قارتتاردى كۇتىمدەۋ جاعىندا قىزمەت وتەيتىن تيجارات نەگىزگى تۇلعالارىن جەتىلدىرۋگە دەم بەرەدى

حالىق گازەتىنىڭ ءتىلشىسى مىڭ شياڭفۋ 1 – ايدىڭ 15 – كۇنى بەيجيڭنەن حابارلايدى. جۋىردا حالىق ىستەرى مينيسترلىگى قاتارلى سەگىز تاراۋ «قارتتاردى كۇتىمدەۋ جاعىندا قىزمەت وتەيتىن تيجارات نەگىزگى تۇلعالارىن جەتىلدىرۋ، قارتتارعا ساياتىن ەكونوميكانى دامىتۋدى جەبەۋ جونىندەگى ءبىرقىدىرۋ شارانى» جاريالادى جانە اتقاردى، ماركالاندىرۋ قۇرىلىسىن ىلگەرىلەتۋ، قارتتاردى كۇتىمدەۋ جاعىندا قىزمەت وتەۋگە ساياتىن قامداۋ جانە قاجەتسىنۋدى بازارلاندىرۋدى جەبەۋ، قارتتاردى كۇتىمدەۋ جاعىندا قىزمەت وتەۋگە عىلىم – تەحنولوگيا ارقىلى دەم بەرۋ، قارتتاردى كۇتىمدەۋ جاعىندا قىزمەت وتەۋدى دامىتۋ ورتاسىن جاقسارتۋ، ماڭىزدى فاكتورلارمەن قولداۋ كورسەتۋ تەبىنىن ارتتىرۋ قاتارلى 5 ءتۇرلى جاقتاعى 14 ءتۇرلى ناقتى شارانى ورتاعا قويعان.

2025 – جىلدىڭ سوڭىنا دەيىن، ەلىمىزدە قارتتاردى كۇتىمدەۋ قۇرىلىمدارىنىڭ سانى جيىنى 41 مىڭ 700 بولىپ، بۇل سالاداعى قىزمەتكەرلەردىڭ سانى 722 مىڭ ادامعا جەتىپ، سايكەستى مەزگىلدەگىدەن %12.2 ارتقان. قارتتاردى كۇتىمدەۋ جاعىنداعى تيجارات نەگىزگى تۇلعالارىنىڭ دامۋ ورتاسىن جاقسارتۋ ءۇشىن، ءبىرقىدىرۋ شارالاردا مىناداي ناقتى شارالار ايقىن تۇراقتاندىرىلعان: بىرىنشىدەن، ءادىل باسەكەلىك ورتا جاراتىپ، تۇرگە ءبولىپ ىلگەرىلەتۋگە، ءادىل دە ادىلەتتى بولۋعا تاباندى بولىپ، ءتۇرلى تيجارات نەگىزگى تۇلعالارىنىڭ ۇقىعىنىڭ تەپە – تەڭ بولۋىنا، ەرەجەلەردىڭ تەپە – تەڭ بولۋىنا كەپىلدىك ەتۋ. ەكىنشىدەن، ۇكىمەت ىستەرى جاعىندا قىزمەت وتەۋدى كەمەلدەندىرىپ، قىزمەت وتەۋدىڭ دالدىگى مەن قولايلىلىعىن جوعارىلاتىپ، تيجارات نەگىزگى تۇلعالارىنا تۇتاس پەريود، تۇتاس تىزبەك بويىنشا جەتەكشىلىك ەتۋ جاعىندا قىزمەت وتەۋ. ۇشىنشىدەن، كۋالىكتەردى ءبىتىرۋ ءتارتىبىن جاقسارتىپ، تاراۋلار ارا، وڭىرلەر ارا قامالداردى بۇزىپ، قىزمەت وتەۋدىڭ ونىمدىلىگىن جوعارىلاتۋ. تورتىنشىدەن، ورنىقتى تيجارات جۇرگىزۋگە قولداۋ كورسەتىپ، جەر، شەكتى مەرزىم، قاراجات قاتارلى جاقتاردا قولداۋ كورسەتۋ.

كەلۋ قاينارى: حالىق تورابى