2025 – جىلى اپات سەبەبىنەن قۇلاعان، بۇلىنگەن ۇيلەردى قايتا سالۋ جانە جوندەۋ جۇمىسىنىڭ ورىندالۋ مولشەرى 60 پايىزدان اسقان

حالىق گازەتىنىڭ ءتىلشىسى ليۋ ۋىنشين 1 – ايدىڭ 15 – كۇنى بەيجيڭنەن حابارلايدى. ءتىلشىنىڭ شۇعىل جاعدايلارعا توتەپ بەرۋدى باسقارۋ مينيسترلىگىنەن ۇعىسۋىنشا، 2025 – جىلى اپات سەبەبىنەن قۇلاعان، بۇلىنگەن تۇرعىن ۇيلەردىڭ ىشىندە 45 مىڭ وتباسىنىڭ ءۇيىن قايتا سالۋ، 102 مىڭ وتباسىنىڭ ءۇيىن جوندەۋ قاجەت بولعان، قۇرىلىس جۇرگىزۋ مەرزىمى قاتارلى فاكتورلاردى ويلاستىرعاندا، قازىرگە دەيىن قايتادان سالۋ جانە جوندەۋ جۇمىسىنىڭ ورىندالۋ مولشەرى تۇگەلدەي 60 پايىزدان اسقان، ۋاقىتشا ورنالاستىرۋدى قاجەت ەتكەن اپاتقا ۇشىراعان جۇرتشىلىقتان 38 مىڭ ادام تۇگەلدەي ۇيلەسىمدى ورنالاستىرىلعان.

ۇعىسۋعا قاراعاندا، بىلتىر مەملەكەت دەڭگەيىندە اپاتتان قۇتقارۋ شارالارى جيىنى 24 رەت ىسكە قوسىلىپ، اپاتتان قۇتقارۋ شارالارى ىسكە قوسىلۋ سانى 10 جىلدان بەرى ەڭ كوپ بولعان؛ شۇعىل جوتكەپ ورنالاستىرىلعان جانە تۇرمىستىق كومەك بەرىلگەن ادام سانى جيىنى 3 ميلليون 630 مىڭ ادام (رەت) بولعان، ورتالىقتىڭ اپاتتان قۇتقارۋ قاراجاتىنان 11 ميلليارد 300 ميلليون يۋان بولىنگەن، ورتالىقتىڭ اپاتتان قۇتقارۋعا ارنالعان بۇيىمدارىنان 560 مىڭ داناسى جوتكەپ جەتكىزىلگەن.

شۇعىل جاعدايلاردى باسقارۋ مينيسترلىگىنىڭ قاتىستى جاۋاپتىسىنىڭ ايتۋىنشا، اپاتقا ۇشىراعان جۇرتشىلىققا اپاتتان قۇتقارۋ – كومەكتەسۋ قىزمەتىن جالپى بارىس بويىنشا دالمە – ءدال، جوعارى ونىمدىلىكپەن، ويداعىداي ورىستەتۋ ءۇشىن، قازىر قازىنا مينيسترلىگىمەن بىرگە ورتالىقتىڭ قىس پەن كوكتەمدە كومەكتەسۋگە ارنالعان قاراجاتىنان 4 ميلليارد 440 ميلليون يۋان قاراجات بولگەن، جەر – جەردىڭ قىستان وتۋگە ارنالعان ءتۇرلى بۇيىمداردان 600 مىڭنان استام بۇيىمدى جوتكەپ جەتكىزۋدى ورنالاستىرۋىنا جەتەكشىلىك ەتكەن. مۇنان سىرت، جۋىردا قىزمەت گرۋپپالارىن اپات تۋىلعان وڭىرلەردىڭ قىس پەن كوكتەمدە كومەككە بەرىلەتىن قاراجات پەن زاتتاردى تاراتۋىنا جەتەكشىلىك ەتۋگە ورنالاستىرىپ، اپاتقا ۇشىراعان جۇرتشىلىقتىڭ قولىنا كوكتەم مەرەكەسىنەن بۇرىن تاپسىرىپ بولۋعا كەپىلدىك ەتەدى.

كەلۋ قاينارى: حالىق تورابى