۋەسى بولىپ وزگەرتىلدى، ۋاننان مەديتسينا شۋەيۋانىنىڭ اتى ۋاننان مەديتسينا داشۋەسى بولىپ وزگەرتىلدى، انحۇي عىلىم – تەحنولوگيا داشۋەسىنىڭ اتى انحۇي عىلىم جانە ينجەنەريا داشۋەسى بولىپ وزگەرتىلدى، بينجوۋ مەديتسينا شۋەيۋانىنىڭ اتى شاندۇڭ ءدارى – دارمەك داشۋەسى بولىپ وزگەرتىلدى، حۋنان عىلىم - تەحنولوگيا شۋەيۋانىنىڭ اتى حۋنان عىلىم - تەحنولوگيا داشۋەسى بولىپ وزگەرتىلدى.

تىزىمدىكتەگى 9 جوعارى مەكتەپ جاڭادان قۇرىلادى، مۇنىڭ ىشىندە، تيانجىن كاسىپتىك داشۋەسى، ينتەرنەت كەڭىستىگى حاۋىپسىزدىك داشۋەسى قاتارلى ۇكىمەت باسقارۋىنداعى 7 جوعارى مەكتەپ، سونداي – اق، نانچاڭ عىلىم – تەحنولوگيا كاسىپتىك داشۋەسى، گۇيجوۋ ونەركاسىپ – ساۋدا كاسىپتىك داشۋەسى قاتارلى جەكەلەر باسقارۋىنداعى ەكى جوعارى مەكتەپ قامتىلعان.

كەلۋ قاينارى: حالىق تورابى