2026 – جىلى ەلىمىز اۆتوموبيلدىڭ كونەسىن كەرەكتەن قالدىرىپ، جاڭاسىنا اۋىستىرۋعا قوسىمشا قاراجاتپەن قولداۋ كورسەتۋ كولەمىن كەڭەيتەدى

شينحۋا اگەنتتىگىنىڭ ءتىلشىسى شيە شيياۋ 12 – ايدىڭ 31 – كۇنى بەيجيڭنەن حابارلايدى. ساۋدا مينيسترلىگى قاتارلى تاراۋلار 12 – ايدىڭ 31 – كۇنى 2026 – جىلعى اۆتوموبيلدىڭ كونەسىن جاڭاسىنا اۋىستىرۋعا قوسىمشا قاراجات بەرۋدە اتقارىلاتىن ناقتى ەرەجەنى جاريالاپ، 2026 – جىلى اۆتوموبيلدىڭ كونەسىن كەرەكتەن شىعارىپ، جاڭاسىنا اۋىستىرۋعا قوسىمشا قاراجاتپەن قولداۋ كورسەتۋگە ءوتىنىش تاپسىراتىن كونە اۆتوموبيلدەردىڭ تىركەۋگە الدىرعان ۋاقىتىن تۇراقتاندىردى، 2025 – جىلداعىمەن سالىستىرعاندا، قولداۋ كورسەتۋ كولەمى ونان ارى كەڭەيتىلگەن.

2026 – جىلى اۆتوموبيلدىڭ كونەسىن كەرەكتەن قالدىرىپ، جاڭاسىنا اۋىستىرۋ قىزمەتى بارىسىندا، ەگەر قوسىمشا قاراجاتقا ءوتىنىش بەرۋگە قاتىناستىرىلعان كەرەكتەن قالدىرىلاتىن كونە اۆتوموبيل بەنزينمەن جۇرەتىن اۆتوكولىك بولسا، وندا ونى تىركەۋگە الدىرعان ۋاقىت 2013 – جىلى 6 – ايدىڭ 30 – كۇنىنەن (سول كۇندى قامتيدى، تومەندە ۇقساس) بۇرىن بولۋى كەرەك؛ ەگەر قوسىمشا قاراجات الۋعا قاتىناستىرىلاتىن كەرەكتەن قالدىرىلاتىن كونە اۆتوموبيل ديزەل مايىمەن نەمەسە باسقا جانارمايمەن جۇرەتىن اۆتوكولىك بولسا، وندا ونى تىركەۋگە الدىرعان ۋاقىت 2015 – جىلى 6 – ايدىڭ 30 – كۇنىنەن بۇرىن بولۋى كەرەك؛ ەگەر قوسىمشا قاراجات الۋعا قاتىناستىرىلاتىن كەرەكتەن قالدىرىلاتىن كونە اۆتوموبيل جاڭا ەنەرگيالى اۆتوكولىك بولسا، وندا ونى تىركەۋگە الدىرعان ۋاقىت 2019 – جىلى 12 – ايدىڭ 31 – كۇنىنەن بۇرىن بولۋى كەرەك.

مۇنان سىرت، ناقتى ەرەجەدە تاعى مىنالار ايقىن تۇراقتاندىرىلعان: اۆتوموبيلدىڭ كونەسىن جاڭاسىنا اۋىستىرۋ بارىسىندا جاڭا اۆتوموبيلدىڭ ساتىلىم باعاسىنىڭ سالىستىرماسى بويىنشا قوسىمشا قاراجات بەرىلەدى، كەرەكتەن قالدىرىپ جاڭالاۋشىلارعا ەڭ كوپ بولعاندا 20 مىڭ يۋان قوسىمشا قاراجات بەرىلەدى، جاڭاسىن ساتىپ العاندارعا ەڭ كوپ بولعاندا 15 مىڭ يۋان قوسىمشا قاراجات بەرىلەدى؛ قوسىمشا قاراجات الۋ شارتىنا ساي كەلەتىن ءوتىنىش بەرۋشىلەرگە 30 قىزمەت كۇنى ىشىندە قوسىمشا قاراجات تاپسىرىلادى.

تۇتىنۋشىلاردىڭ كومپيۋتەر ارقىلى ”مەملەكەتتىك اۆتوموبيلدى اينالىمعا سالۋ ينفورماتسيالارىن باسقارۋ جۇيەسى“ تورابىنا (https://qclt.mofcom.gov.cn) كىرىپ، ”اۆتوموبيلدىڭ كونەسىن جاڭاسىنا اۋىستىرۋ“ ارناۋلى پاراقشاسىن اشىپ، ءوتىنىش بەتىنە كىرگەن سوڭ، ءوتىنىش بەرۋ ينفورماتسياسىن تولتىرۋىنا ءارى قاجەتتى قوسىمشا ماتەريالداردى جولداۋىنا بولادى.

كەلۋ قاينارى: حالىق تورابى