باعاسىن سالىستىرۋعا قولايلى بولدى! ەمدەۋ قامسىزداندىرۋىنداعى ءدارى – دارمەكتەردىڭ باعاسىن سالىستىراتىن شاعىن پروگرامما ەلىمىز كولەمىندە ينتەرنەتكە شىعارىلدى

ءتىلشىنىڭ 1 – ايدىڭ 16 – كۇنى مەملەكەتتىك ەمدەۋدى قامتاماسىزداندىرۋ مەڭگەرمەسىنەن ۇعىسۋىنشا، قازىرگە دەيىن، ەلىمىز بويىنشا 31 ولكە (اۆتونوميالى رايون، توتە قاراستى قالا) مەن شينجياڭ ءوندىرىس – قۇرىلىس بيڭتۋانىندا ەمدەۋ قامسىزداندىرۋىنداعى ءدارى – دارمەكتەردىڭ باعاسىن سالىستىراتىن شاعىن پروگراممانى ينتەرنەتكە شىعارۋ قىزمەتى بۇكىلدەي ورىندالىپ بولىپ، بارلىق ءوڭىردى قامتۋ، بارلىق ادامعا قولجەتىمدى بولۋ ىسكە اسىرىلىپ، جەر – جەردەگى قامسىزداندىرۋعا قاتىناسقان جۇرتشىلىقتىڭ باعا سالىستىرۋ جاعىنداعى قولايلى قىزمەت وتەۋدەن يگىلىكتەنۋىنە شارت – جاعداي ازىرلەندى.

وسىنىڭ الدىندا، جۇرتشىلىق ءتۇرلى ءدارى - دارمەك دۇكەندەرىندە ءبىر ءتۇرلى ءدارىنىڭ باعاسىنداعى پارىقتىڭ ءبىرشاما زور بولۋىنان الاڭداپ، بىرنەشە ءدارى - دارمەك دۇكەنىنە بارىپ – كەلىپ باعاسىن سالىستىرىپ سابىلاتىن، ۋاقىتىن دا، كۇشىن دە سارىپ ەتەتىن. جۇرتشىلىقتىڭ ءدارى ساتىپ العان كەزدە جولىعاتىن وسىنداي ماسەلەسىن شەشىم ەتۋ ءۇشىن، ەمدەۋدى قامتاماسىزداندىرۋ مەڭگەرمەسى 2024 – جىلدان باستاپ ەلىمىز كولەمىندە بەلگىلەنگەن ءدارى - دارمەك دۇكەندەرىندەگى ەمدەۋ قامسىزداندىرۋىنداعى ءدارى – دارمەكتەردىڭ باعاسىن سالىستىراتىن شاعىن پروگراممانى دايىنداۋدى ىلگەرىلەتكەن.

تانىستىرۋعا قاراعاندا، ەمدەۋ قامسىزداندىرۋىنداعى ءدارى – دارمەكتەردىڭ باعاسىن سالىستىراتىن شاعىن پروگرامما مەملەكەت بويىنشا ەمدەۋ قامسىزداندىرۋىنداعى بەلگىلەنگەن ەمدەۋ قۇرىلىمدارىنىڭ ساندى مالىمەت بايلىعىنا ارقا سۇيەپ، ءدارى – دارمەكتىڭ باعاسىن سالىستىرۋدى ءبىر بەكەتتىك فورمادا ىسكە اسىرادى. قامسىزداندىرۋعا قاتىناسقان جۇرتشىلىق ۋيشين نەمەسە جىفۋباۋ ارقىلى جەرگىلىكتى ورىنداعى ەمدەۋ قامسىزداندىرۋى شاعىن پروگرامماسىنا نەمەسە ەمدەۋ قامسىزداندىرۋى App ى ارقىلى ەمدەۋ قامسىزداندىرۋىنداعى ءدارى – دارمەكتەردىڭ باعاسىن سالىستىراتىن شاعىن پروگرامماعا كىرىپ، ءدارىنىڭ اتىن جازعان سوڭ، ءوزى تۇرعان كولەمدەگى بەلگىلەنگەن ءدارى - دارمەك دۇكەندەرىندەگى دارىلەردىڭ باعا ارالىعى، قويماداعى زاتتاردىڭ جاعدايى، وندىرگەن كاسىپورىن قاتارلى ماڭىزدى ينفورماتسيالاردى سۇراستىرا الادى. ءدارى - دارمەك دۇكەنىن تاڭداعان سوڭ، قامسىزداندىرۋعا قاتىناسۋشىلاردىڭ ءبىر كنوپكا ارقىلى دۇكەنگە توتە اپاراتىن جولجەتەكتى اشۋىنا، ءبىر كنوپكا ارقىلى تەلەفون جالعاپ سۇراستىرۋىنا بولادى.

كەلۋ قاينارى: حالىق تورابى