ەلىمىز عارىشكەرلەرى تۇڭعىش رەت ۇڭگىردە جاتتىعۋ جاساۋدى تابىسپەن ورىندادى 

حالىق گازەتىنىڭ تىلشىلەرى ليۋ شىياۋ، جان كاڭ 1 – ايدىڭ 5 – كۇنى بەيجيڭنەن حابارلايدى. جۋىردا عىلىمي زەرتتەۋ ماقساتىندا جۇڭگو عارىشكەرلەردى جاتتىقتىرۋ ورتالىعى باستاماشىلدىقپەن ۇيىمداستىرىپ اتقارعان ەلىمىز عارىشكەرلەرىنىڭ تۇڭعىش رەت ۇڭگىردە جاتتىعۋى چۇڭچيڭ قالاسى ۋلۇڭ رايونىندا تابىسپەن اياقتادى. جاتتىعۋ مەزگىلىندە، جيىنى 28 عارىشكەر 4 توپقا ءبولىنىپ، 6 كۇن 5 ءتۇن ىشىندە ۇڭگىردە جاتتىعۋدى ورىندادى. مىندەتتىڭ ءىس جۇزىندىك جاعدايىمەن ۇشتاستىرپ جوبالاۋ، شوعىرلاندىرىلعان گرۋپپالىق جاتتىعۋ فورماسىن قولدانۋ جانە ءتۇرلى تەحنيكالاردا جاڭالىق اشۋ ءتاسىلى ارقىلى ەلىمىزدىڭ عارىشكەرلەردى جاتتىقتىرۋ جۇيەسىنىڭ مازمۇنىن جاسامپازدىقپەن بايىتىپ، عارىشكەرلەردىڭ سۇركەيلى قورشاعان ورتاعا توتەپ بەرۋ جاعىنداعى جالپىلىق قابىلەتىن اماليات بارىسىندا شىڭداپ، عارىشكەرلەردىڭ الدا عارىش بەكەتىندە اناعۇرلىم ۇزاق ۋاقىت بويى ۇشۋ مىندەتىن ورىنداۋى مەن ادام الىپ ايعا شىعۋ قاتارلى مىندەتتەردى ورىنداۋىنا پارمەندى تىرەك ازىرلەدى.

تانىستىرۋعا قاراعاندا، ۇڭگىردەگى قورشاعان ورتانىڭ عارىشتاعى سۇركەيلى شارت – جاعدايمەن ۇقساستىعى بار، مىسالى، وقشاۋ ورتا، تۇيىق ورتا، زور حاۋىپ – قاتەر قاتارلى ەرەكشەلىكتەرى ءبىر – بىرىمەن ۇقسايدى. عارىشكەرلەر ەرەكشە تار جولدار ارقىلى ءجۇرىپ، تىك جارتاستارعا ورمەلەۋ جانە ودان ءتۇسۋ، ۇزاق ۋاقىت بويى دىمقىل ءارى سۋىق ورتادا بولۋ جانە دەنە قۋاتىنىڭ توزىمدىلىك شەگىنە جەتۋ قاتارلى سىناقتاردى باستان كەشىرۋمەن بىرگە، قاراڭعى ورتادا تۋىندايتىن ۇرەي، سەزىنۋ قابىلەتىنىڭ شەكتەمەگە ۇشىراۋى قاتارلى سىناقتاردى باستان كەشىرەدى.

كەلۋ قاينارى: حالىق تورابى